Hechos 16:33 - Northern Tepehuan Bible

³³ Dai kia ïr tukarïkatadai baidi go maixakarui nukadakami bakuañdi tukugadï Pabora ïmadï Silas mïx xako saasaraitadai. Dai bhodïrï otoma gï bakoi go maixakarui nukadakami ïmadï aaduñdï ïpï ix makïdï kiidïrï óídaga.

Tepehuan Northern: Diuusi ñiooquidʌ utuducami oodamicʌdʌ

³³ Dai quiaa ʌrtucarʌcatadai vaidʌ ʌmaisacarui nuucadacami vacuañdi tuutucugadʌ mʌsiaaco saasarai uusicʌdʌ. Dai otoma ʌgai ʌʌmadu vʌʌscatai ismaacʌdʌ quiidiʌrʌ oidacatadai gʌnvapacoi.

Hechos 16:33 ပူးပေါင်းရင်းမြစ်များ

Lukas 19:9

Daidi Suxi potïtïdai go Zakeo ïmadï bïïxkatai ix makïdï ami darakatadai, —Aapi Zakeo ka ïma dukai gï tïgito dai podukai maaxitu aapi sai buaboikïdï ïr pipiixaradï aapi go Abraamkaru. Kaxkïdï xibi ka kïïgakïrï busai aapi ïmadï bïïxi gï aaduñi tami idi kiiyïrï óídakami.

Hechos 16:15

Dai bhodïrï go Lidia gï bakoi ïmadï bïïxkatai ix makïdï kiidïrï óídakatadai. Daidi gïr daañimitadai ïgai dai pobïrtïtïdai, —Mïxi buaboitudadami gin ïrhiadagi aapimï kïïgakïrï aidï abïr gin kiiyïrï gïn urhiña asta xïïxkadï iimi agadagi aapimï tabhiadïrï— itïtïdai ïgai. Muiyoko pobai gïr tïtïdai ïgai dai aatïmï bhai aa dai gamo iji.

Hechos 16:23

Tïbïpi gïikarai ïgai dai gokiïrï maamaixa. Dai gatïjai ïgai go maixakarui nukadakami sai kïïga nukadakana.

Hechos 16:25

Ami tudu darajatadai go Pabora ïmadï Silas daidi ïraan tukarï gaatagataidai Diuxi ïmadï dai ganïyitadai oigïda ñokaitai Diuxi bïïtarï dai go gaa maamaixapikïdï mos kaïkatadai.

Hechos 16:32

Daidi bhodïrï Pabora ïmadï Silas aataga ïmadï go maixakarui nukadakami dai ïmadï ix makïdï kiidïrï óídakatadai. Aatagidi ïgai Diuxi ñokidï.

Galatas 5:13

Daiñi gin aaduñi, Diuxi gïn báí mïsai kïïgakïrï óídakana aapimï. Gïn báí ïgai sai ka mai biakagi aapimï xi pipioñi dukai ïïgiadagi ïmo sïïrhikami tudu kabami gïn tïanïitai gobai. Ka kïïgakïrï gïn bubaitu ïgai tudu. Kaxkïdï kabami soi gin ïrhidiña aanï gïn aagiditai jaa sai bia aapimï xi ïïgiadagi go sïïrhikami. Maiti ïr podukai di. Daiñi, kïïga ïr buaboi tudu sai mai gubuakïdï bia aapimï xi ïïgiadagi go sïïrhikami sai podukai kïï biïna Diuxi ïmadï. Dïï gia maiti abïr po gïn ïrhiada ïpï sai bhaiga aapimï xi ibuadagi ïïgi ixtumaxi iduña ïrhiada aapimï oiditai ïïgi gïn tïgibudaga. Gï agai bhaiyoma xi aipakoga gïn soikïdagi aapimï gïn oigïdatai aipakoga.

Galatas 5:6

Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.

1 Pedro 3:21

Kaxi gï duakaturhi Suxi Kristo ïpamu tudu dai kaxkïdï bia aatïmï kïïgakïrï bubaidaragai. Daiñi, aidïxi sudagiïrï dupi oidigi dai kïïgakïrï bubuaka go Noé ïmadï aaduñdï go barkoïrï iimïitai ïgai, gobai ïr ïmo maaxidaragai dukai gïr kïïgakïrï bubaidaraga bïïtarï ix makïdï bia aatïmï xibi. Aatïmï kïïgakïrï bubuakïi xibi buabotudakai aatïmï sai gï duakatu Suxi Kristo ïpamu tudu dai gïr bakuanai aatïmï sudagikïdï. Sudaïrï daibusai go Noé ïïki tudu dai xibi aatïmï ïpï sudaïrï dïgabuskïi gïr bakuanaitai aatïmï. Dai maiti gï agai sai po gïn ïrhiada aapimï sai go bakuanaragai ix makïdï ibuayi aatïmï mosïkaxi ïr ïmo buanaragai gïr tukuga bïïtarï. Gobai ïr ïmo xadutudaragai bhaiyoma ix makïdï ibuayi aatïmï Diuxi bïïtarï, ka maatïkatai aatïmï sai Suxi Kristo ka bhai dui gïr bïïtarï dai ka mai tipu soimaaxkami gïr abhana.