Hechos 15:24 - Northern Tepehuan Bible

²⁴ Gïr aaduñi, kajioma aatïmï sai gamoko iji kïkïïrhi tabhiadïrï ix makïdï aatïmï mai otoi. Ïgai naana maaxi gïn tïgitoturhi gïn aatagikïdï xi aapimï ka mai xioma daraja bii. Aatïmï mai aagidi xi podukai gïn aatagiadagi ïgai.

Tepehuan Northern: Diuusi ñiooquidʌ utuducami oodamicʌdʌ

²⁴ Maí aatʌmʌ sai ʌʌmo oodami iji tabiaadʌrʌ ismaacʌdʌ aatʌmʌ maiootoi. Dai ʌgai gʌnsoobi gʌnñiooquicʌdʌ mʌsi aapimʌ maimaatʌ isducatai gʌntʌtʌgituagi. Ʌgai povai gʌntʌtʌdai sai gʌaagai mʌsiquitʌagi gʌntuutucuga dai ʌʌgidagi Moseesacaru sʌʌlicamigadʌ.

Hechos 15:24 ပူးပေါင်းရင်းမြစ်များ

Hechos 15:1

Aidï tuigako ayi jaa kïkïïrhi ami Antiokiïrï xako darajatadai Pabora ïmadï Bernabe. Judeañdïrï iimïdami go kïkïïrhi ïgai. Dai aïkai gïn aaga maakaimitadai aatagi go buaboitudadami. Daidi ikaitimi aidï, —Gï agai mïxi gïn circuncidandoagi aapimï ix dukai gïr biturhi go Moises ïïki. Ïma dukai mai kïïgakïrï bubuakimu aapimï— ikaitimi.

Galatas 1:7

Gin aaduñi, kajiomakana aanï sai gïn bupuirumadaiña jaa odami dai podukai soi gïn ïrhiatudai ïgai aapimï. Gïn tïtïgidiña ïgai ïmai aatagi ix makïdï mai buaboikïdï ïr go bhai ïrhiaragai aatagi. Mai sïïrhi aagai ïgai go bhai ïrhiaragai aatagi aagaitai Suxi Kristo tudu dai bhaiyoma saagida aagaiña ïgai yaatagi. Podukai gia ka maiti ïr bhai ïrhiaragai aatagi gobai di.

Galatas 5:10

Gin aaduñi, ka bïïna daraka aatïmï Suxi Kristo dai kaxkïdï aanï buaboitudai sai gïn soiñamu ïgai xi mai bhïiyagi aapimï ïma maaxi tïgibudagai ix makïdï maiti ïr go bhai ïrhiaragai aatagi. Kïïga ibhïxtakan taadaga aanï tudu buaboidaitai aanï sai Suxi Kristokïdï kïïgakïrï darakamu aapimï. Dïï gia Diuxi ïgai dai aagamu ix tuma gïgïbidaragai biaka agai ix makïdï soi buadana gïn buaboidaraga gïn tïtïïgiditai ïma maaxi tïgibudagai ix makïdï maiti ïr buaboi.

Galatas 5:12

Kabami ïr soi ïrhiaragai gin bïïtarï xi jaa soi gïn buidadagi gïn aagiditai sai gï agai xi gïn circuncidandoagi. Pobïnïrhidi ïgai sai bamioma kïïga bipiïyi Diuxi ïmadï ikitïkai lïïchi tukugadï. Soi gïn buidadan buayi ïgai aapimï pomaaxi aatagikïdï tudu. Dai kaxkïdï ipïrhidi aanï sai mai xu xi mosïkaxi lïïchi gïn ikitimudai ïïgi ïgai gïn circuncidanduitai. Ipïrhidi aanï bhaiyoma xi kïï gïïpi gïn ikitimudai ïgai asta xako ukami gïn kapuñtumudai ïïgi ïgai. Gobai kïïgadukamudai ïgai bïïtarï tudu ix makïdï soi gïn buididi gïn aagiditai sai gï agai xi gïn circuncidandoagi aapimï.

Galatas 5:4

Dai ix poïrhiada ïmoko sai kïï bimu Diuxi ïmadï ïïgiditai go sïïrhikami gobai itïiya ïrhidi sai ka gajiadïrï bipiayi ïgai Suxi Kristo mai buaboitudaitai ïgai. Diuxi kïï tuiga ïgai bïïtarï tudu dïï mos ïgai mai dagito xi Diuxi soiñagi.

2 Timoteo 2:14

Aapi Timoteo soiñañi go buaboitudadami sai tïgito ajiopaiña ïgai idi ojai. Dai tïañiñi sai maiti gïn bupui ñokaiña ïgai aipakoga aagaitai ix tïiya ïrhidi go aatagi xïïxkadï mai xii maatï kaïkagi ïgai. Aagidañi sai Diuxi kïïga tïgito nïidiña ixtumaxi ibuadagi go buaboitudadami ix kaxkïdï maiti gï agai ix gïn bupui ñokada ïgai aipakoga. Maiti ïr soiñi tudu ix gïn bupui ñokada ïgai podukai dai bhaiyoma sobhikïiña gobai odami sai mai kïïga buaboitudaiña.

1 Juan 2:19

Go odami ix makïdï ïr buidïrï bïïtïkamigadï Suxi ix makïdï aagai aanï xibi ïgai gïr urapïkïiña ïkioma dïï gia gïr dagito ïgai dai ïkobai iji. Kaxkïdï gï maatï ix maiti ïr gïr aaduñi ïgai. Ix gïr aaduñikamudai ïgai kïïgakïrï aidï gia gïr urabakamudai ïgai kia. Podukai gïn mamaaxidi ïgai ix maiti ïr gïr aaduñi kïïgakïrï tudu gïr dagitokai ïgai.