Hechos 15:11 - Northern Tepehuan Bible

¹¹ Cho daiñi, bhaiyoma buaboitudai aatïmï sai Suxi Gïr Nukadakami gubukadadïkïdï kïïgakïrï bubuakïi aatïmï mos buaboitudakai aaduindadï ix makïdï idui ïgai kuruxiïrï. Xibi podukai buaboitudai ïgai ix makïdï maiti ïr judidiu ïpï— itïtïdai Piduru.

Tepehuan Northern: Diuusi ñiooquidʌ utuducami oodamicʌdʌ

¹¹ Maitavʌr poduucai. Aatʌmʌ vaavoitudai isDiuusi cʌʌgacʌrʌ gʌrvuvaitu dai cʌʌgacʌrʌ gʌrnʌidi dai Suusi gʌroigʌdai ʌpan duucai ʌgai ―astʌtʌdai ʌPiiduru.

Hechos 15:11 ပူးပေါင်းရင်းမြစ်များ

Romanos 3:24

Dïï gia Suxi Kristo taata gïgïbidaragai gïr bïïtarï mos ïï kïï tuigakatai Diuxi. Kïïgakïrï gïr bubaitu ïgai gïr soimaaxkamiañdïrï. Aatïmï maiti gïr táí Diuxi tomarhi ïmo ixtumaxi. Suxi Kristo ïgai dai aa namïki bïïxi aïkatai ixtumaxi gïr bïïtarï.

Romanos 5:15

Suxi mai ïpïan dui go Adán tudu. Daiñi, go oidaragai ix makïdï Diuxi gïr urhiñdi mai ïpïamaaxi go soimaaxkami ix makïdï idui go Adán. Go soimaaxkami ix makïdï idui Adán bua mukigami bïïxi óídakami bïïtarï. Dïï gia baamioma gubuka go oidaragai ix makïdï gïr urhiñdi Diuxi mos ïï kïï tuigakatai ïgai. Suxi Kristokïdï gïr urhiñdi ïgai ix dukatai muidutai aatïmï kïïgakïrï oidakagi bïïxkïrï bïïtarï tudu.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

1 Korintios 16:23

Gin susukurhi, ipïrhidi aanï ix maatï taatagi aapimï xïï kïï tuiga Suxi Kristo gïn bïïtarï.

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

2 Korintios 8:9

Kïï maatï aapimï sai gïr Suxi Kristo Tïanïdamiga kïïga gïn oigïdai dai kïïga gïn tïtïïgidi ïgai ix xïï kïï tuiga ïgai gïn bïïtarï gïn oigïdatai. Kïïga biakatadai ïgai naana maaxi ixtumaxi kïïga namïakami mai kia dibiakai tami oidigi daama tudu. Dïï gia dagito ïgai bïïxi gobai dai ïmo soitigami bii. Po dui ïgai saidi biakana aapimï naana maaxi ixtumaxi kïïga namïakami gïn iibhïdaga bïïtarï tudu.

Galatas 1:6

Xibi bia aanï ïmo ñoki gïn bïïtarï gin aaduñi. Daiñi, Diuxi ïgai dai gïn abïnaki sai buaboitudaiña aapimï. Gïn tïtïgidi ïgai xïï kïï tuiga Suxi Kristo gïn bïïtarï tudu mukukai gïn bïïtarï. Podukai gïn abïnaki ïgai sai buaboitudaiña aapimï. Dai aidïxi máí aapimï xïï kïï tuiga ïgai gïn bïïtarï aidï buaboitu aapimï go bhai ïrhiaragai aatagi. Dïï gia kajioma aanï sai otoma dagito aapimï ïpamu gïn buaboidaraga. Xibi ka mai tïtïgai aanï ix tumaxi gin tïgitoagi mos ïï otoma dagitokai aapimï Diuxi. Ka buaboitu aapimï ïmai aatagi tudu ix makïdï bhai ïrhiaragai aatagi agaiña ixtumaxi dai maiti ïr ïgai.

Tito 2:11

Diuxi otoi Suxi Kristo tudu dai bhai dui kïïgakïrï bubaidaragai bïïxi óídakami bïïtarï. Podukai gïr tïtïïgidi ïgai xïï kïï tuiga Diuxi.

Apokalipsis 5:9

Dai ami ganïyi ïgai ïmo utudui nïidagai ix makïdï ikaiti, —Aapi Kañiru kïïga bia sïïrhikami xi bhïiyagi go libro dai upandagi seseyogadï ixtukïdï kuupidi gobai. Aapi tudu gï ïrakïdï dáí namïgadï bïïxi óídakami dai podukai sabïlturhi aapi Diuxi. Bïïxi go naana maaxi óídakami saagidañdïrï sabïrhi aapi ïïmoko, bïïxi go naana maaxi ñokadami saagidañdïrï tudu dai go naana maaxi gïgïr kiikiañdïrï óídakami.