Hebreos 6:19 - Northern Tepehuan Bible

¹⁹ Podukai bia aatïmï ïmo kïïgadukami nïnïraragai dai gobai kïïga gïr soikïi gïr ibhïdagïrï sai bamioma kïïga gubuakana gïr buaboidaraga. Gïr bapaidadan buayi gobai sai bapakia aatïmï go adaama xadutudikïdï tukabiïrï. Sai bapakia aatïmï baasadïrï go gïï ikuxi nagiïkïdï tudu xako daja Diuxi.

Tepehuan Northern: Diuusi ñiooquidʌ utuducami oodamicʌdʌ

¹⁹ Dai poduucai cʌʌ maatʌ aatʌmʌ isiimia ragai tʌvaagiamu dai Diuusi ʌʌmadu daraaja ragai mʌʌca siaaco daja ʌSuusi.

Hebreos 6:19 ပူးပေါင်းရင်းမြစ်များ

Lebitiko 16:2

Dai bhodïrï Gïr Nukadakami aataga ïmadï Moises daidi itïtïdai, —Aagidañi gï xïgi Aaron sai maiti agai xi mos ipïldakai baakiagi ïgai go gïï nagiïkïdï ikuxi ïbhïgidiïrï dai buidïrï go kajoñi iñaparadï xako gï boixidai ïrai bai ïgaikïdï oigïlda nïidagi aanï odami soi maaxkamigadï. Ami bïïxi adama ïr xadutudikamiïrï tudu. Xi mos ïgikïdï baakiagi ïgai mukian taada ïgai gin maaxitukai aanï kubhuxi saagida bhobai kajoñi iñaparadï dama.

Mataibo 27:51

Baidi amaxi tïkabidïrï abhiadïrï asta mïï taana ukami sarai go gïï ikuxi ix makïdï go gïï kiupaigadïrï judidiu sagiïkatadai. Dai gigiburhi oidigi ïpï dai mui ojodai taatapai ïrana.

Hechos 23:6

Daidi Pabora gï tïgito tïï ix go dudunukami ix makïdï ami daraka ïïmoko ïr saduseo dai jaa ïr fariseo, kaxkïdï gïgïrï ño daidi itïi, —Gin aaduñi, aanï ïr fariseo dai gin oga ïr fariseo ïpï. Dai aanï buaboitudai sai koidadï duduaka agai kaxkïdï gin bua aapimï tanai dai gïn baan kïi— itïtïdai.

Hechos 27:29

Daidi gokïdï duduadimu ïgai pobai gïn ïrhidikatai xi xatuidagi go barko arasakai ojodai gïï sudagi ugidana. Daidi go barko gokiamadïrï tïapañi ïgai maakoba bapaiñomi gïgïrdukami dai bïpïtïkami sudaïrï sai kïkibana go barko. Dai bhodïrï mos nïnïraka ïgai ipïrhiditai ix otoma maaxiagi oidigi.

Hechos 27:40

Daidi guikoma ïgai go tuturopindi ixtukïdï bupurakatadai go gïgïr bapaiñomi ix makïdï dïbïrapi bïïtï sudagi uta ixtukïdï mai xii kabami mïradana go barko. Mos sudaïrï surhi ïgai tuturopindi guikomakai daidi upai ïgai go tabla ix makïdï ïr bolantegadï dukamikana go barko. Gobai bupurhidikatadai ïpï. Daidi tïka ïrhigi ïgai go gïï ikuxi bhaitïadïrï go bako saidi ïbïrhi imibudana. Daidi podukai ka sudagi ugidï amakoga jii go barko.

Romanos 4:16

Kaxkïdï gï agai xi buaboitudagi aatïmï Diuxi. Buaboitudakai aatïmï kïï maatï sai biakamu aatïmï ixtumaxi gïr aagidi Diuxi mos ïï kïï tuigakatai ïgai gïr bïïtarï. Kïï tuiga ïgai aatïmï gïr bïïtarï ix makïdï ïr piipixaradï go Abraamkaru tudu. Dai mai mosïkaxi Abraamkaru piipixaradï bïïtarï gobai ix makïdï aagai Diuxi tomaxi bia ïgai Diuxi sïïrhikamigadï. Bhaiyoma gobai ïr bïïtarï bïïxkatai ix makïdï buaboitudai ix dukatai buaboidaitadai Abraamkaru. Go Abraamkaru ïr ogadï bïïxkatai aatïmï ix makïdï buaboitudai tudu.

