Hebreos 11:16 - Northern Tepehuan Bible

¹⁶ Dai bhaiyoma gaagaiña ïgai ïmo oidakaragai bamioma kïïgadukami xi go ïïkidadï kiidï. Ka tïbagiana óídata ïrhiditadai ïgai tudu dai ka mai tïtïitoiña ïkidadï oidakaradï mos ïï kïïga buaboidaitai ïgai ixtumaxi Diuxi aagidi. Kaxkïdï kïïga bhai gï ïrhidi Diuxi ïgaikïdï. Mai xia ïï Diuxi kaïkatai sai go Abraam ïmadï aduñdï podukai aagaiña sai ïgai ïr Diuxigadï tudu. Kaxkïdï bhai duñi Diuxi ïmo kiiki tïbagiana ïgai bïïtarï dai podukai mamaaxidi xïï kïïga bhai ïrhidi ïgaikïdï. Dai gï agai sai maatïkana aapimï sai podukai nïijadamu Diuxi bïïxkatai ix makïdï ïpïan dukai buaboitudai ix duu buaboitu go Abraam ïpï.

Tepehuan Northern: Diuusi ñiooquidʌ utuducami oodamicʌdʌ

¹⁶ Dʌmos ʌgai baiyoma ipʌliditadai isviaacagi ʌmo dʌvʌʌrai vaamioma cʌʌgaducami tʌvaagiʌrʌ. Cascʌdʌ Diuusi baigʌʌlidiña giñooga aagaitai ʌgai. Diuusi cabai duu siaaco oidaca ʌgai tʌvaagiʌrʌ.

Hebreos 11:16 ပူးပေါင်းရင်းမြစ်များ

Genesis 28:13

Dai tïsadikaru abhana kïakatadai Gïr Nukadakami daidi potïtïdai ïgai go Jakobo, —Aanï ïr Diuxi gï Nukadakami dai aanï soikïiña gï boxika Abraam ïmadï gï oga Isaak. Daiñi. Bïïxi idi dïbïrai xako dama kaatï aapi aanï gï maakimu gï piipixara bïïtarï— itïtïdai.

Exodo 3:15

Bhodïrï itïtïdai Diuxi Moises, —Aagidamu aapi go Israelitas sai aanï ïgai dai gï otoi ix makïdï buaboitudaiña gïn aaduñi ïïki. Ix makïdï buaboitudaiña go Abraam dai Isaak dai Jakobo tudu. Podukai tïdamu aapi go Israelitas. Aanï Aanï tïgidu aanï tomax tuigako dai podukai in aagamu bïïxi óídakami xïïki óídaka agai oidigi dama— itïtïdai Diuxi.

Exodo 3:6

—Aanï ïr Diuxi ix makïdï gin buaboitudaiña gï piipixara ïki. Ix makïdï buaboitudaiña Abraam ïmadï Isaak dai Jakobo ïïki tudu— itïtïdai Diuxi. Daidi go Moises ïbhïimi xi nïijadagi Diuxi daidi gï iña buibasodï.

Exodo 4:5

—Daiñi— itïtïdai Diuxi. —Pïx xudu aiyagi Ejipituana gï agadamu xi podukai dïbïrapi daituda aapi gï uxiaraga ïpamu bai kooyi gï naatomu gobai ïpamu. Aidï gia gï buaboitudamu go Israelitas xi gï buitapi gin maaxitu aanï ix makïdï Abraam dai Isaak dai Jakobo buaboitudaiña— itïtïdai Gïr Nukadakami.

Mataibo 25:34

Dai bhodïrï aanï ix makïdï ïr go gïï Rey aagidamu ïmo ñoki go buaboitudadami gin sïïrhixapadïrï darakatai ïgai dai potïdamu aanï, —Gimibïrai aapimï ix makïdï Diuxi gin Oga ka maa ïmo gïdukami bhai ïrhiaragai. Aidï abhiadïrï xi mai kia kïkibatadai oidigi Diuxi ka bhai buayitadai ixdukatai gïn tïanïdagi tudu dai gobai ïr gïn bhai ïrhiaraga. Dai xibi ka ayi ix bhïiyagi aapimï gïn bhai ïrhiaraga urabakatai aapimï Diuxi aaduñdï ix makïdï gatïanïi ïgai.

