Filipenses 4:4 - Northern Tepehuan Bible

⁴ Dai bïïxkatai aapimï, abïr bhai gïn ïrhiada bïïnakatai aapimï Suxi Kristo Gïr Nukadakami. Gïn aagidamu aanï ïpamu abïr bhai gïn ïrhiada aapimï.

Tepehuan Northern: Diuusi ñiooquidʌ utuducami oodamicʌdʌ

⁴ Vʌʌscʌrʌ avʌr baigʌnʌliada aapimʌ vaavoitudaitai gʌrtʌaanʌdamiga Suusi Cristo. Ʌpamu gʌnaagidi baigavʌr ʌnʌliada.

Filipenses 4:4 ပူးပေါင်းရင်းမြစ်များ

Mataibo 5:12

Bhaiga bïnïrhiada xïïxkadï po gïn buidadagi ïgai tudu. Kïïga maatï aapimï sai bia aapimï ïmo namïakami maitïki tïbagiana kaxkïdï. Daiñi, xïxkadï soi gïn buidadagi jaa gin urabakatai aapimï aidï ïpïandukami aapimï go ñiñokituldiadamigadï Diuxi ix makïdï óídakatadai ïïki. Kïïga maatï aapimï sai podukai buididiña óídakami ïïki go ñiñokituldiadamigadï Diuxi ïpï tudu— itïtïdai.

Hechos 16:25

Ami tudu darajatadai go Pabora ïmadï Silas daidi ïraan tukarï gaatagataidai Diuxi ïmadï dai ganïyitadai oigïda ñokaitai Diuxi bïïtarï dai go gaa maamaixapikïdï mos kaïkatadai.

Hechos 5:41

Daidi go ojotoxikami bubuaka abhiadïrï xako darajatadai go bhaitï gukakami dai kïï gïn bhai gïn ïrhiatugai ïgai soimaaxi taatakai Suxi bïïtarï.

Romanos 12:12

Aapimï bia ïmo gïdukami bhai ïrhiaraga ix makïdï Diuxi bhai dasakami bia aapimï gïn bïïtarï. Kaxkïdï abïr bhai gïn ïrhiada xibi nïnïraitai gobai. Maiti abïr gïn dagito aidï xi gïn maitiagi soi ïrhiaragai xïïxkadï soimaaxi taatakagi aapimï. Abïr mai dagitokai aatagada Diuxi ïmadï bhaiyoma.

2 Korintios 6:10

Tomaxi naana maaxi dïgabuskïi soi ïrhiaragai bïïxkïrï aatïmï bhai gïr ïrhidiña. Dai tomaxi ïr soititigami aatïmï bïïxkïrï kïïga soikïiña aatïmï jaa sai biakana ïgai naana maaxi kïïga namïakami ixtumaxi iibhïadïrï bïïtarï. Bhaitoma mai bia aatïmï ixtumaxi tami oidigi daama tudu dïï gia bïïxkïrï bhai gïr ïrhidiña ïpïan dukami ix biakamudai aatïmï bïïxi aïkatai ixtumaxi oidaga. Podukai óídaga aatïmï tudu dai kaxkïdï kïïga gï maatï saidi ïr buaboi gïr ñoki ojotosadïkatai aatïmï Suxi.

Galatas 1:8

Gin aaduñi, kïïga gïn aagidi aatïmï go bhai ïrhiaragai aatagi dai maiti gï aagai xi jaa gïn aagidagi ïma maaxi. Aanï aagai sai ipïrhidi aanï xi Diuxi gïgïbituldagi tomax makïdï odami ix makïdï gatïtïïgiadagi ïma maaxi aatagi. Daiñi, ix dibiagi ïmoko dai gatïtïïgiadagi ïma maaxi aatagi ix makïdï maiti ïr go bhai ïrhiaragai aatagi kïïga gï agai xi taatagi ïgai gïgïbidaragai bïïxkïrï bïïtarï tomaxi aatïmïkamudai dai gïn aagidi ïma maaxi. Dai tomaxi ïr ïmo tïañikarudïkagi ïgai Diuxi ix mai sïïrhi aagadagi ïpï ïgai gï agai xi taatagi gïgïbidaragai bïïxkïrï bïïtarï ïkobai dakatai Diuxiañdïrï.

Filipenses 2:18

Bhaiga bïnïrhiada tudu Diuxi bïïtarï óídakatai aapimï. Gï agai sai ïmo daxdaragai dukaikagi gïn oidakaraga óídakatai aapimï ïgai bïïtarï tudu.

Filipenses 3:1

Xibi mosïkaxi biïga xi gïn aagidagi aanï ïpï chïki ixtumaxi kia. Gïn aagida in ïrhidi tudu sai gï agai xi bhai gïn ïrhiada aapimï bïïnaka darakatai aapimï Gïr Nukadakami. Kaxi gïn aagidiña aanï baasïkioma ixtumaxi gïn aagidimi aanï xibi idi ojaïrï dïï bïïxkïrï mai ojodakai gïn aagidamu aanï ïpamu. Gïn nukadabïrai tudu sai mai ïïgiada go odami ix makïdï gatïtïïgidi aatagi ix makïdï maiti ïr buaboi. Ipïrhidi aanï ix gïn soiñagi sai mai xia gï duñagi gïn buaboidaraga. Kaxkïdï dudatai gïn aagidi aanï sai gïn nukadakana dai ïïgiada mosïkaxi ixtumaxi ïr buaboi.

1 Pedro 4:13

Bhai gïn ïrhiadabïrai bhaiyoma. Gobai ix makïdï taatamaimi aapimï ïr ïmo urabaragai Suxi Kristo ïmadï kaxkïdï. Ïgai podukai soimaaxi taata ïpï tudu. Dai gobai itïiya ïrhidi sai gia kabami bhai gïn ïrhiadamu aapimï xïxkadï dibiagi ïgai ïpamu xïïxkadï gï maaxitudagi xïï xigiamaaxi ïgai dai xïï kabami ïr gubuakami ïpï.