Filipenses 3:4 - Northern Tepehuan Bible

⁴ Gin aaduñi, mai bia aatïmï ix tuixi buaboitudada ixtumaxi ibuadagi aatïmï ïïgi gïr gubukarhigakïdï. Ix oidakamudai ix tuixi buaboitudagi aatïmï ixtumaxi ibuadagi aatïmï ïïgi aidï gia aanï bamioma biakamudai ix tuixi buaboitudagi gobai xi bhai toma xorai. Gïn aagidamu aanï ix tui. Daiñi, gin circunsidotu aanï aidïxi biakatadai mamaako tasai. Dai ïmo Israelita aanï pipiixaradïkatai aanï go Benjaminkaru. Kïïgakïrï ïr Hebreo aanï tudu.

Tepehuan Northern: Diuusi ñiooquidʌ utuducami oodamicʌdʌ

⁴ Isiʌrvaavoicamudai isivuaadatai aatʌmʌ ʌmo istumaasi gʌrtuucugacʌdʌ cʌʌgacʌrʌ vuvacʌdamudai, aanʌ gia casiooma cʌʌga cʌʌgacʌrʌ vusaimudai siaa.

Filipenses 3:4 ပူးပေါင်းရင်းမြစ်များ

Lukas 8:18

—Kaxkïdï gï agai xi kïïga gïn tïgito nïijada aapimï ix bhai kïïga ïïgida kaïkana ixtumaxi gïn aagidimi aanï. Kaxkïdï tudu xorai kïïga ïïgida bhïjïi gin ñoki bamioma maatïtuldamu aanï. Dïï gia xorai mai bhïjïi gin ñoki dai maiti in ïïgidi popoidamu aanï ixtumaxi maatï ïrhidi ïgai— itïtïdai Suxi go odami.

2 Korintios 5:16

Kïïga maatï aatïmï xibi sai Suxi Kristo muu bïïxi óídakami bïïtarï tudu dai kaxkïdï ka ïma dukai nïidi aatïmï óídakami dai mai xu ixdukatai nïidiña aatïmï ïkioma. Ka ïmai tïgibudagaikïdï nïidi aatïmï odami tudu dai mai xu xi go tïgibudadïkïdï ix makïdï go gaa oidigi daama óídakami oidiña. Dai xibi ka ïma dukai nïidi aatïmï Suxi Kristo ïpï. Ïkioma mai kïïgakïrï nïidiña aatïmï ïgai. Ïkioma nïidiña aatïmï ixdukai go ix makïdï mai buaboitudai nïidi tudu. Dïï xibi gia ka buaboitudakai aatïmï ka gïïpi ïma dukai nïidi aatïmï go Suxi.

Galatas 2:15

Dai potïtïdai aanï go Piduru ïpï, —Daiñi— antïtïdai aanï. —Asta aatïmï ix makïdï kïïgakïrï ïr judidiu gïr dïïdï amadïrï, asta aatïmï ïpï kïï bipiïyi Diuxi ïmadï ïpïan dukai go ix makïdï maiti ïr judidiu. Mos buaboitudaitai aatïmï Suxi Kristo tudu. Gobai gia ïr go bhai ïrhiaragai aatagi. Daiñi, tomarhi aatïmï judidiu tomarhi go gaa ix makïdï maiti ïr judidiu dai ix makïdï soimaaxi ibuadami aagaiña aatïmï tomarhi ïmadutai aatïmï mai kïï bipiïyi Diuxi ïmadï ïïgiditai go sïïrhikami— antïtïdai.