Romanos 4:18

Diuxi aagidi go Abraamkaru sai muidu ka agai piipixaradï. Kaxkïdï go Abraamkaru gubukatu ibhïadï dai tomax dukai mos apia buaboitu. Dai podukai biatu ïgai mui piipixaradï naana dukai ñokadami.

Romanos 5:4

Dai xudu mai dagito aatïmï xi gïr maitiagi soi ïrhiaragai, aidï gia Diuxi pokaiti sai kïï odan tutuiga aatïmï. Dai xudu Diuxi potïiyagi sai kïï odan tutuiga aatïmï aidï gia bhai ïrhiarakïdï nïnïraka aatïmï xi Diuxi kïïgakïrï gïr bubiadagi.

1 Korintios 13:13

Dïï gia xibi mai kia kugaidakai Diuxi aaduindadï oidakamu kia baika ixtumaxi ix makïdï mai ugitimu kia. Oidakamu gïr buaboidaraga buaboidaitai aatïmï Diuxi. Gobai ïr ïmoko ix makïdï mai ugitimu kia. Dai biakamu aatïmï kia gïr nïnïraraga ïpï maatïkatai aatïmï sai Diuxi iduñimu ixtumaxi gïr aagidi. Gobai gïr nïnïraraga mai ugitimu ïpï. Dai oidakamu kia oigïldaragai gïr oigïdatai aatïmï aipakoga. Gobai mai ugitimu ïpï. Baika ixtumaxi oidakamu tudu ix makïdï mai ugitimu dïï gia gaoigïldadagi ïr ïgai ix makïdï bamioma ïr namïakïdï.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Efesios 2:6

Diuxi gïr duakaturhi Suxi Kristo ïmadï dai tïbagiïrï gïr darai Suxi Kristo ïmadï ïpï bïïnakai aatïmï ïgai.

Kolosenses 3:1

Gin aaduñi, bïïna daraka aapimï Suxi Kristo dai kaxkïdï kaxi gïn duakaturhi Diuxi ïmo utudui oidaragai bïïtarï. Dai kaxkïdï bïïna dakatai aapimï ïgai abïr biaka ïrhiada ixtumaxi oidaga amïka xako daja ïgai. Tïbagiana daja Suxi Kristo tudu sïïrhixapadïrï Diuxi xakoga kabami bia ïgai xadutudaragai.

2 Timoteo 2:19

Dïï gia tomaxi oidaga odami ix makïdï aatagai ixtumaxi maiti ïr soiñi bïïxkïrï Diuxi ñokidï gia ïr buaboi dai mai ïmapïbuayi. Ïmo simiento dukai kïï kabakami Diuxi ñokidï gïr buaboidaraga bïïtarï. Diuxi ñokidïkïdï tudu kïï kabakami kïïka go buaboidaragai ix makïdï gïr maa Diuxi. Dai ami Diuxi ñokidïrï ikaiti sai, —Diuxi maatï xorai ïr maamaradï— Dai, —Odami ix makïdï pokaitadagi sai buaboitudai Diuxi gï agai ix gajiadïrï biagi go soimaaxkami— ikaiti Diuxi ñokidï.

Hebreos 4:16

Dai kaxkïdï ïpï gï agai xi mai duduadikoitai daanïda aatïmï Diuxi kïïga ïïmadan dukai. Kïï tuiga ïgai gïr bïïtarï tudu dai daanïkai aatïmï gïr tïïgidamu ïgai xïï soi gï ïrhidi ïgai gïr bïïtarï gïr soikïitai xïïxkadï tïgitokagi aatïmï.

Hebreos 9:3

Ïmo padïrï go tukabi nagiïjïtadai ïmo gïï ikuxi kobokami dai ibhïadïrï go ikuxi oidakatadai ïmai tukabi tukabioma kïakïdï. Ami go bïïxi adaama xadutudikïdï tukabi tïgidu.

Hebreos 9:7

Dai mosïkaxi go bhaitï kïakamigadï go dadaxdadami biakana oigaragai xi bapakïdagi go bïïxi adaama xadutudikïdï tukabiïrï ix makïdï tukabioma daja. Umiïrï bapakïiña ïgai ami dai biakana xi ami buapagi ïmo ïrai daxdaragai ixtukïdï bhai duñagi soimaaxkamigadï dai go gaa óídakami soimaaxkamigadï ïpï. Ïma dukai mai tipukatadai oigaragai xi bakiagi ami.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.