Hechos 13:15 - Northern Tepehuan Bible

¹⁵ Daidi go bhaitï gukakïdï ami kiupiïrï nïnïidi ojadï Moises dai aagidi odami ix kaiti gobai ïmadï ojadï jaa aagadami Diuxi ñokidï. Dai bhodïrï báí ïgai go Pabora ïmadï Bernabe daidi itïtïdai, —Gïr dadidakami aapimï, dai ix biakagi aapimï ïmo abïnakidaragai maaxi gïr aaduñi bïïtarï abïr aagada gobai dai abïnakiada gïr aaduñi— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁵ Amaasi casi gʌaagacai oojai siaaco ooja Moseesacaru gʌsʌʌlicamiga dai ismaacʌdʌ ooja Diuusi ñiñiooquituldiadamigadʌ taidʌ ʌbaitʌguucacami quiuupaigadʌrʌ judidíu ootosi ñiooqui ʌdadidacami ami quiuupiʌrʌ mʌsaidʌ itʌʌdana: ―Gʌraaduñi mʌsmaquia ʌliada aapimʌ gooidacami ñiooqui istutuidiana ismaquiagi ―astʌtʌdai.

Hechos 13:15 ပူးပေါင်းရင်းမြစ်များ

Markos 5:22

Tai amaxi ami dibia ïmo kïïrhi Jairo tïgidukami. Ïgai ïr gubukadagai biakami ïmo kiupaigadïrï judidiu. Dai mos tïïgakai ïgai go Suxi gï totonakïdï kïïkiba go Suxi ïïkasodï abhana.

Lukas 16:16

Dai Suxi oi aatagidï daidi potïtïdai go fariseos ïpï, —Daiñi— itïtïdai. —Ka ïïki abhiadïrï biakana odami go sïïrhikamigadï Moiseskaru ïmadï ojadï go gaa ñiñokituldiadamigadï Diuxi. Gobai buaboitudaiña odami tudu. Dïï gia aidï abhiadïrï xi dibia Juan go bapakonadami, aidï abhiadïrï kaïkana odami aatagadami ix makïdï aagaiña go bhai ïrhiaragai aatagi. Dai go bhai ïrhiaragai aatagi aagai ix dukatai gatïanïi Diuxi dai ix dukatai bhaiga odami ix biakagi oigaragai sai Diuxi tïanïna. Mui odami buaboitudaimi dai bapakimi xako gatïanïi Diuxi tudu. Kabami gïn aajagïï ïgai bïïxkatai dai mai gïn daadagitoi ix tomarhi ïmo ixtumaxi sobhidagi ipïrhiditai ïgai xi Diuxi tïanïdagi tudu—.

Hechos 1:16

—Gin aaduñi, ¿Mai ix gï agaitadai xi buaboi busiagi ix makïdï oja Dabidkaru ïïki aagaitai go Udaxi? Daiñi, Diuxi Ibhïadï tïgibudadïkïdï oja Dabid ïïki. Dai xibi ka buaboi busai gobai. Go Udaxi ïgai dai gatïïgi go Suxi xi gï bhïitu ïgai.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.

Hechos 15:21

Pobai tudu kaitiña aagadami ïki abhiadïrï Moises bituldaradï. Bïïxkïrï bïïxi go gïgïr kiikiïrï podukai mamaakaiña ïgai ñoki ibhïxtaragai tasïrï bapakïitai judidiu kiupaigadïrï— itïtïdai Jakobo.

Hechos 15:7

Bhai tïbïpi gaataga ïgai gaagaitai ixdukatai aa noraidagi aatagidï go fariseos dai bhodïrï kïkiba Piduru daidi itïi, —Gin aaduñi kïïga maatï aapimï sai Diuxi ïkobai gin busaitu ïki ansai aituldana go bhai ïrhiaraga aatagi go ix makïdï maiti ïr judidiu bai ïgai buaboitudana ïpï.

Hechos 18:17

Bhodïrï bhakoi bïïxi óídakami ami dai bhïiyi ïgai go judidiu kiupaigadïrï bhaitï kïakami. Sóstenes tïgidukana go bhaitï kïakami ïgai, dai go óídakami bhïkai dai anaaxi dunukami buitapi gïikakarai. Daidi go dunukami Galión mos nïidi dai mai buamï ïrhidi.

Hechos 18:8

Dai aidïpïrï ïmo kïïrhi Krispo tïgidukami ïr bhaitï kïakamikatadai ami kiupiïrï dai ïgai ïmadï aaduñdï ix makïdï ami kiiyïrï óídaga bïïxi buaboitu Suxi Kristo. Dai jaa mui Korintoana óídakami kaïkana Pabora aatagidï ïpï dai buaboitu ïpï dai gïn bapakoi.

