Hechos 10:28 - Northern Tepehuan Bible

²⁸ Daidi Piduru tïtïdai odami aidï, —Kïïga maatï aapimï sai daidarxi aatïmï judidiu gïr bïïtarï ix dibida aatïmï jaa odami ix makïdï maiti ïr judidiu dai tomarhi xi gïn uurapïkïdagi aatïmï. Dïï Diuxi gin tïïgi sai maiti agai ix tukurakami dukai nïijadagi odami ix makïdï Diuxi kïïgakïrï nïidi.

Tepehuan Northern: Diuusi ñiooquidʌ utuducami oodamicʌdʌ

²⁸ Amaasi ʌPiiduru itʌtʌdai ʌoodami: ―Aapimʌ cʌʌga maatʌ isjudidíu vaavoidaragadʌ maitamaacai oigaragai isuurapʌcʌdagi ʌma maa ñioocadami tomali isvapacʌdagi quiidiʌrʌ. Dʌmos Diuusi giñmaatʌtuli ansai dagitona aanʌ govaavoidaragai. Dai sioorʌ Diuusi cʌʌgacʌrʌ nʌidi aanʌ maiviaa istuisi gajiaadʌrʌ vipiaadagi.

Hechos 10:28 ပူးပေါင်းရင်းမြစ်များ

Markos 7:2

Dai gïn tïgito tïï ïgai xi ïïmo mamaatïrdamigadï Suxi maiti gïn iikomaiña ix dukai gïn biturhi ïgai xudu gaugia aagadagi.

Lukas 18:11

Dai ami kiupiana kïïkiba go fariseo dai adukai gadaanïi Diuxi, —Aapi Diuxi— itïtïdai. —Kïïga bhai gin ïrhidi aanï aapikïdï maatïkatai sai aanï mai ïpïamaaxi aanï gobai soimaaxi ibuadami. Aanï mai ïpïamaaxi go ïïxibogami dai go ix makïdï mai sïïrhi aatabuayi dai ix makïdï gaïmadï bopoiña aipakoga tudu. Dai bhai gin ïrhidi aanï mai ïpïamaaxkatai aanï go taanïdami kuota ix makïdï bhobai kïïka— itïtïdai aagaitai go gïmai ix makïdï ami kiupiana dibiatadai.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

VUAANA 4:27

Kia aatagaitadai Suxi go oki ïmadï bai ami dada mamaatïrdamigadï ïpamu. Dai mai tïtïgaitadai ïgai ixtumaxi gïn tïgitoagi nïiditai ix aatagai Suxi ïmadï ïmo oki. Dïï tomarhi ïmadutai go mamaatïrdami mai tïkakai Suxi ix tuma aatagaitadai ïgai tomarhi mai tïkaka ix tuixi ñokidi ïgai go oki.

VUAANA 4:9

Dai go oki itïtïdai, —Aanï ïr oki dai ïr Samarhiïrï oidakami dai aapi ïr judiu di— itïtïdai. —¿Tuixi gin ñokidi aapi dai gin tanïi sudagi?— itïtïdai. Go judidiu tukurakami ubadai dukai ix tumaxi taatagi ïmo Samarhiïrï oidakami tudu dai kaxkïdï pokaiti go oki.

Hechos 10:29

Kaxkïdï mos gin báí aapimï antai otoma mïïkadïrï jii aanï. Dai xibi gin aagidabïrai ix tuma bïïtarï gin báí aapimï— itïtïdai Piduru.

Hechos 11:9

Dai ïpamu kaï aanï go ñoki tïbagiañdïrï bai pobai in tïtïdai, —Diuxi kaxi gamaa oigaragai mïxi kuada gobai dai xibi maiti gï agai xi tukurakami aagada aapi gobai— ikaiti go ñoki.