Hechos 16:9 - Northern Tepehuan Bible

⁹ Dai aidï tukarï tïïtïkimi Pabora ïmo kïïrhi Masedoniañdïrï oidakami sai buidïrï kïïka dai daañimi daidi ikaitimi, —Gimi Masedoniamu dai gïr soiña— ikaitimi.

Tepehuan Northern: Diuusi ñiooquidʌ utuducami oodamicʌdʌ

⁹ Dai ami ʌmo imidagai tucarʌ tʌʌtʌquimi ʌPaavora ʌmo cʌʌli Masedoniaiñdʌrʌ sai vuidʌrʌ cʌʌca dai daanʌi daidʌ itʌtʌdai: “Diimi Masedoniamu dai gʌrsoiña”, astʌtʌdai.

Hechos 16:9 ပူးပေါင်းရင်းမြစ်များ

Hechos 10:3

Daidi ïmo imidagai koi gïsïko tasai go Kornelio ïmo tïïtïki dukai tïï ïmo Diuxi tïañikarudï. Kïïga nïidi ïgai sai miadïrï kïkiba go Diuxi tïañikarudï dai kaï ïgai ix tïtïdai, —Kornelio— itïtïdai go Diuxi tïañikarudï.

Hechos 10:30

Daidi Kornelio itïtïdai aidï, —Kaxi pogïdui maakoba tasai parï kaduku, ka koi gïsïko tasai, tanaxi gin kiiyïrï dakatadai aanï dai gadaanïitadai aanï Diuxi. Dai todian dukai gï maaxitu ïmo kïïrhi dai totobikïi yukuxidï.

Hechos 16:10

Kaxkïdï otoma bhai gïr dui aatïmï dai iimia ragai Masedoniamu. Kïïga buaboidaitadai aatïmï ix gïr baiditadai Diuxi tïsai ami oidakami buitapi aitulda go bhai ïrhiaragai ñoki.

Hechos 16:12

Dai abhiadïrï iji aatïmï Filipoamu. Go Filipo ïr ïmo gïdukamioma kiiki ami Masedonia oidigïrï. Dai ami Filipoïrï tïanïitadai go Romanos. Ami tudu gïr urhi aatïmï chïki tasai.

Hechos 18:5

Daidi gokiïrï go Silas ïmadï Timoteo ayi Masedoniañdïrï. Dai Pabora dagito somaragai ikuxi bhaabhaki dai mos aagidiña óídakami ix kaiti Diuxi ñokidï. Sïïrhi aagidiña ïgai go judidiu sai Suxi ïr Diuxi Otosadï Gïr Bhaitï Kïakamiga.

Hechos 19:21

Daidi gokiïrï xi kaxi pobï gï duitadai gobai, gï tïgito Pabora xi imiagi Jerusalenamu dai gï tïgito ïpï xi boiyana gadibidagi xako Masedoniana dai Akayana tïtïgidu oidigi. Daidi ikaititadai ïgai aidï, —Mos dibidamu aanï óídakami Jerusalenïrï dai bhodïrï gï agadamu xi imi aanï Ramamu ïpï— ikaiti.

Hechos 19:22

Dai bhodïrï Masedoniamu otoi ïgai goka gï aaduñi. Timoteo dai Erasto tïtïgidukana ïgai daidi ïr soikïdakamikana aaduindadïrï. Dai Pabora anaaxi bii bhai tïbïpi xako Asiana tïgidu oidigi.

Hechos 19:29

Daidi bïïxi Efesoïrï óídakami gin ïmpagi dai naana kaitimi iñakaitai ïpï. Dai muidutai ïgai iji dai mïï bui goka kïkïïrhi Gayo dai Aristarko tïtïgidukami dai gubudakïdï tïbaimuka ïgai salonamu xako ibuadana ïmpaiñdaragai ami óídakami. Go Gayo ïmadï Aristarko xibhïadïrï oitadai go Pabora. Masedoniañdïrï óídakami ïgai.

Hechos 20:1

Mos ugitïkai go xixorhigai Efesoïrï baidi Pabora otoxi ñoki go buaboitudadami ami óídakïdï sai gïn ïmpaidana. Dai maa ïgai aatagi dai abïnaki daidi itïtïdai sai apia buaboitudana ïgai. Dai gokiïrï diosagi ïgai dai bhïiyi boi Masedoniamu.

Hechos 20:3

Ami bii ïgai baika masadai. Dai gokiïrï ka tïsaida agaitadai ïmo barkoana dai imia agaitadai Siriamu, dïï máí ïgai xi go judidiu ka bhai duitadai ñoki dai mua agai ïgai kaxkïdï bhaiyoma dïbïrapi sïïrhi aa gïi ïgai ïpamu Masedoniamu sïïrhi.

