Hechos 13:26 - Northern Tepehuan Bible

²⁶ Dai Pabora oi go aatagi daidi ikaiti, —Kaïkabïrai gin aaduñi, aapimï tudu ix makïdï ïr pipiixaradï Abraam dai aapimï ïpï ix makïdï ïr xadutuadami Diuxi tomaxi maiti ïr judidiu aapimï. Bïïxkatai aapimï bïïtarï idi ñoki ixtukïdï kïïgakïrï busiagi ïmoko.

Tepehuan Northern: Diuusi ñiooquidʌ utuducami oodamicʌdʌ

²⁶ Aapimʌ giñaaduñi Avraañicaru cajiudadʌ ʌʌmadu aapimʌ mʌsmaacʌdʌ siaa duutudai Diuusi, aapimʌ gʌnvʌʌtarʌava idi ñiooqui cʌʌgacʌrʌ vuvaidaragai.

Hechos 13:26 ပူးပေါင်းရင်းမြစ်များ

Mataibo 10:6

—Iimibïrai kiikidïrï gïr aaduñi judidiu ix makïdï óídaga tami Israelïrï bhaiyoma. Ïgai tudu ix makïdï ka dagito Diuxi dai mos ïr kuga imiadï kañiñiru dukai— itïtïdai.

Mataibo 3:9

—Dai maiti abïr pokaitada ïpï sai gïn oigïldamu Diuxi piipixaradïkatai aapimï go Abraamkaru. Gobai maiti gïn soiñamu tudu— itïtïdaiña. Daiñi, kïï bhaiga Diuxi xi asta ojodaiñdïrï ibuadagi piipixaradï go Abraamkaru di. ¿Kaxkïdï dukatai po gïn ïrhidi aapimï sai gïn soiñamu piipixaradïkatai aapimï? Xadïrï gïn soiñana gobai sai maiti gïn aituldagi Diuxi gïgïbidaragai tudu— itïtïdaiña.

Lukas 1:69

—Gïr otoxdi ïgai ïmo gïr kïïgakïrï bubiadamiga ix makïdï ïr pipiixaradï go Dabidkaru. Pipiixaradï ïgai go Rey ix makïdï ïr pioñigadïkatadai Diuxi tudu.

Lukas 1:77

Aapi aagidamu go óídakami ixdukatai oigïrhi Diuxi soimaaxkamigadï ix makïdï ibuadana ïgai sai kïïgakïrï bubuakïna ïgai dai ka mai gïpiïrï bïïtïkana Diuxi bïïtarï.

Lukas 24:47

Dai oja ïgai ïpï sai Diuxi otosadï Rey maaki agai gubukarhigai mamaatïrdamigadï sai aituldana ïgai idi ñoki bïïxi óídakami. Gï agai xi bïïxi óídakami maatïkagi sai bia xi ïma dukai gïn tïtïgitoagi sai oigïrhi biïna soimaaxkamigadï. Gï aagai xi gï aituldagi ñoki go óídakami Jerusalenïrï ïpïgioma dai gokiïrï bïïxi go gaa óídakami oidigi daama.

VUAANA 6:68

Daidi Piduru itïtïdai, —Gïr Nukadakami, ¿Borai ïmai urabana aatïmï? Aapi ïgai dai bia go ñoki ixtukïdï kïïgakïrï óídakana aatïmï bïïxkïrï bïïtarï di— itïtïdai.

Hechos 10:2

Dai go Kornelio ïmadï aaduñdï kïïga xadutudaiña Diuxi. Ïgai dudatai soikïiña judidiu ix makïdï tïgitokana dai mai dagitokai daanïiña Diuxi tomax tuigako.

Hechos 10:35

Diuxi kïïgakïrï nïidi tomax maaxkami odami ix makïdï ïr xadutuadami Diuxi dai ix makïdï kïïga ibuadagi— itïtïdai Piduru.

Hechos 13:43

Bhodïrï kaxi kugaidakai go ïmpaiñdaragai muidutai go judidiu oi go Pabora ïmadï Bernabe. Dai jaa oi ïpï ix makïdï maiti ïr judidiukatadai dïï gia buaboitudai ïgai Diuxi dai bhïitadai buaboidaradï judidiu. Dai Pabora ïmadï Bernabe mamaakaiña ñoki dai abïnakidiña sai apia buaboitudaiña ïgai maatïkatai ix Diuxi oigïdai dai urhiñdimi soiñi.

Hechos 13:46

Daidi go Pabora ïmadï Bernabe mai duduadimukatai aa noraidimi ñoki daidi ikaiti, —Gï agaitadai ix ïpïga gïn aagida aatïmï Diuxi ñokidï, aapimï judidiu tudu. Dïï mos aapimï maiti ipïrhidi xi buaboitudagi Diuxi ñokidï kaxkïdï ka mai bia aapimï sïïrhikami ix urabagi Diuxi bïïxkïrï bïïtarï. Ka mai buaboitu aapimï ix kaxkïdï xibi aituldamu aatïmï Diuxi ñokidï go ix makïdï maiti ïr judidiu bhaiyoma.

