Hechos 16:19 - Northern Tepehuan Bible

¹⁹ Daidi go gaa ix makïdï ïr amudï go oki maatï tïï ix ka mai bamioma gamaitïkïdamu tuminxi busaikai go diabora tïañikarudï daidi bui ïgai go Pabora ïmadï Silas dai gubudakïdï baidaja ïgai dai dudunukami buidïrï tutui plasana.

Tepehuan Northern: Diuusi ñiooquidʌ utuducami oodamicʌdʌ

¹⁹ Dai aidʌsi ʌali ooqui tutuidacami maatʌ tʌʌ iscamaitistutuidi isgamaitʌcʌdagi tumiñsi ʌgaicʌdʌ vui ʌgai ʌPaavora ʌʌmadu Siilasi dai vuucai dai vaan tuutui dudunucamiʌrʌ plaasana.

Hechos 16:19 ပူးပေါင်းရင်းမြစ်များ

Mataibo 24:9

—Daiñi, bïïxi go naana maaxi ñokadami ix makïdï oidaga oidigi daama gïn kïïdada agai gin aaduñikatai aapimï. Dudunukamiïrï baan gïn tutusadamu ïgai xi go dudunukami soi gïn buidadamu dai gïn kodamu.

Markos 13:9

Gï agadamu xi kïïga gïn nukadakagi aapimï. Daiñi, mui odami gïn kïïdadamu gin aaduñikatai aapimï. Dudunukamiïrï gïn tutusadamu ïgai. Dai kikiupiïrï gïn bapasadamu ïpï dai ami gïn gïbadamu ïgai. Gï agadamu xi baan gukada aapimï gobibierno buidïrï dai reyes buidïrï xi ami aagada aapimï ix tuixidï gin buaboitudai aapimï.

Hechos 14:19

Dai aidïpïrï ami dada judidiu Antiokiañdïrï dai Ikoniañdïrï óídakami. Dai ïgai bui ñokaitadai go Pabora dai bhaakoitu go odami ïgai bui. Baidi go óídakami maikakarai go Pabora mua ïrhiditai. Dai bhodïrï ka maikarsakai tïbaimu ïgai go Pabora dai busaitu kiikiañdïrï maigobai dai ami bia po gïn ïrhiditai ix ka muatadai.

Hechos 14:5

Muidukatadai go Pabora bui ñokadami modukai judidiu ïmadï ix makïdï maiti ïr judidiu dai ïgai mïï aataga ïmadï dudunukami dai gaaga agai ixdukatai maikarsagi go Pabora dai Bernabe. Koda ïrhiditadai aidï.

Hechos 15:22

Daidi bhodïrï go ojotoxikami ïmadï go gaa bhaitï gukakami dai bïïxkatai go buaboitudadami ami Jerusalenïrï, bhai dui ñoki xi otosa agai goka gïn aaduñi Antiokiamu ïmadï go Pabora dai Bernabe. Dai otoi ïgai go Silas ïmadï ïmo kïïrhi Udaxi tïgidukami. Odami Barabas aagaiña ïgai. Ïgai bïï goka ïr bhaitï gukakami dai go buaboitudadami kïi xadutudaiña ïgai.

Hechos 15:26

Ïgai mos apia ñokaiña Suxi bïïtarï tomaxi mui odami koda ïrhiditadai.

Hechos 15:40

Daidi Pabora bai Silas sai oidana ïgai. Dai mai kia iimïkai ïgai bai go buaboitudadami gadáí Diuxi sai kïïga oigïdaitai nukatikana dai sai maakana gubukadadï, daidi bhodïrï iji ïgai.

Hechos 16:16

Ïmo imidagai akiamu iimïdami aatïmï xako gadaanïiña odami Diuxi dai gïr buidïrï ayi ïmo arhi oki. Idi arhi oki mos ïr soigadï dukamitadai jaa ami óídakami. Biakatadai ïgai ïmo diabora tïañikarudï ïrana ix makïdï mamaakaiña tïgibudagai xi go arhi oki ïkiaxdïrï ka aagaiña ixtuma daibuña agaiña. Ïgai amudï mui maitïkïiña tuminxi ïgaikïdï.

Hechos 16:20

Daidi itïtïdai ïgai go dudunukami aidï, —Idi kïkïïrhi ïr judidiu dai tami dada gobai dai gïr aagidimi tïsai ïïgiadagi ïmai bituldaragai ix makïdï mai bia aatïmï oigaragai xi ïïgiadagi. Aatïmï ïr Romanos tudu dai gïr sïïrhikamiga maiti gïr maakai oigaragai xi pobuadagi aatïmï. Podukai gïr aagidimi gobai dai bhakoitudai óídakami— itïtïdai ïgai dudunukamiïrï gukatai.

