Hebreos 11:36 - Northern Tepehuan Bible

³⁶ Go óídakami parunaiña jaa dai asta gïbaiña ikixanaikïdï dai bupuraiña kadenakïdï dai maamaixapaiña. Dïï bïïxkïrï apia buaboitudaiña ïgai.

Tepehuan Northern: Diuusi ñiooquidʌ utuducami oodamicʌdʌ

³⁶ Dai ismaacʌdʌ maivaavoitudaiña Diuusi soi vuaadana ʌvaavoitudadami. Ʌʌmoco parunaiña ʌgai dai aa gʌvaiña dai aa mamaisapaiña dai vupuuraiña cadeenacʌdʌ.

Hebreos 11:36 ပူးပေါင်းရင်းမြစ်များ

Genesis 39:20

Dai bhïiyi ïgai go Jose dai maixa ïmadï jaa ix makïdï buidïrï bïïtïkatadai go gïï Rey. Dïï tomaxi maixapi go Jose bïïxkïrï apia nukati Diuxi dai maa ïgai tïgibudagai go kïïrhi ix makïdï tïanïi ami maixakaruana xi ïgai kïï ïmagi go Jose.

Mataibo 20:19

—Gin tïïgidamu ïgai go gupudagai bipiakami ix makïdï maiti ïr judidiu bai ïgai gin parunada agai dai gin gïikarsa agai dai ïmo kuruxiana gin xixa agai. Ami kuruxiana mukimu aanï. Dïï gia baika tasaikïdï duakatumu aanï ïpamu— itïtïdai.

Mataibo 21:35

Daidi mïï aïkai ïgai ïxikamiana sai go ix makïdï tajukamikïdï aatabuadatadai go ïxikami bhïiyi dai gïikarai ïgai ïmoko dai ïmai mua ïgai dai ïmai maikakarai ïgai ojodaikïdï.

Mataibo 23:34

—Daiñi, gïn otosdamu aanï ñiñokituldiadamigadï Diuxi dai gïn otosdamu aanï odami ix makïdï kïïga bia tïgibudagai dai jaa ix makïdï gïn tïtïïgiadamu Diuxi ñokidï ïpï. Dai kodamu aapimï ïïmoko kukuruxiana xixakai. Sïïrhikïdï oomarhiga aapimï kaxkïdï. Dai jaa baan tutusamu aapimï judidiu kikiupaigadïana dai gïgïbimu aapimï ikixanaikïdï. Aadaimu aapimï ïgai aipakoga go gïgïr kiikiamu dai soimaaxi taatamitulda agai aapimï. Podukai buidadamu aapimï ix makïdï gïn otosdamu aanï mos ïï oomarhigakatai aapimï— itïtïdai.

Mataibo 27:26

Dai go Pilato ïïgidi go odami dai dagito go Barabás. Bhodïrï tïjai ïgai go sandadaru mïsai gïikarsana go Suxi ikixanaikïdï dai bhodïrï sai baidakana dai kuruxiana xixana.

Markos 10:34

Dai go xibhïadïrï óídakami gin parunada mïagai dai saasasa agai gin tukuga dai gin xixibada agai dai gin mua agai. Dïï mos baika tasai kaatïkamu aanï koidadï saagida dai bhodïrï ïpamu duakamu aanï— itïtïdai.

Lukas 18:32

—Ami tudu gin tïïgidamu jaa go dudunukami Romanos xi ïgai gin bhïimu. Gin parunadamu ïgai dai soi gin duadiamu. Gin xixibididamu ïgai

Lukas 23:11

Dai go Herodes soi dukai tïï Suxi aidï dai go Herodes ïmadï sandadarugadï parunaitadai ïgai. Aadidi ïgai yukuxi kïï namïakami sai ïpïamaaxkana ïmo rey. Dai bhodïrï otosdi ïgai go Pilato ïpamu.

Lukas 23:36

Dai go sandadaru parunai ïpï. Miadïrï gugukigi ïgai dai daxdi binagre sai yïïdana.