Hechos 2:29

Bhodïrï apia ga maamakai go Piduru dai ikaiti, —Gin aaduñi, gin oigïdabïrai dai kïï sïïrhi gïn atagidamu aanï. Daiñi, kïïga maatï aapimï ix ïïki muu go kïrhiodami Dabidkaru dai kia maaxi xako gï yaasatu.

Hechos 2:37

Dai kabami soi gïn ïjïrhidi odami maatïkatai sai buaboi aagai go Piduru. Daidi go odami ïïgi gïn tïkakaitadai aipakoga daidi ikaitimi, —Gïr aaduñi, ¿Dukatai duna aatïmï xibi?— ikaitimi.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

Hechos 20:2

Muiyapïrï gadibiji ïgai buaboitudadami Masedoniïrï óídakami dai gaabïnakidimi gamaamakaitai ñoki. Dai bhai tïbïpikïdï ayi ïgai Gresiïrï ukami.

Hechos 22:1

—Aapimï kïkïrhiodami dai bïïxi aapimï gin aaduñi, kaïkabïrai, aanï mai bia ixtukïdï gïpiïrï gin bupadagi aapimï— itïtïdai Pabora Hebreokïdï.

Hechos 4:36

Dai ïmo buaboitudadami Jose tïgidukatadai. Ïgai ïr pipiixaradï Lebikaru dai Chipreañdïrï oidakami ïgai. Dai go ojotoxikami Bernabe agaiña ïgai. Go Bernabe tïtiaradï itïiya ïrhidi ïmo abïnakiadami.

Hechos 7:2

Dai Tibañi itïtïdai, —Gin kaïkabïrai aapimï gin aaduñi dai aapimï gïr bhaitï gukakamiga. Daiñi, Diuxi bamioma bia gubukadagai xi bhai toma xorai. Dai gï maaxitu ïgai gïr aaduñi Abraamkaru buitapi aidïxi kia Mesopotamiïrï oidakatadai ïgai mai kia imïkai ïgai Aranamu.

Romanos 12:8

Podukai ïpï ix makïdï gamaakiagi ñoki dai gaabïnakiadagi jaa xi kïïgioma buaboitudana, ïgai gï agai xi Diuxi gubukarhigakïdï gamaakiagi ñoki. Dai ix makïdï Diuxi maa gubukarhigai xi gamaakiagi ïgai ïïgi buxtuidadï Diuxi bïïtarï, gï agai xi mai tudadagi ïgai gï ibhïdagïrï gamaakaitai. Dai ix makïdï Diuxi maa gubukarhigai xi ïr ïmo bhaitï kïakamigadïkagi buaboitudadami gï agai xi kïïga aatabuadagi ïpï. Dai xi Diuxi maa ïmoko gubukarhigai xi maakiagi soiñi ix makïdï tïgitokagi jaa gï agai xi bïïxi bhai ïrhiaradïkïdï gamaakiagi ïgai.

1 Korintios 14:3

Dïï gia ix makïdï aagagi ñoki ix makïdï Diuxiañdïrï imïi ix makïdï jaa maatï kaïkagi aidï gia soikïi ïgai go gaa buaboitudadami. Kïïga gupurtudai ïgai buaboidaradï dai kïïga abïnakidi dai kïïga bhai ïrhiatudai ïpï.

2 Korintios 3:14

Daiñi, ka ïïki abhiadïrï kaapakana momodï go Israelitas dai mai maatï kaïkana ïgai go ïïkidadï sïïrhikami. Dai xibi apia kia xïxkadï kaïkagi ïgai go ojadï go Moises apia kia mai maatï kaï ïgai. Ix dukai iñana go Moises buibasodï ïïki ïmo ikuxikïdï sai mai nïijadagi go Israelitas podukai iñapikan duu tïgibudadï go Israelitas xibi dai gobai sobhikïi ix maatï kaïkagi ïgai. Dïï gia xïïxkadï ka bïïna dakagi ïmoko Suxi Kristo aidï gia maigobai aimïrai ixtumaxi sobhikïitadai ix maatïkagi ixtumaxi ïr buaboi. Ka mai iñapikan dukai tïgibudadï tudu.

1Tesalonicenses 2:3

Dai go ix makïdï gïn aiturhi aatïmï gïr aatagi gobai kïïga ïr buaboi. Maiti gïn buirumagi aatïmï tudu dai bhaiyoma kïï sïïrhi gïn aagidi dai gïn tanïiña mïsai buaboitudaiña gïr aatagi. Dai tomarhi mai gaagaitadai aatïmï ixtumaxi ïïgi gïr bïïtarï gïn aagiditai gobai.

Hebreos 13:22

Gin oigïdakai abïr kïïga ïïgiada idi ojai ix makïdï ïr ïmo maakaragai ñoki dukai gïn bïïtarï. Maiti xii tïbïdu gobai tudu.