Hechos 12:11 - Northern Tepehuan Bible

¹¹ Dai aidï gia máí go Piduru xi ïr buaboi daidi ikaiti, —Xibi gia ka máí aanï xi ïr buaboi ix Diuxi otoi gï tïañikarui dai ïgai kïïgakïrï gin busaitu xi ka mai soi gin buidadagi go Erodïxi dai ix ka mai biakagi aanï ix soimaaxi taatakagi go soimaaxkami ix makïdï gin duña agaitadai go judidiu— ikaiti Piduru.

Tepehuan Northern: Diuusi ñiooquidʌ utuducami oodamicʌdʌ

¹¹ Amaasi ʌPiiduru maí siʌrvaavoi daidʌ itʌi: ―Sivi gia camaí aanʌ siʌrvaavoi isootoi Diuusi gʌtʌaañicaru sai cʌʌgacʌrʌ giñvuusaidana ʌEroodʌsi maisacarduaiñdʌrʌ dai vʌʌsi ʌsoimaascamiaiñdʌrʌ ismaacʌdʌ iduñia agaitadai ʌjudidíu aanʌcʌdʌ ―ascaiti ʌPiiduru.

Hechos 12:11 ပူးပေါင်းရင်းမြစ်များ

Genesis 15:13

Dai Gïr Nukadakami gï maaxitu ïgai buitapi daidi itïtïdai, —Aanï ipïrhidi pïx maatïkagi ix no xibhïako óídaka agai gï piipixara xako maiti ïr kiidï. Dai oidakami ami mïkaxi aaduinturhiada agai gï piipixara ïpïan dukai axñiñitu. Maako ciento umigi ka mos soi maa taatamitulda agai ïgai— itïtïdai.

Lukas 15:17

Daidi bhïiyi ïgai kïïga tïgibudagai daidi pobïrhi, —Tami karhioga muu aanï bhiugigaikïdï dai amïka kiidïrï gin oga gia asta pipionigadï bhaibitukami bia ixtuma ugiagi— gï ïrhidi.

Hechos 12:7

Daidi todian dukai ami gï maaxitu ïmo Diuxi tïañikarudï dai kïïga kudidikami bii go maixakarui. Daidi Diuxi tïañikarudï taata go Piduru kotabadï ïmo padïrï dai nïñitu daidi potïtïdai, —Otoma bañigi— itïtïdai. Tai otoma upai go kadena ixtukïdï burhikatadai Piduru ïïkadï.

Hechos 24:27

Podukai aitu Pabora goka umigi maixakaruïrï. Daidi bhodïrï go Felix gatïïgi gï sïïrhikamiga mïtai dáí ïmai ix makïdï Porcio Festo tïgidu. Dïï mos mai kia gatïïgidakai go Felix ipïrhiditadai ix go judidiu kïïgakïrï gï nïijadagi xi kaxkïdï anaaxi maixakaruana biatadai ïgai go Pabora.

Hechos 25:9

Daidi Festo itïtïdai aidï, —¿Imia pïx ïrhidi Jerusalenamu xi ami bhai duñagi aanï idi ñoki dai aagadagi ix bhai ïr soimaaxi ibuadami aapi ix cho ïpï?— itïtïdai Festo. Ipïrhiditadai ïgai xi go bhaitï gukakïdï judidiu kïïgakïrï nïijadagi ïgai dai podukai aagidi tudu.

Hechos 5:19

Dïï aidï tukarï dibia ïmo Diuxi tïañikarudï dai kukupioka kuukuparagadï go maixakarui dai bubaitu go ojotoxikami daidi itïtïdai,

Hebreos 1:14

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

2 Pedro 2:9

Diuxi kïïgakïrï busaitu ïgai tudu dai bhodïrï bïïxi naato xia dodai ïgai go soimaaxi ibuadami. Kaxkïdï gï maatï sai Diuxi kïïga ixtutuidikïi xi kïïgakïrï bubiadagi odami ix makïdï ïr kïïga ibuadami sai mai soimaaxi taatamaiña ïgai. Dai kïïga ixtutuidikïi xi apia soimaaxi taataturhiadagi soimaaxi buadami ïpï asta go kugatïrï tasïrï ukami xïxkadï aagada agai Diuxi ixtuma gïgïbidaragai aji agai ïgai.