Hechos 13:32 - Northern Tepehuan Bible

³² Dai aatïmï gïn aagidimi ïmo bhai ïrhiaragai aatagi aapimï judidiu gïn bïïtarï dai ix makïdï maiti ïr judidiu bïïtarï ïpï. Daiñi, Diuxi aagidi ïmo ñoki gïr aaduñi ïïki,

Tepehuan Northern: Diuusi ñiooquidʌ utuducami oodamicʌdʌ

³² Dai poduucai ʌʌpʌ aatʌmʌ gʌnaagidi ʌcʌʌgaducʌdʌ ñiooqui ismaacʌdʌ aagidi Diuusi gʌrʌʌqui aaduñicaru.

Hechos 13:32 ပူးပေါင်းရင်းမြစ်များ

Genesis 12:3

Bhodïrï Gïr Nukadakami itïtïdai, —Aanï soiñamu xorai kïï gï buidadagi dïï daitudamu aanï soi ïrhiaragai abhana xorai mai kïï gï buidadagi. Dai xorai gï buidïrï surhigiagi aanï aadïrï daitudamu soi ïrhiaragai buidïrï ïpï. Dai aapikïdï urhiñamu aanï soiñi bïïxi oidigi dama oidakami bïïtarï— itïtïdai Gïr Nukadakami go Abram.

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Isa 11:1

Ïmo uxi guikutikami daitudikami ipoñi ka agai ïpamu sonodïañdïrï. Go Isaí uxi sonodï gï dukamikana ïki abhiadïrï mukiadïkatai ïgai. Dai piipixaradïañdïrï oidaka agai ïpï ïmo ipuadï dukai ix makïdï ïr utudukami Rey ka agai.

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Lukas 1:19

Daidi go Tïañikarudï Diuxi potïtïdai, —Aanï ïgai daidi Gabriel tïgidu. Aanï ïgai tudu dai Diuxi buitapi kïakana dai ïgai gin otoi ansai gï aituldana idi bhai ïrhiaragai ñoki. Sai gï aagidana aanï sai marata agai gï aduñi tudu.

Lukas 2:10

Dai go tïañikarudï Diuxi potïtïdai ïgai, —Maiti duduadikuda aapimï. Gïn bhïidati aanï ïmo bhai ïrhiaragai ñoki. Idi ñokikïdï kïïga bhai gïn ïjïldamu aapimï ïmadï bïïxi oidigi daama óídakami ïpï— itïtïdai.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Hechos 13:23

Diuxi ka ïkiaxdïrï aagidi gïr aaduñikaru ïïki sai otosa agaitadai ïmo pipiixaradï Dabid dai ïgai ïr kïïgakïrï bubiadami aatïmï judidiu gïr bïïtarï. Xibi go Suxikïdï ka buaboi busai go ñoki tudu. Ïgai tudu ïr go kïïgakïrï bubiadami.

Hechos 13:38

Kaxkïdï aanï ipïrhidi xi maatïkagi aapimï gin aaduñi sai Suxi Kristo bhai dui gïr bïïtarï sai Diuxi oigïldana gïr soimaaxkamiga.

Hechos 14:15

—¿Kïkïïrhi, tuimïxi aidï gïr xadutudai podukai? Aatïmï mos ïr odami ïpï di. Gïn ïpïan dukami aatïmï. Dada aatïmï dai gïn aagida ragai ïmo bhai ïrhiaragai aatagi. Gï aagai xi ka mai buaboitudada aapimï gobai ix makïdï maiti ïr soiñi, gobai ix makïdï didiuxi aagai aapimï tudu. Gï aagai mïx buaboitudagi Diuxi bhaiyoma. Ïgai gia ïr oidakami dai ïr buaboi. Buaboitudabïrai tudu go kïïsakami tïbagi ïmadï oidigi dai gïï sudagi dai bïïxi ixtumaxi oidaga.

Hechos 26:6

Daiñi, Diuxi aagidi gïr aaduñi ïki sai duduakalda agai bïïxi go koidadï. Aanï mos buaboitudaitai nïnïraka xi pobï duñagi gobai ixdukatai Diuxi aagai ïki. Podukai buaboitudai aanï tudu dai mos gokïdï soi gin buididimi gin aaduñi.

Hechos 3:19

Kaxkïdï abïr ïma dukai gïn tïtïïgito aapimï dai ïmai boi bhïiyi, Diuxi amajako tudu. Buaboitudabïrai Diuxi bai ïgai buanadagi bïïxi gïn soimaaxkamiga ix makïdï ibuayi aapimï Diuxi bui. Aidï gia Diuxi Gïr Nukadakami gïn bhai gïn ïrhiatudamu.

Hechos 5:42

Dai bïïx tasai go ojotoxikami aipakoga gamaatïturhiña odami. Maatïtuldiña ïgai go gïï kiupiïrï Jerusalenana dai modukai kiikiïrï. Aagaiña ïgai go bhai ïrhiaragai aatagi. Dai pokaitiña saidi go Suxi ïgai daidi ïr Diuxi Otosadï Gïr Bhaitï kïakamiga.

Romanos 1:2

Ïki ka poduu aagai Diuxi ñokidï sai Diuxi gïr maaki agaitadai go bhai ïrhiaraga aatagi. Aidï abhiadïrï xi go aagadami Diuxi ñokidï utudami ojatadai Diuxi ñokidï ka poduu agaitadai gobai.

Romanos 10:15

¿Dai dukatai imïna ïmadutai dai mïï aagidagi ix mai tipukagi xorai gaotosdagi? Kaxkïdï tudu Diuxi ñokidï pokaiti aidï, Gia xigiamaaxi odami ix makïdï buapai go bhai ïrhiaraga aatagi, ikaiti Diuxi ñokidï.

Romanos 4:13

Diuxi aagidi go Abraamkaru ïmadï piipixaradï sai ïgai tïanïda agai oidigi. Aagidi ïgai podukai mai xu nïiditai ix kïïgakïrï ïïgidiña ïgai go sïïrhikami. Cho. Bhaiyoma Diuxi kïïgakïrï tïï go Abraamkaru mos buaboidaitai ïgai dai kaxkïdï podukai aagidi sai ïgai ïmadï pipiixaradï tïanïda agai oidigi.

Romanos 9:4

Go gin aaduñi judidiu ïr piipixaradï Israelkaru dai Diuxi dáí sai ïgai ïr maamaradïkana. Diuxi gïn saagida oidatu dai tïtïgidiña xïïxi ïr gïdukami ïgai dai bhai dui ñoki gïn ïmadï. Go gin aaduñi judidiu bia Diuxi sïïrhikamigadï dai Diuxi aagidi ix dukatai xadutuadagi Diuxi. Dai aagidi ïpï saidi iduñi agai naana maaxi ixtumaxi go judidiu bïïtarï.