Hechos 16:6 - Northern Tepehuan Bible

⁶ Go Pabora ïmadï go gaa imia ïrhiditadai xako Asia tïgidu oidigi dai ami aagadagi Diuxi ñokidï ïpï dïï Diuxi Ibhïadï mai dagito xi kaxkïdï bhaiyoma sïïrhi dïgabusai ïgai xako Frijia dai Galasia tïtïïgidu oidigi.

Tepehuan Northern: Diuusi ñiooquidʌ utuducami oodamicʌdʌ

⁶ Dai Diuusi Ibʌadʌ maidagito isgaaagida ʌgai Diuusi ñiooquidʌ Aasia dʌvʌʌriʌrʌ. Cascʌdʌ mosdʌgavusai ʌgai Pilijia dai Galasia dʌdʌʌvʌriamu.

Hechos 16:6 ပူးပေါင်းရင်းမြစ်များ

Hechos 10:19

Dai aidïpïrï kia tïtïitoitadai go Piduru go tïïtïki bai Diuxi Ibhïadï itïtïdai aidï, —Aapi Piduru, gï gaagaimi baika kïkïïrhi.

Hechos 11:12

Dai Diuxi Ibhïadï gin aagidi ansai oidana mai buamï in ïrhiatugaitai. Dai naadami buaboitudadami Jopeïrï óídakami gin oi ïpï. Bïïxkatai aatïmï ayi kiidïrï ïmo kïïrhi Kornelio tïgidukami.

Hechos 16:7

Dai bhodïrï ayi ïgai miadïrï xako Misiana tïgidu dai oijada agaitadai gïn imidagai Bhitiniamakoga dïï mos Suxi Ibhïadï mai dagito ix gamo iimia ïgai ïpï.

Hechos 18:23

Ami bii Pabora bhai tïbïpi. Dai gokiïrï jii ïgai dai dibida agai buaboitudadami Galasiïrï dai Frigiïrï óídakami. Bïïxi ïïmapïkïrï xako gïn ïmapidiña buaboitudadami dibiji ïgai dai gamaakaitai ñoki gaabïnakidimi.

Hechos 19:10

Goka umigi aiturhi Pabora gamaamakaitai aatagi ami. Dai bïïxi aipako ayi go aatagi bai podukai bïïxi ami oidigïrï óídakami kaï Diuxi ñokidï, ix makïdï ïr judidiu ïmadï ix makïdï maiti ïr judidiu ïpï. Asia tïgidu ami oidigi tudu.

Hechos 20:16

Go Pabora mai tïbïpi daka ïrhiditadai go Asia oidigïrï. Otoma aiya ïrhiditadai Jerusalenïrï. Daka ïrhiditadai ïgai go tïrhigi bagimigadï tasïrï bïïtarï. Kaxkïdï ijitadai aatïmï Miletamu sïïrhi dai mai dïgabusai Efesoana.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 20:4

Jaa chïki kïkïïrhi oiditadai go Pabora ïpï dai ïgai gïr bhaitï iji dai ïpïgioma ayi xako Troasïrï tïgidu kiiki. Ami gïr nïnïrakatadai ïgai. Ïmoko ïgai ix makïdï bhaitï jii ïr maradïkatadai Pirhi dai Sopater tïgidu. Bereïrï oidakamikatadai ïgai . Dai iimïitadai go Aristarko ïpï ïmadï Segundo. Ïgai ïr Tesalonikïrï óídakami. Dai Gayo ïpï, Derbiïrï oidakami dai Timoteo. Dai imïitadai Tikiko ïpï ïmadï Trofimo. Ïgai ïr Asiïrï óídakami. Bïïxkatai ïgai gïr nïnïrakatadai Troasïrï.

Hechos 21:27

Bhodïrï abhiadïrï kubarakami tasaikïdï karhioga kugaida agaitadai ïgai go bituldaragai bai jaa judidiu Asiañdïrï óídakami tïï go Pabora xi nobai go gïï kiupiana aimïraitadai Jerusalenïrï.

Hechos 6:9

Dïï bïïxkïrï mui odami bui ñokaitadai go Tibañi. Ïïmoko go kïkïïrhi ix makïdï bui ñokaitadai dada ïmo judidiu kiupaigadïañdïrï ix makïdï Libertados tïgidu kiupai. Cireniañdïrï dai Alejandreañdïrï oidakamikatadai ïgai. Dai jaa bui ñokadami Ciliciañdïrï dai Asiañdïrï oidakamikana. Bïïxkatai ïgai bui surhi go Tibañi.

Hechos 8:29

Daidi Diuxi Ibhïadï itïtïdai Pirhi, —Imiñi dai abhana kïkiba go kareta— itïtïdai.

Romanos 16:5

Diuxkïdï abïr biatulda go buaboitudadami ïpï ix makïdï gïn ïmpaidi kiidïrï Prisila ïmadï Aquila. Diuxkïdï abïr biatulda gin sukurhi Epeneto. Kïïga oigïdai aanï ïgai. Ïgai tudu ïr ïpïgadadï go Asiana óídakami ix makïdï buaboitu Suxi Kristo.

