Hechos 1:14 - Northern Tepehuan Bible

¹⁴ Bïïxkatai ïgai mos apia daanïiña Diuxi bïïx tasai. Suxi susukurhidï ïmadï ïmpaidiña ïgai dai Maria, Suxi dïïdï ïmadï dai jaa oki ïmadï ïpï dai gadaanïiña ïgai Diuxi. Dai mos ïmo tïgibudagai biakana ïgai.

Tepehuan Northern: Diuusi ñiooquidʌ utuducami oodamicʌdʌ

¹⁴ Vʌʌscatai ʌgai gʌnʌmpaidiña mamaadaragai vʌʌtarʌ, Suusi susuuculidʌ ʌʌmadu dai María Suusi dʌʌdʌ ʌʌmadu dai aa ooqui ʌʌpʌ.

Hechos 1:14 ပူးပေါင်းရင်းမြစ်များ

Mataibo 12:46

Kia gatïtïïgiditadai Suxi ñoki go mui óídakami ami bai ami ayi dïïdï ïmadï susukurhidï dai nïida ïrhiditadai.

Mataibo 21:22

—Ix buaboidaitai daanïdagi aapimï Diuxi ïgai gïn maakimu ixtumaxi tanïdagi aapimï— itïtïdai Suxi.

Mataibo 27:55

Dai mïkaxdïrï gukatadai oki ïpï dai nïnïidi ix dukatai po gï buimi. Dajatadai Maria Magdalena, dai go gïmai Maria ix makïdï ïr go Santiago dai go Jose dïïdï. Dai dajatadai oñigadï Sebedeo ïpï. Bïï baikatai go oki ïgai oiditadai go Suxi baasïkioma aidïxi jii Galileañdïrï dai soikïitadai ïgai aaduindadïrï. Dai xibi ka Jerusalenïrï darakatadai ïgai ïpï dai mïkaxdïrï nïidi aidïxi gï muatu go Suxi.

Markos 15:40

Dai mïkaxdïrï gukatadai oki ïpï dai nïnïidi ix dukatai ïpïbuimi. Dajatadai Maria Magdalena, dai go gïmai Maria ix makïdï ïr dïïdï Jakobo ïmadï Jose dai Salomé. Jakobo arhidukïdï aagaiña odami go Jakobo.

Markos 16:1

Dai bhodïrï goka tasaikïdï abhiadïrï xi gï yaasatu go Suxi aidï ka daibusai go ibhïxtaragai tasai. Tai go Maria Magdalena ïmadï Maria dïïdï Jakobo dai Salomé, gasabïrhi xigian ubadami dai toida agai go mukiadï.

Lukas 11:13

Daiñi, aapimï mamaakai ixtumaxi ïr kïïga gïn maamara tomaxi ïr soimaaxi ibuadami aapimï. Dai Diuxi gïïpi bamioma kïï tuiga xi bhai aapimï xi kaxkïdï gï maatï sai ïgai mamaakai ixtumaxi ïr kïïga maamaradï bïïtarï taanïkai ïgai. Dai kïïga maakimu ïgai Diuxi Ibhïadï xorai taañiagi ïpï— astïdai.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Lukas 23:49

Dai bïïxkatai ix makïdï maatïkatadai go Suxi dai ïpï go chïki oki ix makïdï oiditadai ïgai Galileañdïrï mïkaxdïrï gukatadai dai nïidi ixtumaxi po gï buimi ïpï.

Lukas 23:55

Daidi go oki ix makïdï Galileañdïrï abhiadïrï oidatukïiña go Suxi iji ïpï dai nïidi go tïjoi dai gïn tïgito nïidi ix dukatai tïï ïgai tukugadï Suxi.

Lukas 24:10

Ix makïdï aagidi ix dukatai pogïduitadai ïr go Maria Magdalena dai go Juana dai go gïmai Maria ix makïdï ïr dïïdï Santiago. Dai jaa oki ïpï ix makïdï oiditadai aagiditadai go ïko bubaidadï Suxi ïpï. Aagidi ïgai go Suxi ojotosadï tudu.

Lukas 24:33

Dai bhodïrï obaimi ïgai dai bhïiyi boi ïpamu Jerusalenamakoga. Dai ka aïkai ï goka kïkïïrhi Jerusalenïrï tïï ïgai go bhaibuxtama dan ïmoko ojotosadï Suxi ïmo ïmpaiñdaragïrï ïmadï jaa ix makïdï urabakatadai ïpï.

Lukas 24:53

Dai ami Jerusalenïrï dudatai ajiopïiña ïgai go gïï kiupiamu dai oigïda ñokaiña ïgai Diuxi bïïtarï. Mosïkaxi.

Lukas 8:20

Dai ïmadutai ix makïdï ami dakatadai potïtïdai go Suxi, —Gï daada ïmadï gï susukurhi kiidïañdïrï guka dai gï nïida ïrhidi— itïtïdai.

Hechos 2:1

Bhodïrï ka aïkai go gïï tasai xadutudikïdï Pentekostes tïgidukïdï bai gïn ïmpagi bïïxi go buaboitudadami ïmo kiiyïrï.

Hechos 2:42

Dai bïïxkatai kïï kaïkana aatagidï go bhaibuxtama dan goka ojotosadï Suxi. Dai ïmo tïgibudagai biakana ïgai dai daanïiña ïgai Diuxi gïn ïmpaiditai. Daidi ïmapi gakuadana ïpï.

Hechos 2:46

Dai bïïx tasai gïn ïmpaidiña ïgai go gïï kiupiïrï Jerusalenïrï. Ïmapi gakuadana ïgai kiikiïrï dai bïïxi gïn bhai ïrhiarakïdï gabhibhidiña ïgai bïïxi go aadudï dai

Hechos 6:4

Ix podukai aatïmï bamioma bhaigakamu xi gadaanïda Diuxi dai apia gamaakimu aatagi Diuxi ñokidïkïdï— ikaiti go bhaibuxtama dan goka ojotoxikami.

Romanos 12:12

Aapimï bia ïmo gïdukami bhai ïrhiaraga ix makïdï Diuxi bhai dasakami bia aapimï gïn bïïtarï. Kaxkïdï abïr bhai gïn ïrhiada xibi nïnïraitai gobai. Maiti abïr gïn dagito aidï xi gïn maitiagi soi ïrhiaragai xïïxkadï soimaaxi taatakagi aapimï. Abïr mai dagitokai aatagada Diuxi ïmadï bhaiyoma.

1 Korintios 14:13

Daiñi, xorai biakagi gubukarhigai ix todian dukai ñokadagi ïma maaxi ñokikïdï gï agai ix daanïdagi Diuxi sai maakana gubukarhigai ïpï ix maaxi aagagi ix tïiya ïrhidi.

Efesios 6:18

Bïïxi aïkatai ix makïdï ibuadagi aapimï abïr aatagada Diuxi ïmadï, Diuxi Ibhïadï gubukarhigadïkïdï. Bïïxkïrï abïr bhai gïn duka dai daanïda Diuxi bïïxi buaboitudadami bïïtarï ix makïdï aipako óídaga.

Kolosenses 4:2

Gin aaduñi, gï agai xi mai dagitokai dai kïïga nïnïasïrhigan dukai daanïda aapimï Diuxi bhai gïn ïrhiditai ïgai buidïrï.