Hebreos 11:31 - Northern Tepehuan Bible

³¹ Dai go oki Rahab ïpï, kïï maatï aapimï sai kïkïïrhimïrhigakatadai ïgai. Dïï bïïxkïrï buaboitu ïgai sai Diuxigadï go Israelitas buaboikïdï ïr Diuxi dai buaboitu ïpï sai Diuxi soikïda agai go Israelitas. Kaxkïdï mai muu ïgai ix dukai koi go gaa óídakami soimaaxi ibuadami ix makïdï gïn koditu ami Jerikoïrï. Buaboitu ïgai Diuxi tudu dai kaxkïdï kïïga miadïgidi ïgai go kïkïïrhi ix makïdï ami dada nïida agaitai ixdukatai maitiagi go Jerikoana óídakami. Ïxto ïgai go kïkïïrhi ami kiidïrï sai mai tïïgana go rey ami. Go rey koda ïrhiditadai go kïkïïrhi kaxkïdï. Po dui go Rahab kïïga buaboidaitai ïgai Diuxi tudu.

Tepehuan Northern: Diuusi ñiooquidʌ utuducami oodamicʌdʌ

³¹ Raavacaru ʌrʌmo ooqui ismaacʌdʌ Jericooʌrʌ oidacatadai dai vaavoitu isDiuusi maaquia agaitadai ʌdʌvʌʌrai ʌjudidíu cascʌdʌ soí ʌgai ʌcʌcʌʌli judidíu ismaacʌdʌ vaapa Jericooʌrʌ dai nʌida agai ʌdʌvʌʌrai ismaasi cascʌdʌ maimuu ʌooqui aidʌsi coi ʌgaa ismaacʌdʌ maiʌʌgidi Diuusi. Raavacaru ʌrʌmo ooqui tatacaligamicatadai.

Hebreos 11:31 ပူးပေါင်းရင်းမြစ်များ

Mataibo 1:1

Tami ojixi ix tïtïgidu ïïkidadï aaduñdï Suxi Kristo. Sai Suxi Kristo ïr pipiixaradï go Rey Dabidkaru tudu. Dai go Dabidkaru ïr pipiixaradïkatadai go Abraamkaru. Tami bhaitïki aagai ix dukatai pogïdui gobai.

Mataibo 1:5

Go Salmón marai go Boozkaru abhana go oki Rahabkaru. Dai Booz marai go Obedkaru abhana go Rutkaru. Dai go Obed marai go Isaíkaru.

Hechos 15:33

Bhodïrï abhiadïrï mui tasaikïdï kaxi imia agaitadai go kïkïïrhi ïpamu Jerusalenamu baidi go buaboitudadami diosagi dai potïtïdai, —Diuxi kïïgakïrï gïn baidakagi gamoko ukami xako óídaga go ix makïdï bhaigobai gïn otoi— itïtïdai.

Hebreos 3:18

Mai ïïgidiña ïgai tudu xi kaxkïdï Diuxi ikaiti sai, Aanï Diuxi bhamuka buidïrï ïgai ix makïdï mai buaboitudai. Dai kaxkïdï pokaiti aanï bïïxi gin gubukarhigakïdï sai mai bapaaki agai ïgai go ibhïxtaragïrï ix makïdï bhai dui aanï, ikaiti Diuxi.

Santiago 2:25

Daiñi, go oki Rahabkaru tïgidukami buañixikami bii ïpï ïïki buaboitudaitai ïgai daidi ibuadatai ixtumaxi ïr kïïgadukami ïpï. Ïgai ïr ïmo oidakamikatadai Jerikoïrï. Kïkïïrhimïrhigakatadai ïgai dïï bïïxkïrï buañixikami bii ïgai Diuxi bïïtarï. Ïmo imidagai miadïgi ïgai kïkïïrhi ix makïdï ïr ojotosadïkatadai go judidiu dai podukai maaxiturhi go Rahab sai kïïga buaboitudai Diuxi. Aidïpïrï go óídakami ami Jerikoïrï gaagaitadai go kïkïïrhi ïgai daidi koda agaitadai tudu. Dïï gia go Rahab kïïga miadïgi go kïkïïrhi ïgai dai kïïga soi saidi kïïgakïrï iimïna abhiadïrï ïmai boiyana xako mai tïïgiagi go gaa óídakami. Podui go Rahab tudu daidi gï maaxiturhi ix kïïga buañixi ïgai Diuxi bïïtarï.

Josue 1:1

Kaxi mutadai go Moises ix makïdï ïr otosadïkatadai Gïr Nukadakami dai Gïr Nukadakami aataga ïmadï go Josue. Go Josue ïr maradï ïmo kïïrhi Nun tïgidukami dai soikïiña ïgai Moises. Bhodïrï mukukai Moises sai Gïr Nukadakami aataga ïmadï Josue daidi itïtïdai,

1 Pedro 2:8

Daidi ikaiti go ojai ïpï sai, Suxi Kristo ïr ïmo odai dukai xako utubai odami mai buaboitudaitai ïgai. Dai ix makïdï mai buaboitudai gïpiïrï surhigïi, ikaiti go ojai. Mui odami gïpiïrï surhigïï mai ïïgiditai ïgai Diuxi ñokidï ix makïdï aagai go Suxi Kristo tudu. Dai Diuxi ka podukai dáí sai taatana ïgai gïgïbidaragai.