Hechos 13:48 - Northern Tepehuan Bible

⁴⁸ Daidi ix makïdï maiti ïr judidiu kïïga bhai gïn ïrhi kaïkatai aatagidï Pabora. —Gia kïïgadu Diuxi ñokidï— ikaitimi ïgai. Dai bïïxkatai buaboitu ix makïdï Diuxi ka ïkobai bubaitutadai sai biakana urabaragai ïgai ïmadï bïïxkïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

⁴⁸ Dai aidʌsi caʌ imaasi ʌgai ismaacʌdʌ maitʌrjudidíu aliʌ baigʌnʌʌli daidʌ icaitimi sai Diuusi ñiooquidʌ aliʌ cʌʌgadu, dai vʌʌscatai vaavoitu ismaacʌdʌ Diuusi ʌcovai vuvaitu sai vʌʌscʌrʌ oidacana ʌgai ʌʌmadu.

Hechos 13:48 ပူးပေါင်းရင်းမြစ်များ

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Mataibo 28:16

Dai bhodïrï go bhaibuxtama dan ïmoko mamaatïrdami iji Galileamu dai ayi ïmo gidiana xako aagiditadai Suxi sai gamo iimïna ïgai.

Lukas 7:8

Daidi abïr potïda ïpï sai —Aanï ïr ïmo sïïrhikami biakami tudu dai buaboitudai aanï sai aapi ïr ïmo sïïrhikami biakami ïpï. Dai aagidiña aanï gin sandadaruga sai iimïna xibhïakoga dai otoma iimïiña xiïpï aagidiña aanï sai dadana dai otoma daibuiña. Dai aagidiña aanï ïmadutai gin pipioñi saidi ibuada ïmo aaduindagai bai otoma ibuayi ïgai. Otoma gin ïïgidi ix makïdï tïanïi aanï tudu. Dai buaboitudai aanï xi aapi ïr ïmo gïdukami sïïrhikami biakami dai kaxkïdï buaboitudai aanï sai mos ñokaitai aapi kïïga duadimu gin pioñiga tomax mai imia aapi gin kiiyamu— podukai abïr aagida tudu— itïtïdai.

VUAANA 10:16

Dai xibhïakoga bia aanï jaa odami ïpï ix makïdï maiti ïr judidiu. Xibhïadïrï óídakami kañiñiru gïn dukami ïgai dai gï agai ix buapa aanï dai bïïnaituda go judidiu ix makïdï kaxi gin urabaka. Aidï gia mosïkaxi aanï ïr paxturugadïka agai bïïxkatai dai ka mai biakamu ïgai paxtuturu omarhigakami dai ïxibugami. Aidï gia kïïga gin kaïkamu ïgai dai ïmo aadunumïkan dukai óídakamu ïmadï go judidiu ix makïdï kaxi gin urabaka.

VUAANA 11:52

Dai mai xu mosïkaxi go judidiu bïïtarï mukia agaitadai Suxi. Muki agaitadai bïïxkatai go gaa Diuxi maamaradï bïïtarï ïpï ix makïdï mïïmïkaxioma óídaga sai podukai mos ïr ïmo aadunumïkana ïgai ïmadï go judidiu ix makïdï ïr buaboitudadami ïpï.

Hechos 13:12

Dai go kaigi mai tïtïgaitadai ix ïldagi kaïkatai Diuxi ñokidï. Dai buaboitu ïgai Gïr Nukadakami tïïgakai xi gï duitadai go kïïdarakami.

Hechos 13:42

Daidi ka bubuakimitadai go Pabora ïmadï Bernabe ami kiupiañdïrï, bai go odami daañimitadai go Pabora sai gïn urabana ïpamu abhiadïrï mamaako tasaikïdï ibhïxtaragai tasïrï dai sai oijadana gï aatagi ïpamu aidï.

Hechos 15:2

Go kïkïïrhi aatagidï mai ïpïan duu agaitadai go Pabora ïmadï Bernabe aatagidï xi gokïdï kabami gïn bupui ñokaitadai ïgai. Ka maiti ixtui ïgai xi ïmo tïgibudagai biakagi xi go buaboitudadami aagidi Pabora dai Bernabe ïmadï jaa chïki buaboitudadami sai mïï nïnïabana go ojotoxikami Jerusalenïrï dai sai ami bhai buadana go aatagi. —Mïïka abïr aagida go ojotoxikami ïmadï kïkïrhiodami bhaitï gukakami bai ïgai aagana ix bhai ïr buaboi xi gï agai ix gïr circuncidandoagi, aatïmï ix makïdï maiti ïr judidiu— itïtïdai ïgai go buaboitudadami.

Hechos 15:31

Daidi go buaboitudadami ïmo abïnakidaragai dukai kaï go ojai dai kïï bhai gïn ïjïrhi kaïkai.

Hechos 2:41

Dai bïïxkatai go ix makïdï buaboida kaï Piduru ñokidï gïn bapakoi. Dai aidï tasïrï parï baika mirhi odami uraba go buaboitudadami.

Hechos 2:47

aatagaiña xïïxi kïï tuiga Diuxi. Bïïxi odami kïïgakïrï nïidiña go buaboitudadami aidï. Dai Diuxi maa tïgibudagai odami sai bïïx tasai jaa odami buaboitudaimi dai bhodïrï urabaiña ïgai go gaa ix makïdï ïr buaboitudadami ïpï.