Markos 12:26

Kïï maatï aanï ix mai buaboitudai aapimï xi oidakagi duakaragai koidadï bïïtarï. Dïï aanï aagai sai gia duduakai ïgai. Daiñi, Diuxi pokaiti sai go Abraam, ïmadï go Isaak ïmadï go Jakobo bïïxi buaboitudai Diuxi tomaxi aidïpïrï xi pokaiti ïgai ka ïïki abhiadïrï ka mai tiputadai ïgai bïï baikatai tami oidigi daama. ¿Dukatai buaboitudana ïgai Diuxi ix mai duakakagi di? Diuxi kïïga duduakakami aagai go Abraam ïmadï Isaak dai Jakobo tudu tomaxi ka koitadai ïgai. Kïï maatiga maaxi ix mai kïï aagai aapimï potïkai sai mai tipu duakaragai bïïtarï koidadï di— itïtïdai Suxi. —¿Maiti mïx kia nïidi Moises ojadï xako aagai go uparai kïakami biakami tai? Ami tudu aagai gobai idi aatagi— itïtïdai Suxi go Saduseos.

Markos 8:38

Xibi óídakami arhiïxi ïr soimaaxi buadami dai adaimïi ïgai jaa ix makïdï didiuxi aagai ïgai. Daiñi, aanï ïr Diuxi otosadï ix makïdï aagai Diuxi ïïki dai ayimu ixtuigako dibiamu aanï tïbagiañdïrï ïmadï Diuxi tïtïañikarudï dai Diuxi gubukadagakïdï. Aanï aagai sai tomax tuma oidakami xibi ix makïdï xaïradagi aanïkïdï dai gin ñokikïdï aanï ïpï xaïrogidamu ïgaikïdï dibiakai aanï— itïtïdai Suxi.

Lukas 12:32

Aapimï arhi kañiñiru duu dai Diuxi sosoigadï kaxkïdï maiti abïr buamï gïn ïrhiada. Chïkidu aapimï dïï bïïxkïrï ïr ïmo bhai ïrhiaragai Diuxi bïïtarï gïn maakaitai ïgai oigaragai xi ïgai gïn tïanïdagi— itïtïdai Suxi go mamaatïrdamigadï.

Lukas 20:37

Kïïga duduakarïi koidadï ïpamu tudu. Daiñi, go Moiseskaru oja ïmo ojai ïïki aagaitai go uparai xako saagida mïjïitadai táí dai ami gïr maaxiturhi sai oidaga duduakaragai koidadï bïïtarï. Ami aagai ïgai sai go Abraamkaru ïmadï Isaakaru dai Jakobokaru buaboitudai Diuxi. Ka mui umigi ïr koidadïkatadai go Abraamkaru ïmadï Isaakaru dai Jakobokaru aidïxi poduu oja go Moises sai buaboitudai ïgai Diuxi tudu. Dai gobai itïiya ïrhidi sai tomax ka koitadai ïgai bïïxkïrï kia duduakatadai iibhïadï. Ïma dukai dukatai buaboitudaiña ïgai Diuxi di.

VUAANA 14:2

Daiñi, amïka gin Oga kiidïrï muidu tutukabi dai aanï mïïka bhai duñimu xakoga óídakagi aapimï. Maiti abïr buamï gïn ïrhiada tudu. Ix maiti ïr buaboikamudai gobai xadïrï gïn aagidamudai aanï.

Hechos 7:32

Diuxi aanï dai aanï gin buaboidaiña go Abraamkaru ïmadï Isaakaru ïmadï Jakobokaru, itïtïdai Diuxi. Daidi go Moises mos gigibukïi duadimukatai. Ïbhïidi ïgai xi bui nïnïabagi go tai.

Filipenses 3:20

Dïï aatïmï gia bia gïr oidakaraga tïbagiana dai bhai ïrhiarakïdï nïnïraka aatïmï xi mïkadïrï dibiagi Suxi Kristo Gïr Nukadakami ix makïdï ïr gïr kïïgakïrï bubiadamiga.

2 Timoteo 4:18

Dai kïï maatï aanï ïpï sai gin busaidamu Diuxi bïïxi go soimaaxkamiañdïrï dai kïïgakïrï gin baidakamu tïbagiamu xako gatïanïi ïgai. Ïgai gï agai tudu xi xadutuada aatïmï bïïxkïrï bïïtarï.

Hebreos 10:34

Soi gïn ïrhidiña aapimï ïgai bïïtarï ix makïdï gïn maamaixatudiña ïpï. Dai tomaxi go dudunukami gïn bopoidiña gïn buxtuidaga aapimï bïïxkïrï mai buamï ïrhidiña. Bhai gïn ïrhidiña aapimï bhaiyoma maatïkatai sai bia aapimï ixtumaxi bamioma kïïgadukami ix makïdï tomarhi ïmo imidagai mai ugiti agai.

