Hebreos 9:19 - Northern Tepehuan Bible

¹⁹ Kaxkïdï tudu aidïxi gï namïaturhi go Moises sïïrhikamgadï aidï aagidi ïgai go odami bïïxi ixtumaxi gatïanïitadai Diuxi go sïïrhikamiïrï. Dai bhodïrï bapauxidi ïgai go odami ïmadï go sïïrhikami ojixikami ïradïkïdï baka maamaradï dai xixibato. Bhïiyi ïgai lïïchi boopoi bïgikami ïmadï arhi maamaradï uxi isopo tïgidukami dai badaitu ïrakïdï ïmadï sudagi dai gokïdï bauxidi.

Tepehuan Northern: Diuusi ñiooquidʌ utuducami oodamicʌdʌ

¹⁹ Aidʌsi Moseesacaru caaagidi ʌoodami vʌʌsi ʌsʌʌlicami ismaacʌdʌ maa Diuusi amaasi bʌí ʌgai voopoi vʌʌgicami dai ʌmo uusi isopo tʌʌgiducami maamaradʌ dai vadʌitu vustaqui ʌʌradʌcʌdʌ ʌʌmadu suudagi dai vausi ʌliivru ismaacʌdʌrʌ oojisicatadai ʌsʌʌlicami dai vʌʌsi oodami vausi ʌgai ʌʌpʌ.

Hebreos 9:19 ပူးပေါင်းရင်းမြစ်များ

Exodo 12:22

Abïr ajasokorhiïrï bhïiyi ïradï dai bhodïrï abïr bhïiyi usaga dai ïgaikïdï boixidagi kii taagiña ïrai bïï gokapadïrï dai damadïrï. Dai gï agai mïxi kiiyïrï darajagi ami óídakami ïmo tukagi dai mai bubuakïdagi asta xadiko.

Mataibo 27:28

Dai upasai ïgai yukuxidï dai aadi jaa yukuxi moraduakami.

Markos 15:17

Dai aadi yukuxi moraduakami daidi iduñi ïmo korona uparai dai kïïxi xi ïpïamaaxkana ïgai ïmo Rey dai podukai parunai ïgai.

Markos 15:20

Naana dukai parunadan buayi ïgai dai bhodïrï upasai yukuxidï moraduakami dai ïïgi yukuxidï aadi. Dai bhodïrï busaitu ïgai abhiadïrï dai kuruxiana xixa agai.

VUAANA 19:2

Baidi ka gïikarsakai ïgai sai bui uxi maamaradï kïï óígakami dai idui ïmo korona dai modïrï kïïxi. Dai aadi yukuxi moraduakami ïpï sai ïpïamaaxkana ïgai ïmo rey.

VUAANA 19:5

Daidi busai go Suxi kidigamu dai kia gï moïrï kïïsati go uparai korona dai kia gï aadati go yukuxi moraduakïdï ïpï. Daidi go Pilato itïtïdai go judidiu, —Tami kïïka go soitigami— itïtïdai.

Hebreos 1:1

Gin aaduñi, kïï maatï aapimï sai dudatai aiturhiña Diuxi ñoki gïr ïïki aaduñikaru. Dai naana dukai aiturhiña ïgai ïpï. Dïï gia mai ïmodïrï aiturhi ïgai bïïxi ñokidï dai bhaiyoma chïchïki ñoki aagidiña ïgai ñiñokituldiadamigadï bai ïgai aagidiña go óídakami Diuxi bïïtarï.

Hebreos 10:22

Suxi Kristo ka kïïga gïr buañidi gïr ibhïdaga sai ka mai gïpiïrï bïïtïkami dukai taadakana aatïmï. Gïr bakoi ïgai gïr ibhïdaga ïpïan dukai xi gï bautïxdagi ïmo odami kïï buañixikami sudagikïdï tudu. Ïgai ïr go buaboikïdï gabhaitïkïakïdï dadaxdadami gïr bïïtarï dai ka baa ïgai Diuxi buitapi gïr bïïtarï. Kaxkïdï xibi bhaiga aatïmï xi kïïga ïïmadan dukai ajiagi Diuxi buitapi ïpï mai duduadikoitai.