Hechos 20:13

Dai bhodïrï aataga aatïmï bïïxkatai iimïdami ixdukatai imi aragai dai Pabora ipïrhi xi imiagi taatarakïdï. Bhodïrï aatïmï bhaitïki iji ïmo barkoïrï asta Asonoïrï ukami. Ami nïnïraka aatïmï go Pabora.

Hechos 22:10

Daidi aanï itïtïdai aidï go ix makïdï gin ñokidi, —Tïanïdami, ¿Tumaxi ipïrhidi aapi xi iduña aanï?— Daidi Gïr Nukadakami gin tïtïdai aidï, —Kïkibañi dai imi Damaskamu xi ami ïmo kïïrhi gï aagidamu pïx tuma duñagi— gin tïtïdai.

Hechos 28:23

Dai bhai dui ïgai ixtuigako gïn ïmpaida agai ïpamu. Dai aidï bhai kïïga mui odami gïn ïmpagi ami xako gï urhiñakatadai Pabora. Dai Pabora ïmo tasai gamaakaitadai ñoki kiamoko abhiadïrï tukarï ukami. Aagidimi ïgai ix dukatai tïanïi Diuxi dai aagidimi ïpï ix kaiti Moiseskaru ïki ïmadï go gaa aagadami Diuxi ñokidï. Pabora ipïrhiditadai xi go odami buaboitudagi Suxi Kristo kaxkïdï pomaaxi atagidi.

Hechos 8:8

Daidi kïïga bhai gïn ïjïrhi ami Samariana óídakami.

Romanos 11:7

¿Ix tïiya ïrhidi gobai aidï? Daiñi, go judidiu kïïga ïïgida ïrhidiña go sïïrhikami ojixikami pobïnïrhiditai xi podukai Diuxi kïïgakïrï nïijada agai. Dïï Diuxi mai kïïgakïrï tïï podukai. Bhaiyoma mosïkaxi chïkidu judidiu ix makïdï Diuxi ïko bubaitu dai ïgai gia Diuxi kïïgakïrï tïï. Dai go gaa ix makïdï maiti ïr Diuxi ïko bubaidadï bamioma kapakatu gïn iibhïdaga bhaiyoma dai mo dukai maiti ipïrhi xi buaboitudagi ixtumaxi ïr buaboi.

Romanos 13:1

Bïïxi óídakami gï agai xi ïïgiadagi dudunukami. Diuxi dagito xi buiyagi ïgai gubukadagai kaxkïdï. Tomarhi ïmadutai go dudunukami mai ïïgi bipiatu sïïrhikami xi gatïanïdagi. Diuxi ïgai dai gamaakai.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

1 Korintios 16:15

Gin susukurhi, kïïga maatï aapimï sai ami Akayïrï go Tibañi dai aaduñdï ix makïdï kiidïrï óídaga ïpïgioma buaboitu. Dai kïï maatï aapimï ïpï sai kïïga soikïiña ïgai go gaa ix makïdï buaboitudaimi.

Efesios 1:11

Ïkobai gïr bubaitu Diuxi bïïnakai aatïmï Suxi Kristo tudu. Tukamidïrï abhiadïrï ïïgi podukai gï tïgitokatadai Diuxi xi aatïmï ix makïdï bïïna daraja Suxi Kristo ïr ïko bubaidadïkana. Podukai dáí ïgai saidi ïpï gï duna ixdukatai ïgai ipïrhidi. Bïïxkïrï ibuayi ïgai ixdukatai gï tïgitokagi kaxkïdï.

Efesios 1:19

Daanïi aanï ïpï xi kïïga maatïkagi aapimï xïï kabami ïr gïdukami Diuxi gubukarhigadï. Gobai tudu ïr go gubukarhigai ixtukïdï aatabuayi ïgai aatïmï buaboitudadamiïrï. Idi ïr go baaxi kïï gïdukami gubukarhigai

Efesios 1:4

Daiñi, ïïki, mai kia kïkibakai oidigi, Diuxi gïr darai sai aatïmï ïr ïko bubaidadïkana bïïna darakatai aatïmï Suxi Kristo. Aidïpïrï ïkiaxdïrï kaxi ïko gïr bubaitutadai Diuxi saidi aatïmï ïr ïko darasadïkana daidi sai mai tipukana soimaaxi gïr abhana ixtumaxi gïpiïrï gïr daitudagi ixtumaxi Diuxi buitapi.

Efesios 1:5

Aidïpïrï kaxi gïr oigïdaitadai Diuxi. Kaxkïdï ïgai ïkiaxdïrï dáí saidi Suxi Kristo gubukadadïkïdï ïr maamaradïkana aatïmï. Podukai bhai ïrhi Diuxi. Kïï tuiga ïgai kaxkïdï.

2 Tesalonicenses 3:1

Ïpï ïmo ñoki, gïn aagida ïragai gïr susukurhi. Mïsai daanïiña aapimï Diuxi gïr bïïtarï sai otoma mui odami aipakoga óídakami kaïkana go bhai ïrhiaragai aatagi. Dai sai namïakami dukai kaïkagi ïgai dai buaboitudagi ïpïandukai idui aapimï.