Hechos 27:2

Dai tïtïsai aatïmï ïmo barkoïrï Adramitiañdïrï oidakami daidi ïr Asiamako imïdami. Dai ïmo kïïrhi Aristarko tïgidukami gïr oiditadai ïpï. Ïgai ïr Tesalonikïrï oidakami. Go Tesalonika Masedonia oidigïrï bipiïyi.

Hechos 9:38

Dai ami Jopañdïrï miadïga Lidiamu xako dakatadai Piduru aidï. Dai go buaboitudadami máí ix ami dakatadai Piduru dai otoi goka kïkïïrhi sai mïï aagidana go Piduru sai otoma dibiana.

Romanos 15:26

Go buaboitudadami ix makïdï maiti ïr judidiu dai ix makïdï Masedoniïrï dai Akayïrï óídaga otosda ïrhidi soiñi go Jerusalenïrï buaboitudadami tudu. Soiña ïrhidi ïgai ix makïdï ïr soititigami tudu dai kïïga ïmpagi soiñi ïgai bïïtarï.

2 Korintios 11:9

Aidïxi gïn ïmadï dakatadai aanï mai dagito aanï ix xia buadagi aapimï gïn tuminxiga gin bïïtarï. Dai bhaiyoma go buaboitudadami Masedoniïrï óídakami gin buapi tuminxi aidïxi ka mai biakatadai aanï ixtukïdï oidakagi. ¿Ïmo soimaaxkami ix dukai mïx nïidi aapimï ix maiti gïn dagito aanï ix soi gïn buadagi aapimï? Xadïrï soimaaxkana gobai. Tomarhi ïmo imidagai maiti ipïrhidi aanï sai xia buadagi aapimï gïn buxtuidaga gin bïïtarï tudu.

2 Korintios 12:7

Kaxi gïn aagidi aanï saidi ipïrhidi aanï ix maatïkagi aapimï xïïxi mai gubuka aanï tudu. Kaxkïdï gïn aagidamu aanï ïpï ïmo ixtumaxi ix makïdï taatamaiña aanï. Daiñi, kïïga ïr buaboi sai Diuxi gin tïïgi naana maaxi xigiamaaxkami tïbagiïrï dïï gia gin nukadai ïgai dai maiti ipïrhidi ix ïmo gïdukami dukai gin ïrhiadagi aanï ïïgi. Kaxkïdï dagito Diuxi saidi gin ajiagi ïmo ixtumaxi diabora amadïrï ix makïdï bïïx tasai gin tomituskïi ïmo sïïxigai dukai gin tukugïrï. Diuxi dagito saidi gin ajiagi gobai sai podukai mai ïmo gïdukïdï dukai gin ïrhiadagi aanï ïïgi tudu.

2 Korintios 7:5

Gin aaduñi, ipïrhidi aanï sai maatïkagi aapimï sai aidï abhiadïrï xi ayi aanï ïmadï gin aaduñi tami Masedoniïrï naana maaxi taatamaiña aatïmï soi ïrhiaragai. Kabami ibhiokoiña aatïmï tudu mai tipukatai ibhïxtaragai gïr bïïtarï. Bïïxi aipakoga xako ajiopadagi aatïmï mai biïgakana xorai gïr bui bïïtïkagi tudu. Dai ïkobïrakoga sïïrhikïdï buamï rïrhidiña aatïmï bïïxi go buaboitudadami bïïtarï ix makïdï gïn ïmpaidiña bïïxi aipakoga.

2 Korintios 8:1

Gin aaduñi, ipïrhidi aanï sai maatïkagi aapimï sai tomaxi soi dukai dïgabuskïi go buaboitudadami aipakoga Masedonia munisipiïrï dai tomaxi ïr soititigami ïgai, tomax dukai bïïxkïrï kïïga bhai gïn ïrhidiña ïgai dai kïïga mui tuminxi ïmpagi dai mai tudayitai soikïi ïgai jaa. Diuxi ïgai dai podukai aatadui ïgai ïmadï kïï tuigakatai Diuxi ïgai bïïtarï tudu.

1Tesalonicenses 4:10

Ka kïïga oigïdai aapimï go gaa buaboitudadami ami Masedoniana óídakami tudu. Dïï bïïxkïrï gïn abïnakida rïrhidi aatïmï sai apia bamioma kïïga gïn oigïdadagi aapimï aipakoga.