Hechos 16:17

Idi arhi oki aipako gïr oidatukïiña, aatïmï ïmadï Pabora tudu, dai iñakidana daidi ikaitidana, —Idi kïkïïrhi ïr pipioñigadï Diuxi go bïïxi adama bhaitï kïakïdï. Gobai gïn aagidimi ixdukatai kïïgakïrï bubuakiagi aapimï— ikaitidana go arhi oki.

Hechos 22:5

Go kïïrhi bhaitï kïakami dadaxdadami judidiu ïmadï bïïxi go gaa bhaitï gukakami kiupiïrï kïïga maatï dai gïn aagida antaada gobai sai kïïga buaboi aagai aanï. Ïgai tudu gin maa baasïkioma ïmo ojixikami xi tïïgidana aanï gïr aaduñi judidiu Damaskoïrï óídakami. Ïgai ojixikamiïrï gin maatadai ïgai oigaragai ansai imïna Damaskoana dai ansai gaagana buaboitudadami ami. Dai aanï poduña in agaitadai tudu. Buapa in agaitadai aanï go buaboitudadami tanai Jerusalenïrï dai dudunukami buidïrï tutusa in agaitadai sai ïgai maakana gïgïbidaragai.

Hechos 28:28

—Kaxkïdï xibi ipïrhidi aanï ix kïïga maatïkagi aapimï judidiu sai xibi bhaitiakoga go ix makïdï maiti ïr judidiu bïïtarï ka agai idi aatagi ix makïdï Diuxiañdïrï imïi. Podukai maatïkamu aapimï sai Diuxi kïïgakïrï bubaidimi odami. Dai ïgai gia buaboida kaïkamu go aatagi— itïtïdai.

Hechos 3:26

Dai kaxkïdï ïpï bhai gobai gïn saagida otoi Diuxi mos duakatuldakai Maaradï bai biakana aapimï ïmo gïdukami bhai ïrhiaragai gïn abhana dagitokai gïn soimaaxkamiga ixtukïdï soi buididi aapimï Diuxi. Mos duakatu go Suxi bai otoma bhai gobai gin otoi Diuxi tudu saidi aapimï ïpïgioma gïn aiyagi go bhai ïrhiaragai— ikaiti Piduru.

Hechos 4:12

Daiñi, Diuxi otoi go Suxi Kristo sai ïgai ïïgi biakana gubukadagai ix kïïgakïrï bubiadagi odami tomax xako oidakami. Mai tipu ïmai bïïxi oidigi daama —itïtïdai Piduru.

Hechos 5:20

—Imiburai go gïï kiupiïrï dai aagida odami ix dukatai kaatï idi tïgibudagai utudukïdï ixtukïdï kïïgakïrï óídakagi odami— itïtïdai.

Romanos 1:16

Mai xaïraitai aagai aanï go bhai ïrhiaragai aatagi tudu. Go bhai ïrhiaragai aatagi ïr Diuxi gubukadadï ixtukïdï kïïgakïrï bubuakïi bïïxi óídakami ix makïdï buaboitudagi. Ï ix makïdï ïpïgioma buaboitu ïr Judidiu dai xibi ix makïdï maiti ïr judidiu buaboitudaimi ïpï.

Efesios 1:13

Xibi aapimï ix makïdï maiti ïr judidiu kaxi kaïkana ix makïdï ïr buaboi. Kaïkana aapimï go bhai ïrhiaragai aatagi tudu. Dai xibi ka buaboitudai aapimï Suxi Kristo ïpï dai ka kïïgakïrï bubuaka aapimï. Xibi buaboitudakai aapimï gïn tïpaltu Diuxi gïn maakakai Diuxi Ibhïadï gïn abhana. Ka ïkiaxdïrï podukai agaitadai Diuxi ix otosa agaitadai Ibhïadï dai kaxkïdï otoi ïgai.

Kolosenses 1:5

Kïïga maatï aapimï tudu sai bia aapimï ïmo kïïgadukami nïnïraragai mïï tïbagiana. Dai gobai ix makïdï bia aapimï tïbagiana gïn abïnakiadan buayi sai apia kïïga buaboitudada aapimï dai sai kïïga oigïdada aapimï bïïxi go gaa buaboitudadami. Máí aapimï sai bia aapimï ïmo kïïgadukami nïnïraragai aidïxi kaï aapimï go buaboikïdï aatagi. Aidïxi kaï aapimï go bhai ïrhiaragai aatagi tudu.