Hebreos 11:12 - Northern Tepehuan Bible

¹² Dai go Abraam ïpï kaxi ïr kïrhiodamikatadai aidï. Dai ka maiti ixtutuidikïitadai ïgai ïpï ix gamaratudagi. Toma lïïchi mai biakatadai ïgai gubukarhigai maratudaragai bïïtarï. Gobai bïïtarï ïpïan ïxi gubuakamikatadai ïgai ïmo mukiadï tudu. Dïï bïïxkïrï buaboitudai ïgai Diuxi dai kaxkïdï abhiadïrï go Abraamaiñdïrï bubuakai sïïrhikïdï mui odami. Ïpïan ïïki go xixabugai tïbagiana xiïpï go orai ix makïdï go gïï sudagi ugidana bïïtï tudu.

Tepehuan Northern: Diuusi ñiooquidʌ utuducami oodamicʌdʌ

¹² Avraañicaru sʌʌlicʌdʌ ʌrcʌʌlimudadʌcatadai dai camaitistui ismaamatagi dʌmos vʌʌscʌrʌ maamarai dai sʌʌlicʌdʌ muidu cajiudadʌ ʌgai. Avraañicaru muidu cajiudadʌ ʌpan ʌʌquidu sisiaavugai. Tomali ʌmaadutai maitistutuidi isʌcaldagi.

Hebreos 11:12 ပူးပေါင်းရင်းမြစ်များ

Genesis 15:5

Ïmo imidagai Gïr Nukadakami kidigamu busaitu go Abram daidi potïtïdai, —Nïidañi go tïbagi— itïtïdai. —Daidi nïida go xixabugai dai ïkalda pïx bhai ixtuidana ix naato ïkaldagi. Po kakidu ka agai gï piipixara tudu ix xïïxi oidaga xixabugai— itïtïdai.

Exodo 32:13

—Gï tïgitoñi gï ñoki ix makïdï ïki aagidi aapi gï soikïdami Abraam ïmadï Isaak dai go Israel. Aidïpïrï gï báí aapi sai ix xïïxi oidaga xixabugai po kakiduka as agai piipixaradï ïgai. Bïïxi gï gubukadakïdï namïatudai aapi gï ñoki ix makïdï aagidi aapi go Abraam ïmadï Isaak dai Israel. Aagidi aapi ïpï sai ix makïdï maa aapi oidagadï piipixaradï ïr tuidadï ka agai tomaxi tuigako. Dai idi Israelitas xibi ïr go piipixaradï ix makïdï agaitadai aapi ïïki. Kaxkïdï gï daanïi aanï pïxi oigïdagi dai mai kodagi ïgai— itïtïdai Moises Gïr Nukadakami.

Romanos 9:27

Dai go Isaias aagai ïmo ñoki ïïki ïpï aagaitai go judidiu daidi ïgai ikaiti sai, Toma xïï kabami muidukagi go judidiu, ïpïan ïïki orai go gïï sudagi ugidana, tomax dukai mos arhi chïkidu ka agai ix makïdï kïïgakïrï bubuaki agai.

Apokalipsis 20:8

xi ïgai aipakoga aimïrada agai oidigi daama dai bupuirumadada agai óídakami. Abïnakidamu ïgai mui óídakami sai urabana aidï. Aatïmï Gog dai Magog aagaiña go óídakami ïgai bïïxi oidigi daamaiñdïrï óídakami ix makïdï uraba agai go diabora. Dai go diabora ïmpaidamu ïgai ïmo gïï kokodi bïïtarï. Ïpïan ïïkiduka agai ïgai orai go gïï sudagi ugidïrï. Maiti ïr ïkaldakaruka agai tudu mos ïï muidukatai.