Hechos 17:20 - Northern Tepehuan Bible

²⁰ —Tomarhi ïmo imidagai mai kajiomakana aatïmï aatagi podukai. Xibi ipïrhidi aatïmï pïxi gïr aagidagi ixdukatai ikaidaga gï aatagi— itïtïdai go ix makïdï gïn ïmpaiditadai.

Tepehuan Northern: Diuusi ñiooquidʌ utuducami oodamicʌdʌ

²⁰ Gʌraagidañi istumaasi maimaatʌ aatʌmʌ dai cascʌdʌ maatʌca ʌrʌlidi aatʌmʌ istʌiya ʌlidi aapi goocʌdʌ ―astʌtʌdai.

Hechos 17:20 ပူးပေါင်းရင်းမြစ်များ

Markos 9:10

Kaxkïdï go ix makïdï oiditadai go Suxi mai aagidi tomarhi ïmadutai dïï mos ïïgi gïn tïkakaiña ïgai aipako ix tïiya ïrhidi Suxi potïkai ïgai ix duaka agai.

VUAANA 6:60

Daidi mui mamaatïrdamigadï Suxi ikaiti kaïkai aatagidï, —Arhiï xijaigan kaiti aatagidï. ¿Dukatai buaboitudana ïmoko?— ikaitiña.

Hechos 10:17

Kia tïtïitoitadai Piduru ix tuma bïïtarïkatadai tïïtïkidï bai ami kurarai kuuparagïrï ayi Kornelio ojotosadï. Boiyañdïrï gatïkakaimi ïgai sa xako oidaga Ximuñi dai ayi.

Hechos 17:19

Daidi baidaja ïgai go Pabora Areopagïrï xako gïn ïmpaidiña odami dai bhai buadana aatagi dudunukami ïmadï. Ami ïmpaiñdaragïrï go odami baan kïïxi go Pabora daidi itïtïdai, —Gïr aagidañi ix tïiya ïrhidi aapi go utudui aatagikïdï ix makïdï gïr aagiditadai aapi— itïtïdai.

Hechos 17:21

Aidïpïrï go Atenasïrï óídakami ïmadï jaa xibhïadïrï óídakami ix makïdï ami óídatu mos bïïx tasai darajatai gaatagaiña ixtuma tïgibudagai utudui kaidagakana.

Hechos 2:12

Dai mai tïtïgaitadai ïgai ixdukatai gïn tïtïgitoagi daidi ikaitiña, —¿Dukatai gïr ïpïamaaxi ñokai gobai?— ikaitiña. —Mai ajïi gïr tïgibudaga xi maatiagi ixdukatai pomaaxi ñokai gobai— ikaitiña.

1 Korintios 1:18

Daiñi, go odami ix makïdï mai buaboitudai mos ïmo buirudagai dukai kaïkana gïr aatagi xïxkadï aagiadagi aatïmï ix tumaxi idui Suxi Kristo kuruxiana. Ïgai mai biaka agai soiñi dai bhïi agai go gïgïbidaragai bïïxkïrï bïïtarï. Dïï gia aatïmï gïr bïïtarï ix makïdï Diuxi kïïgakïrï gïr bubaidimi kïïga maatï aatïmï sai go aatagi bia Diuxi gubukarhigadï.

1 Korintios 1:23

Dïï aatïmï mai sastudakami dukai ñokaiña dai bhaiyoma mosïkaxi aagaiña aatïmï Suxi Kristo ix makïdï kuruxiana gï xixatu. Kaxkïdï mui odami mai buaboitudai gïr aatagi. Go judidiu mos bhakoikana aagaitai aatïmï Suxi Kristo. Dai go ix makïdï maiti ïr judidiu mos buirudagai dukai kaïkana gïr aatagi.

1 Korintios 2:14

Dïï go gaa odami ix makïdï mai bia Diuxi Ibhïadï mai maatï kaïkana gïr aatagi. Buirudagai dukai kaïkana ïgai bhaiyoma. Mosïkaxi go odami ix makïdï biakagi Diuxi Ibhïadï bhaiga ix maatï kaïkagi maatïtuldaradï Diuxi Ibhïadï.

Hebreos 5:11

Gin aaduñi, naana maaxi bamioma gïn aagida in ïrhidi aagaitai Suxi Kristo ix makïdï ïr bhaitï kïakïdï dadaxdadami gïr bïïtarï. Dïï xijaiga gin bïïtarï xi tïïgiagi ñoki ix dukatai gïn aagidagi. Sïïrhikïdï kapaka gïn momo kaxkïdï.

1 Pedro 4:4

Pobuayi ïgai tudu. Dai gïn ñokidiña ïgai xïïxkadï maiti ipïrhiadagi aapimï xi uurapïkïdagi ïgai xïïxkadï ibuadagi ïgai bïïxi pomaaxkami buirudagai. Mai tïtïgai ïgai ix tuixi ka mai uurapïkïi aapimï kaxkïdï.