Hechos 10:37 - Northern Tepehuan Bible

³⁷ Aapimï kïï maatï ïpï sai go Juan ïr ïpïgioma gamaakadamikatadai bhai ïrhiaragai aatagi gabapakonaitai odami. Galileïrï gamaakaiña ïgai aatagi dai abhiadïrï aipakoga aayi go aatagi bïïxi aipakoga xako ukami Judea tïgidu oidigi.

Tepehuan Northern: Diuusi ñiooquidʌ utuducami oodamicʌdʌ

³⁷ Aapimʌ cʌʌga maatʌ istumaasi ʌpʌdui judidíu dʌvʌʌragadʌrʌ, aidʌsi casi gaaagidi ʌVuaana Diuusi ñiooquidʌ dai casi gavapaconacai vʌʌsi gomaasi Galileeaiñdʌrʌ gʌaaga.

Hechos 10:37 ပူးပေါင်းရင်းမြစ်များ

Mataibo 2:1

Podukai busai Suxi ïmo arhi kiiki Belen tïgidukamiïrï ix makïdï Judea munisipiïrï bipiïyi. Aidïpïrï go Herodes ïr Reykatadai Jerusalenïrï dai aidïpïrï ïpï ami Jerusalenïrï ayi mamaatïkami xarhi utapadïrï óídakami.

Lukas 23:5

Dïï go odami bamioma gïgïr aagidi daidi potïtïdai, —Ga mamaakai gobai aatagi bïïxi aipakoga tami Judeïrï dai abïnakidi óídakami sai bui surhigïna go gïï dunukami. Galileïrï gï aaga gamamaakaiña gobai ñoki dai xibi ka ayi gobai asta tami Jerusalenana ukami— itïtïdai.

Lukas 4:14

Dai Suxi gaatabuadatadai Diuxi Ibhïadï gubukarhigadïkïdï dai jii ïpamu Galileamu. Dai go óídakami ami aipakoga aagaiña go Suxi aidï. Dai aipakoga aïjïiña Suxi kikiupaigadïrï go judidiu ami Galileïrï dai gamamaakaiña aatagi óídakami. Dai bïïxi go óídakami aagaiña xïï kïï tuiga Suxi.

Hechos 10:36

—Daiñi— itïtïdai, —Aapimï kïïga maatï sai Diuxi maa ïmo bhai ïrhiaragai aatagi go judidiu. Aagidi ïgai sai mosïka Suxi Kristo gamaakai urabaragai Diuxi ïmadï. Dai Suxi Kristo ïgai dai bïïxi adama ïr gatïanïdami oidigi daama.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Hechos 26:26

—Tami daja go Rey Agripa tudu, gobai kïïga maatï sai buaboi aagai aanï. Gobai ix makïdï daibusai Suxikïdï maiti pogïdui xako odami mai nïijadagi. Daidi go Agripa kïïga maatï ixdukatai pobï gï dui. Kaxkïdï mai duadimukatai ñokai aanï gobai buitapi— ikaiti.

Hechos 28:22

Dïï gia kïï maatï aatïmï sai odami toma xakoga bui ñokaiña idi buaboidaragai utudukïdï ix makïdï urabaka aapi. Kaxkïdï ïmo imidagai gï kaïka rïrhidi pïx tumaxi gïr aagidagi— itïtïdai go bhaitï gukakami judidiu.