Galatas 6:18 - Northern Tepehuan Bible

¹⁸ Gin aaduñi, ipïrhidi aanï sai maatï taatakana aapimï gïn iibhïdagïrï xïï kïï tuiga Suxi Kristo Gïr Nukadakami gïn bïïtarï. Sai pobï duna gobai tudu. Mosïkaxi.

Tepehuan Northern: Diuusi ñiooquidʌ utuducami oodamicʌdʌ

¹⁸ Giñaaduñi, aanʌ ipʌlidi sai gʌrtʌaanʌdamiga Suusi Cristo cʌʌgacʌrʌ gʌnnʌidiña. Mosʌcaasi.

Galatas 6:18 ပူးပေါင်းရင်းမြစ်များ

Hechos 1:15

Daidi ïmo imidagai gïn ïmpaidakai ïmo ciento dan ïmo kobhai buaboitudadami bai go Piduru gasaagida kïkiba. Daidi go Piduru potïtïdai,

Romanos 1:13

Gin aaduñi, ipïrhidi aanï xi maatïkagi aapimï sai mui imidagai gïn dibida in ïrhidiña aanï dïï mos mai kia ixtui. Gïn soiña in ïrhidi aanï xi kïïgioma buaboitudada aapimï gïn dibidakai. Pomaaxi ibuadana aanï tudu go gaa ïmadï ïpï ix makïdï maiti ïr judidiu.

Romanos 16:20

Diuxi ïgai dai gïr maakai xi ibhïxtakan taadakagi aatïmï. Dai otoma naato popokimu ïgai gubukarhigadï go diabora dai dumaltuda agai xi aapimï mos kïixoramu kaxi gamaitïkai aapimï ïgai bui. Diuxi gubukarhigadïkïdï gamaitïmu aapimï aidï. Dai xibi ipïrhidi aanï xi taatagi aapimï xïï kïï tuiga Suxi Kristo gïn bïïtarï.

Romanos 16:23

Diuxkïdï gïn biaturhi Gayo. Ïgai kiidïrï tudu gin urhiñdaka aanï. Dai ïgai gïr maa oigaragai bïïxkatai buaboitudami xi gïr ïmpaidagi aatïmï kiidïrï ïpï. Diuxkïdï gïn biaturhi Erasto ïpï. Ïgai ïr nukadakami go tuminxi ixtukïdï aatabuayi dudunukami tanai Korintoana. Gïr sukurhi Kuartoxi tïgidukami gïn biaturhi ïpï.

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

Galatas 3:15

Gin aaduñi Diuxi amadïrï, gïn aagidamu aanï ïmo maaxidaragai aagaitai ixdukatai ibuayi odami xïïxkadï bhai buadagi ñoki sai podukai maatïkana aapimï sai Diuxi bïïxkïrï ibuayi ixtumaxi aagadagi ïgai. Daiñi, xïxkadï odami bhai buadagi ñoki ka mai bhaiga ïgai xi gajiadïrï biagi tomarhi xi gokiïrï pokaitadagi sai ka ïma dukai iduña agai.

Galatas 4:12

Gin aaduñi, kïï maatï aapimï sai aanï ïr ïmo judiu dïï gia ka mai buaboitudai aanï sai gubuakïdï bia aanï xi ïïgiadagi go sïïrhikami bai kïïgakïrï gin nïijadagi Diuxi. Gajiadïrï bia aanï bïïxi gobai dai kaxi gïn ïpïan dukai oidaga aanï aapimï ix makïdï maiti ïr judidiu. Aapimï ix makïdï maiti ïr judidiu mai buaboitudai sai gubuakïdï bia xi ïïgiadagi go Moises sïïrhikamigadï sai kïïgakïrï gïn nïijada Diuxi tudu. Dai xibi gïn daanïi aanï sai apia dukai óídakagi aapimï mai gubuakïdï gïn tïanïitai go sïïrhikami. Gin aaduñi, gïn tïgitobïrai xïï kïïga gin miadïgidi aapimï aidïxi tukamïrï gïn dibiji aanï. Mai soi dukai gin nïidiña aapimï aidï tomaxi ïr kokoadïkatadai aanï. Kïï maatï aapimï tudu saidi ïr kokoadïkatadai aanï dai kaxkïdï ami bii aanï gïn ïmadï. Kaxkïdï ami bii aanï dai gïn aatagidï go bhai ïrhiaragai aatagi.

Galatas 6:1

Gin aaduñi Diuxi amadïrï, xi ïmadutai aapimï buaboitudadami gïpiïrï gïxiagi soimaaxi idunakai maiti gï agai aapimï ix makïdï ïïgidi Diuxi Ibhïadï xi kabami bhagaidadagi. Gï agai bhaiyoma xi kïï bhai maaxkami dukai maakadagi aapimï ñoki dai soiñagi sai ïpamu bhïiyagi ïgai kïïga tïgibudagai. Dai aapimï ix makïdï ïïgidi Diuxi Ibhïadï dai gamaakai ñoki gïn nukadabïrai ïïgi aapimï ïpï tadu soimaaxi iduña ïrhiadagi ïmadutai aapimï ïpï.

2 Timoteo 4:22

Daanïi aanï Gïr Nukadakami sai gï soiñana gï ibhïdagïrï aapi Timoteo. Dai daanïi aanï ïpï sai maatï taatana aapimï bïïxkatai xïï kïï tuiga Suxi Kristo gïn bïïtarï. Mosïkaxi.

Filemon 1:25

Ipïrhidi aanï sai Suxi Kristo Gïr Nukadakami gïn tïïgidana xïï kïï tuiga ïgai bïïxkatai aapimï buaboitudadami ami gïn bïïtarï. Mosïkaxi.

Apokalipsis 22:21

Ipïrhidi aanï ïpï sai kïï tuigakana Suxi Kristo Gïr Nukadakami bïïxkatai aapimï gïn bïïtarï. Mosïkaxi.