Hebreos 11:10

Ikuxi bhaabhakiïrï oidakaiña go Abraam tudu nïnïrakatai ïgai ix aiyagi ixtuigako ïmo gïï kiikiïrï oidakagi ïgai. Nïnïrakatadai ïgai go gïï kiiki ix makïdï kïï kabakami kïïka dai ix makïdï Diuxi idui ixdukatai ïgai ipïrhidi. Gobai ïr ïgai ix makïdï nïnïrakatadai go Abraam.

Hebreos 11:14

Dai kïïga maatiga maaxi sai xorai pokaitadagi saidi mos ïr lïïchi imidagai dukai oidakaradï, gobai itïiya ïrhidi sai mai kia tïï ïgai tami oidigi daama go kïïgakïrï oidakaragai ix makïdï nïnïraka ïgai. Kia nïnïraka ïgai xako kïïgakïrï biaka agai oidakaradï tïbagiana tudu.

Hebreos 11:40

Aatïmï gïr tïtïitoitadai Diuxi aidï, kaxkïdï mai otoma maa ïgai ixtumaxi aagidi. Podukai gï tïgito ïgai sai bamioma kïïgadu aatïmï gïr bïïtarï xi go ïïkidadï buaboitudadami nïnïrakagi kia asta xïxkadï bhïiyagi aatïmï ïpï ixtumaxi bia Diuxi gïr bïïtarï. Podukai gï tïgito Diuxi sai gïr aïna gobai bïïxkatai aatïmï buaboitudadami ïmapi tudu dai mai xu xi mosïkaxi go ïïki óídakami aiyagi gobai ïpïgioma. Podukai gï tïgito Diuxi dai kaxkïdï go buaboitudadami ïïkidadï mai otoma biatu ixtumaxi bia Diuxi bïïxkatai aatïmï gïr bïïtarï, ïgai ïmadï aatïmï ïpï tudu.

Hebreos 12:22

Dïï gia aapimï buaboitudadami xibi mai iji ïmo tubidakïrï podukai aidïxi buaboitu aapimï go utudui sïïrhikami ix makïdï bhai dui Diuxi gïn ïmadï. Gïïpi bamioma bhai ïrhiaraga xako iji aapimï. Mai iji aapimï go Sinaí tubidakïrï ix dukai idui go Israelitas ïïki aidïxi maa Moises go ïïkidadï sïïrhikami tudu. Bhaiyoma sïïrhi bapakïi aapimï xako odaga Diuxi ka buaboitudakai aapimï. Daiñi, gobai ïr ïpïan dukami ix makïdï ibuadana gïn aaduñi ïïkidadï. Aïjïiña ïgai xako Zión Gidiïrï tïgidu xadutuada agaitai Diuxi ïïki. Ajïiña ïgai Jerusalenïrï tudu dai ami xadutudaiña ïgai Diuxi. Dai xibi buaboitudakai aapimï kaxi ïr ïpïandukami gobai ïpï ix ka aiyandui aapimï Ziónïrï ïpï dai go utudui Jerusalenïrï ix makïdï tïbagiana daja xakoga kabami muidu mirhi tïtïañikarudï Diuxi. Ayi aapimï Diuxi tudu dai xadutudai aapimï oigïda ñokaitai aapimï.

Hebreos 13:14

Idi oidigi mai kïïgakïrï ïr gïr kii tudu. Tami mosïkaxi chïki tasai bïïtarï óídaka ragai. Nïnïraka aatïmï ïmai kiiki kia tudu ix makïdï gokiïrioma kïkiba agai dai bïïxkïrï bïïtarïka agai.

Hebreos 2:11

Daiñi, Suxi ïgai dai ïkobai gïr bubaidi Diuxi bïïtarï. Dai xibi Suxi Ogadï ïr aatïmï gïr Oga ïpï. Kaxkïdï mai xaïrai Suxi gïr aagaitai sai aatïmï ïr susukurhidï.

Apokalipsis 21:2

Dai nïidi aanï xi tïbagiañdïrï tïbandimi go gïï kiiki ix makïdï ïr Diuxi ïko dasadï. Go utudukïdï Jerusalen tïgidu go gïï kiiki ïgai dai Diuxiañdïrï tïbañimi. Dai kïï xigiamaaxi kïï bhai duñixikatai gobai ïpïan dukai ïmo oki xuduku kunata agadagi.