Hechos 16:25

Ami tudu darajatadai go Pabora ïmadï Silas daidi ïraan tukarï gaatagataidai Diuxi ïmadï dai ganïyitadai oigïda ñokaitai Diuxi bïïtarï dai go gaa maamaixapikïdï mos kaïkatadai.

Hechos 16:29

Daidi go maixakarui nukadakami gatáí ïmo kudakarui dai mïraitai baa xako darajatadai go Pabora ïmadï Silas. Ami buidïrï kuiki ïgai dai gigibukimi tukugadï duadimukatai.

Hechos 17:6

Dïï mai tïï ïgai dai bhaiyoma bhïiyi ïgai go Jason ïmadï jaa buaboitudadami ix makïdï ami darajatadai dai bukai dudunukamiïrï. Ami dunukamiïrï gïgïr ijiñakimi go soimaaxi ibuadami ïgai daidi ikaiti, —Baasïki xibhïadïrï dada kïkïïrhi soimaaxi ñokadami. Dai nobai xibhïako xako ajiopaiña ïgai mos aipako baakoitudaiña ïgai óídakami gïn aatagikïdï. Dai xibi tanai dada ïgai dai pobuimi ïpï.

Hechos 21:30

Dai gokïdï ka mos gïïgïrï xixorhi go óídakami aipakoga ami Jerusalenïrï bhakoikai. Daidi kaburhi boopoi ïgai dai bhïiyi go Pabora dai tïbaimukai busaitu ïgai go gïï kiupiañdïrï dai oton kuu kukuparagadï.

Hechos 8:3

Dïï go Saulo apia soi buadatadai go buaboitudadami tomaxi aipako ijitadai ïgai. Kiikidïrï bapaakïiña ïgai dai tïrhiusumaitai bubaidiña kïkïïrhi ïmadï oki daidi gamaamaixaiña.

Hechos 9:16

Aanï tïïgidamu go Saulo sai gï agadamu xi kabami soimaaxi taatagi ïgai ibuadatai gin aaduindaga— ikaiti Suxi.

2 Korintios 6:5

Ïïmo imidagai gïr gïikarsaiña jaa dai ïïmo imidagai gïr maamaixapaiña ïpï. Ïïmapïkïrï gïr bupui surhigïiña mui óídakami dai gïr iñakidiña gïr kïïdaitai. Sïïrhikïdï biakana aatïmï xi kabami aatabuadagi dai mui tukagi mai kokosïiña aatïmï dai taatamaiña bhiugigai ïpï.

Filipenses 1:30

Biakana aapimï sai aa noraidagi ñoki go odami ix makïdï sobhida ïrhidi go bhai ïrhiaragai aatagi tudu. Dai ka nïidiña aapimï baasïkioma sai aanï ïpï biakana xi aa noraidagi ñoki ïgai ix makïdï sobhida ïrhidi ïpï. Dai xibi kajioma aapimï sai apia po buayi aanï. Ïmapi guka aatïmï, aanï ïmadï aapimï, gïr bui ñokaitai jaa. Ïmapi guka aatïmï ïmo kokodiïrï dukai tudu.

1Tesalonicenses 2:2

Daiñi, kïï maatï aapimï sai mai kia aïkai aatïmï ami xako daraka aapimï sai kabami soi gïr buididi jaa Filipoana aagaitai aatïmï go bhai ïrhiaragai aatagi. Podukai daibusai Filipoana tudu. Dai ami xako daraka aapimï muidukana gïr buidïrï bïïtïkami ïpï. Dïï bïïxkïrï mai duadimudakïdï aagaiña aatïmï go bhai ïrhiaragai aatagi ami gïr soikïitai Diuxi. Kaxkïdï kïï jii gïr aaduindaga.

1 Tomoteo 6:10

Odami ix makïdï go ïï tuminxi adaimïi naana dukai gïpiïrï surhigïi tudu. Ïïmoko ka dagito go kïïgadukïdï buaboidaragai ïpï adaimïitai go tuminxi dai podukai ïïgi gïn abhana darai gïïpi soi ïrhiaragai.

Santiago 2:6

Diuxi mai soi dukai nïidi soititigami tudu. Dïï aapimï gia soi dukai nïidi dai bamioma xadutudai aapimï ix makïdï bamioma kïïga gïn bipidaka. ¿Maiti ix ïr go gïn bipidakïdï ix makïdï soi gïn buididiña gïpiïrï gïn bupaitai dai baan gïn tutusaiña dudunukamiïrï? Go soititigami bhaitoma mai pobuayi tudu.