Hechos 13:31 - Northern Tepehuan Bible

³¹ Daidi go Suxi ka duakakai gï mamaaxitudaiña buitapi ïgai ix makïdï oidatukïiña aidïxi jii ïgai Galileañdïrï dai ayi Jerusalenïrï. Mui tasai aïkami gï mamaaxiditadai ïgai. Dai xibi ïgai mamaatïrdami nïijadami dukai bii dai ïr aagadami odami buitapi sai gia ïr buaboi ix gï duakatu go Suxi.

Tepehuan Northern: Diuusi ñiooquidʌ utuducami oodamicʌdʌ

³¹ Daidʌ ʌSuusi caduaacacai mui tasai gʌmamasdiña vuitapi ʌgai ismaacʌdʌ oidatucuiña Galileeaiñdʌrʌ Jerusaleenamu, dai sivi ʌgai vaa mamaatʌrdamigadʌ aagidi ʌoodami istumaasi ivuaadana dai mamaatʌtuldiña ʌSuusi.

Hechos 13:31 ပူးပေါင်းရင်းမြစ်များ

Mataibo 28:16

Dai bhodïrï go bhaibuxtama dan ïmoko mamaatïrdami iji Galileamu dai ayi ïmo gidiana xako aagiditadai Suxi sai gamo iimïna ïgai.

Lukas 24:48

Aapimï ïr nïijadami tudu sai bïïxi daibusai aanïkïdï ixdukatai ojixi. Dai gï agai xi aagagi aapimï bïïxi ix tuma nïidi— itïtïdai.

VUAANA 15:27

Dai aapimï gin mamaatïrdamiga gï aagai ix gamamaakada ñoki gin aagaitai ïpï. Gin ïmadï ajiopaiña aapimï aidï abhiadïrï ix tukamïrï gin aaga aanï gin aaduindaga kaxkïdï gï aagai ix gamamaakada aapimï ñoki ïpï— itïtïdai Suxi go mamaatïrdamigadï.

Hechos 1:11

—Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.

Hechos 1:3

Gï aagidi aanï ïpï ixdukatai pogïdui xi soimaaxi taata Suxi dai muu dai ïpamu duakatu daidi bhodïrï ojotosadï buitapi kïkiba. Dai naana dukai gï mamaaxidi ïgai ix ka duakatu ïpï. Gokobhai tasai aitu ïgai didibiditai ojotosadï dai aagidiña ïgai ix dukatai tïanïi Diuxi.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 10:39

—Dai aatïmï ïr nïijadami bïïxi ixtumaxi ibuadana Suxi Jerusalenïrï ïmadï bïïxi aipako xako ïr judidiu kiidï— itïtïdai. —Daidi gokiïrï ami óídakami mua go Suxi kuruxiabha xixakai.

Hechos 10:41

Dïï mai xu bïïxi óídakami nïidi go Suxi duakatukai ïgai. Mosïkaxi chïkiatai aatïmï ix makïdï ïr Diuxi ïkobai bubaidadï tïï. Aatïmï tudu mosïkaxi ix makïdï Suxi ïmadï gauu dai gaii ka duakatukai ïgai.

Hechos 2:32

Go Suxi tudu aba ïgai ix makïdï Diuxi duakaturhi. Aatïmï ïr nïijadami di.

Hechos 3:15

Podukai mua aapimï go ix makïdï gïr maakai gïr iibhïdaga. Mua aapimï dïï Diuxi duakaturhi ïgai dai aatïmï ïr nïijadami ix duaka ïgai— ikaiti.

Hechos 5:32

Dai aatïmï ïmadï Diuxi Ibhïadï ïr aagadami ixtumaxi dui Diuxi aidï. Dai Diuxi otoi Ibhïadï saidi abhana dakana odami ix makïdï ïïgida kaïkana Diuxi— ikaiti go Piduru.