Hechos 21:33

Daidi go komandante ayi amïka xako kïakatadai Pabora dai maixapikami bhïiyi dai gatïjai mïsai burana goka kadenakïdï. Dai bhodïrï tïkakai ïgai go odami daidi itïtïdai aidï, —¿Borai idi kïïrhi? ¿Ix tuma soimaaxi buadami gobai?— itïtïdai.

Hechos 24:27

Podukai aitu Pabora goka umigi maixakaruïrï. Daidi bhodïrï go Felix gatïïgi gï sïïrhikamiga mïtai dáí ïmai ix makïdï Porcio Festo tïgidu. Dïï mos mai kia gatïïgidakai go Felix ipïrhiditadai ix go judidiu kïïgakïrï gï nïijadagi xi kaxkïdï anaaxi maixakaruana biatadai ïgai go Pabora.

Hechos 4:3

Dai gokïdï bui ïgai go Piduru ïmadï Juan. Ka uruitadai xi bui ïgai dai ka mai ajïakatadai ix bhai duñagi dudunukamiïrï dai kaxkïdï maamaixa ïgai asta xadiko.

Hechos 5:18

Dai bui ïgai go ojotoxikami dai maamaixa.

Hechos 5:40

Dai go bhaitï gukakami bhai aa ixdukatai agaitadai go Gamaliel. Dai báí ïgai go ojotoxikami dai gatïjai gïikarsaragai dai daidi ïgai ix ka mai ñokaiña go Suxi bïïtarï. Dai bhodïrï dagito sai iimïna.

Hechos 8:3

Dïï go Saulo apia soi buadatadai go buaboitudadami tomaxi aipako ijitadai ïgai. Kiikidïrï bapaakïiña ïgai dai tïrhiusumaitai bubaidiña kïkïïrhi ïmadï oki daidi gamaamaixaiña.

Efesios 3:1

Aanï Pabora maixapi xibi mos ïïgiditai aanï Suxi Kristo. Aagaiña aanï go bhai ïrhiaragai aatagi gïn buitapi aapimï ix makïdï maiti ïr judidiu kaxkïdï maixapi aanï xibi.

Efesios 4:1

Aanï gin maixatu mos ïïgiditai aanï Suxi Kristo. Dai aanï xibi bïïxi gin ibhïdagakïdï gïn abïnakida in ïrhidi xi kïï bhai maaxkami dukai óídakana aapimï. Gï agai xi kïï bhai maaxkami dukai óídakagi aapimï aidï dai podukai maaxitudagi sai gia ïr buaboi sai Diuxi ka ïkobai gïn bubaitu.

2 Timoteo 1:16

Dïï gia go Onesiforo gia mai podui. Kaxkïdï ipïrhidi aanï ix kïï tuigakagi Gïr Nukadakami go Onesiforo kiidïrï óídakami bui. Mai xaïraiña go Onesiforo ix gin dibidagi tudu tomaxi maixapi aanï dai bhaiyoma gin abïnakidiña gin didibiditai tami Romïrï. Dai aidïxi tukamïrï dibia ïgai tami Romïrï aipakoga gin gaa ïgai asta xïxkadï gin tïï.

2 Timoteo 2:9

Dïï gia oidaga odami ix makïdï soimaaxi gin taatamiturhi gin sobhida ïrhiditai sai mai aagana aanï go bhai ïrhiaragai aatagi. Ïgai asta gin buu kadenakïdï ïmo soimaaxi ibuadami dukai dai gin maixa gin sobhida ïrhiditai. Dïï gia mai tipu xorai kadenakïdï burhiagi Diuxi ñokidï sai maiti ibuada gobai aaduindadï. Mai bhaiga ix sobhidagi gobai tudu.

Hebreos 10:34

Soi gïn ïrhidiña aapimï ïgai bïïtarï ix makïdï gïn maamaixatudiña ïpï. Dai tomaxi go dudunukami gïn bopoidiña gïn buxtuidaga aapimï bïïxkïrï mai buamï ïrhidiña. Bhai gïn ïrhidiña aapimï bhaiyoma maatïkatai sai bia aapimï ixtumaxi bamioma kïïgadukami ix makïdï tomarhi ïmo imidagai mai ugiti agai.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.