Hechos 12:7 - Northern Tepehuan Bible

⁷ Daidi todian dukai ami gï maaxitu ïmo Diuxi tïañikarudï dai kïïga kudidikami bii go maixakarui. Daidi Diuxi tïañikarudï taata go Piduru kotabadï ïmo padïrï dai nïñitu daidi potïtïdai, —Otoma bañigi— itïtïdai. Tai otoma upai go kadena ixtukïdï burhikatadai Piduru ïïkadï.

Tepehuan Northern: Diuusi ñiooquidʌ utuducami oodamicʌdʌ

⁷ Tai todian duucai gʌmaasitu ʌmo Diuusi tʌaañicarudʌ ʌPiiduru vuitapi dai vʌʌsi maasiuli ʌmaisacarui daidʌ ʌDiuusi tʌaañicarudʌ taata ʌPiiduru ʌmaapiadʌrʌ dai nʌnʌitu daidʌ itʌtʌdai: ―Otoma ivañigi ―astʌtʌdai. Tai otoma uupai ʌcadeena ismaacʌdʌ ʌcʌdʌ vulicatadai ʌPiiduru noonovidʌ.

Hechos 12:7 ပူးပေါင်းရင်းမြစ်များ

Mataibo 2:13

Dai iji go mamaatïkami abhiadïrï. Dai bhodïrï tïïtïkimi go Jose ïpamu dai ïpamu tïï ïgai go tïañikarudï Diuxi ix makïdï ïr otosadï Diuxi Gïr Nukadakami. Dai go tïañikarudï Diuxi potïtïdai, —Bañigiñi otoma— itïtïdai. —Aapi ïmadï dïïdï go arhi odami abïr bhïkai go arhi odami dai dïgabuna boopoi Ejiptuamu. Dai ami Ejipituana abïr bii asta xïïxkadï ukami gïn aagidagi aanï. Go Rey Herodes gaaga agai go arhi odami tudu mua ïrhiditai— itïtïdai.

Lukas 2:9

Dai todian dukai gï maaxitu ïmo tïañikarudï Diuxi ami go paxtuturu buidïrï. Dai Diuxi gubukarhigadïkïdï kudikami bii oidigi ami xako darakatadai go paxtuturu dai duduadimu ïgai.

Lukas 24:4

Dai kia mo gukatadai go oki dai mai tïtïïgai ixtumaxi gïn tïtïgitoagi mai tïïgakai tukugadï Suxi bai todian dukai gïn maaxitu goka kïkïïrhi. Ami sonoana gukatadai ïgai xako kaatïkatadai Suxi tukugadï dai yukuxidï go kïkïïrhi kïïga totoarïi.

Hechos 10:30

Daidi Kornelio itïtïdai aidï, —Kaxi pogïdui maakoba tasai parï kaduku, ka koi gïsïko tasai, tanaxi gin kiiyïrï dakatadai aanï dai gadaanïitadai aanï Diuxi. Dai todian dukai gï maaxitu ïmo kïïrhi dai totobikïi yukuxidï.

Hechos 12:23

Kia iñakaitadai odami dai todian dukai ami dibia ïmo Diuxi tïañikarudï dai muragi go Erodïxi mai xadutudaitai ïgai Diuxi. Daidi gokiïrï batopadagai kuayi tukugadï xi ïgai muu.

Hechos 12:6

Daidi kaxi gï baan kïsa agaitadai go Piduru dudunukamiïrï dai aidï takabioma tukarï kosokatadai Piduru dai bïï gokapadïrï daraka sandaru dai nukada. Goka sandaruañdïrï burhikatadai go Piduru goka kadenakïdï. Dai jaa sandaru nukadakatadai kitaagiña.

Hechos 12:8

Daidi Diuxi tïañikarudï itïtïdai aidï, —Gïixatudañi gï gibura dai gï aada gï sususaka— itïtïdai. Dai aidïxi ka podui go Piduru baidi Diuxi tïañikarudï itïtïdai, —Gï tuiñi gï chamaraga daidi gin oida— itïtïdai.

Hechos 16:26

Daidi todian dukai kabami gigidurhi ami oidigi dai oiñitu go maixakarui simientogadï. Daidi kupiokan tïi bïïxi kukuparagadï go maixakarui, dai upai kadena ixtukïdï bupurakatadai maamaixapikïdï.

Hechos 2:24

Dai Diuxi ïpamu duakaturhi go Suxi mukukai ïgai. Go mukigami maiti ixtui xi sobhidagi ix duaka Suxi.

Hechos 5:19

Dïï aidï tukarï dibia ïmo Diuxi tïañikarudï dai kukupioka kuukuparagadï go maixakarui dai bubaitu go ojotoxikami daidi itïtïdai,

Hechos 9:3

Dai ïmo imidagai aidïxi ka miadïrï kïïkigi ïgai Damaskoana saidi todian dukai ami xako imïi ïgai ami xikorhi kuuda ïmo kudagi tïbagiañdïrï.

Efesios 5:14

Kaxkïdï odami ikaitiña, —Nïñiñi aapi kosokami Daidi bañigi koidadï saagidañdïrï ka duakakai Baidi Suxi Kristo gï kudaidana— ikaitiña odami.

Hebreos 1:14

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

Apokalipsis 18:1

Dai gokiïrï tïï aanï ïpï ïmai tïañikarudï Diuxi ix tïbai tïbagiañdïrï. Ïmo gïdukami sïïrhikami biakami ïgai. Dai kïï kabami kudaka maaxi ïgai. Kïïga maaxtu ïgai oidigi aipakoga kudakatai kudaigadï.