1 Korintios 12:11

Arhi ïmaduga Diuxi Ibhïadï tudu dai gamaakai ïgai gubukarhigai xorai maakia ïrhiadagi ïgai.

1 Korintios 16:1

Xibi gïn aagidamu aanï ix dukatai ïmpaidadagi aapimï go soiñi go buaboitudadami bïïtarï ix makïdï Jerusalenana óídaga. Ka aagidi aanï go buaboitudadami Galasiana ixdukatai ïmpaidadagi ïgai soiñi ïpï dai ipïrhidi aanï ix ïpïandukai ibuadagi aapimï.

1 Korintios 16:19

Gin susukurhi, bïïxkatai go buaboitudadami ix makïdï aipakoga gïn ïmpaidiña tami Asiïrï gïn otoxdi ïmo biatuldaragai. Dai go Aquila dai Prisila dai bïïxi go gaa buaboitudadami ix makïdï gïn ïmpaidiña ami Aquila kiidïrï Diuxikïdï gïn biaturhi ïpï. Kïïga maatï ïgai sai aapimï bïïna daraka gïr Bhaitï Kïakamiga ïpïandukai ïgai kaxkïdï gïn oigïdai ïgai.

2 Korintios 1:8

Gïr aaduñi, ipïrhidi aatïmï sai maatïkagi aapimï xïïxi kabami soimaaxi taatamaiña aatïmï baasïkioma amïka Asiana ajiopaitai. Sïïrhikïdï bïïtïkatadai go soi ïrhiaragai ix makïdï gïr ayi ami tudu. Maiti ixtuidiadan taadatugaiña aatïmï mos ïï bïïtïkatai gobai dai asta koiyadan antaadatugaiña aatïmï go soi ïrhiaragaikïdï.

Galatas 3:1

Aapimï gin aaduñi Galasiïrï óídakami, sïïrhikïdï mai kïïgadu gïn tïgibudaga. Gïn bupuirumagi ïrhi aanï ixtumaxi. ¿Xorai ïgai dai gïn bupuirumagi tudu? ¿Mai ix kïïga gïn tïtïgidi aatïmï ix tuma bïïtarï muu Suxi Kristo kuruxiana?

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

2 Timoteo 4:10

Bhaitoma ïïgi bii aanï tanai kaxkïdï. Kaxi gin dagito go Demas tudu dai jii Tesalonikamu gaagaitai bhai ïrhiaragai ixtumaxiïrï oidaga tami oidigi daama. Dai go Kresente jii Galasiamu dai go Tito jii Dalmasiamu.

Hebreos 11:8

Go Abraamkaru kïïga buaboitu ïpï dai kaxkïdï buaboidaitai ïïgidi ïgai Diuxi. Diuxi aagidi sai dagitona kiidï dai sai imïna xibhïakoga xako Diuxi maaki agai ïmai dïbïrai xako oidakagi. Dai bïïxkïrï ïïgidi ïgai tomaxi mai maatïkatadai xako imi agai kia.

1 Pedro 1:1

Aanï ïr Piduru dai gïn ojidi idi ojai ïmo otosadïkatai aanï Suxi Kristo. Idi ojai ïr go óídakami bïïtarï ix makïdï ïr ïko bubaidadï Diuxi. Aapimï gïn bïïtarï ix makïdï mïkaxi óídaga gïn kiiyañdïrï, aapimï ix makïdï aipakoga Pontïrï dai Galasiïrï dai Kapidosiïrï dai Asiïrï dai Bitiniïrï óídaga xibi tudu.

Apokalipsis 1:11

Dai pobai gin tïtïdai ïgai, —Ojañi aapi ïmo libroïrï pïx tumaxi kaïkagi dai nïijadagi dai bhodïrï otosañi go ojai Asiamu go buaboitudadami ix makïdï kubarakami gïgïrï kiikiïrï gïn ïmpaidiña ami. Otosañi ix makïdï gïn ïmpaidiña Efesoïrï tudu dai Esmirnïrï dai Pérgamoïrï dai Tiatirïrï dai Sardixiïrï dai Filadelfiïrï dai Laodisiïrï— ikaiti go ñoki.

Apokalipsis 1:4

Aapimï buaboitudadami Asiana óídakami, aanï ïr Juan dai gïn ojidi idi ojai. Gïn ojidi aanï aapimï tudu ix makïdï kubarakami gïgïrï kiikiïrï óídaga aipakoga ami Asiana. Ipïrhidi aanï sai Diuxi ïmadï Diuxi Ibhïadï ïmadï Suxi Kristo kïï tuigakana gïn bïïtarï dai sai gïn maakana ibhïxtaragai gïn ibhïdagïrï. Diuxi tudu ïgai dai ka oidakatadai mai kia kïkibakai oidigi dai tomarhi ïmo imidagai mai ugiti agai. Dai Diuxi Ibhïadï ïgai dai buidïrï kïïka Diuxi daikarudï dai ami gamamaaxidi xïïxi ïr gubuakami ïgai dai ix mai biïga tomarhi ïmo ixtumaxi.