Hebreos 10:4

Kaxkïdï tudu gïr soimaaxkamiga maiti gï buanai xixibato ïradïkïdï tomarhi tuturu ïradïkïdï. Mai bhaiga aatïmï xi maigobai dasagi gïr soimaaxkamiga dadaxditai buxtaki Diuxi tudu.

Hebreos 12:24

Gin aaduñi, aapimï buaboitudai Suxi Kristo ix makïdï bhai dui go utudui sïïrhikami gïr bïïtarï. Amïka Diuxi buitapi bhai dui ïgai sai kïïgakïrï bubuakïna aatïmï tudu. Buaboitudai aapimï go aaduindagai ix makïdï idui Suxi Kristo kuruxiana aaxtakai ïgai ïradï ami. Dai go Suxi ïradï ix makïdï aaxi ïgai kuruxiana mai ïpïamaaxi ïradï go Abelkaru ix makïdï gï aaxi aidïxi muu go Abel ïïki. Diuxi pokaiti sai go Abel ïradï gataanïitadai sai gï sïïrhiñana Diuxi go Kain ïmadï ïmo gamuakamikatai go Kain. Dïï go ïrai ix makïdï aaxi Suxi mukukai kuruxiana gobai gataanïi sai gïr oigïldana ïgai gïr soimaaxkamiga bhaiyoma. Gïïpi ïma maaxi gobai xi bhai go Abel ïradï tudu.

Hebreos 9:12

Dai aidïxi baa ïgai amïka bhïkai ïgai ïrai ïpï ïmo daxdaragai bïïtarï. Dïï mai xu xi bhïkai ïgai ïradï buxtaki. Dukami mai bhïkai ïgai ïradï xixibato ïmadï baakaxi maamaradï. Ïïgi ïradï bhïkai ïgai bhaiyoma dai podukai bhai dui ïgai kïïgakïrï bubaidaragai gïr bïïtarï. Kaxkïdï mos arhi ïmo imidagai baa ïgai ïradïkïdï dai ka maiti gï agai xi muiyoko bapakïdagi ïgai. Ka bhai duñixi go kïïgakïrï bubaidaragai bïïxkïrï bïïtarï tudu.

Hebreos 9:13

Ïïkioma aidïxi kia namïakatadai go ïïkidadï sïïrhikami aidï sïïrhikïdï ïmapion maaxkatadai. Aidïpïrï xi ïmo odami taatagi ïmo ixtumaxi ix makïdï daidarxi, dukami xi taata ïgai ïmo mukiadï, ka mai biakana ïgai oigaragai ix ibuadagi xadutudaragai Diuxi bïïtarï. Ka tukurakatadai tukugadï Diuxi buidïrï kaxkïdï. Dïï gia go dadaxdadami bauxidiña go odami buxtaki ïradïkïdï dai podukai buanaiña go odami tukugadï sai bhaigakana xi ibuadagi xadutudaragai Diuxi bïïtarï. Bauxidiña ïgai ïradïkïdï xixibato tudu xiïpï tuturu xiïpï bauxidiña sudagikïdï ïmadï mataigadï baka maara ix makïdï bïïxi naato mïmïidiña ïgai. Podukai buanaiña ïgai go odami xadutudaragai bïïtarï. Dïï gia mosïkaxi tukugadï buanaiña ïgai podukai. Mai bhaigakana ix buanadagi ibhïadï odami podukai.

Hebreos 9:18

Daiñi, kïï maatï aapimï sai go ïïkidadï sïïrhikami gï namïaturhi ïradïkïdï buxtaki ix makïdï gï koditu.

1 Pedro 1:2

Diuxi gïr oga ka ïkiaxdïrï maatï bïïxi aïkatai ixtumaxi daibuña agai dai kaxkïdï podukai gï tïgito ïgai dai ïïki abhiadïrï ka ïkobai gïn bubaitutadai ïgai saidi ïr aaduñdïkana aapimï. Ka ïkobai gïn buaboitu Diuxi Ibhïadï tudu saidi Suxi Kristo ïradï ix makïdï aaxi ïgai namïakana gïn bïïtarï saidi oigïldana Diuxi gïn soimaaxkamiga dai sai kïïga ïïgidiña aapimï ïgai. Gin aaduñi, ipïrhidi aanï ix Diuxi bamioma gïn tïïgidana xïï kïï tuiga ïgai gïn bïïtarï dai sai gïn maakana ibhïxtaragai gïn ibhïdagïrï.