Filipenses 3:20 - Northern Tepehuan Bible

²⁰ Dïï aatïmï gia bia gïr oidakaraga tïbagiana dai bhai ïrhiarakïdï nïnïraka aatïmï xi mïkadïrï dibiagi Suxi Kristo Gïr Nukadakami ix makïdï ïr gïr kïïgakïrï bubiadamiga.

Tepehuan Northern: Diuusi ñiooquidʌ utuducami oodamicʌdʌ

²⁰ Dʌmos aatʌmʌ maitʌroidacami tanai ʌmo imidagai noonoigimu aatʌmʌ tʌvaagiamu. Dai tanai nʌnʌra aatʌmʌ isdiviagi gʌtʌaanʌdamiga Suusi Cristo tʌvaagiañdʌrʌ.

Filipenses 3:20 ပူးပေါင်းရင်းမြစ်များ

Mataibo 19:21

Daidi Suxi potïtïdai, —Aidï gia mosïka ïmo ixtumaxi biïga— itïtïdai. —Ix buaboikïdï ipïrhidi aapi xi kïï tuigakagi ix dukai ipïrhidi Diuxi aidï gia gagarañi bïïxi gï buxtuidaga dai oidañi go tuminxi go soititigami— itïtïdai. —Aidï gia biakamu aapi naana maaxi ixtumaxi namïakami tïbagiana. Podukai duñi tudu dai gokiïrï gin uraba daidi gin oijada— itïtïdai.

Lukas 12:21

Podukai buirgami busai ïgai mukiñdadï tuigakatai. Dai pomaaxi ïpï toma xorai ix makïdï mui naana maaxi ixtumaxi bhai tuajidagi ïïgi gï bïïtarï ix makïdï kïïga namïakami aagai ïgai dïï gia mai bia ixtumaxi Diuxi namïakami aagai— itïtïdai Suxi.

Lukas 14:14

Aidï gia bhai gï ïrhiadamu aapi soikïitai ix makïdï mai bhaiga xi gï aa noraidagi. Kaxkïdï tudu Diuxi gï aa namïidamu xïïxkadï duduakatudagi koidadï ix makïdï buañixi iibhïadï— itïtïdai Suxi go kïïrhi ix makïdï gabaitadai ami kudagiana.

Hechos 1:11

—Aapimï kïkïïrhi Galileana oidakami, ¿Tui mïxi mos gukakatai tïbagiamu nïayi? Daiñi, ïgai baa Suxi ix makïdï tïsai aapimï gïn saagidañdïrï ïpamu dibimu podukai ixdukatai tïï aapimï ix jii— itïtïdai ïgai.

1 Korintios 1:7

Dai kaxkïdï xibi ka bia aapimï bïïxi aïkatai go gubukarhigai ix makïdï maakai Diuxi go buaboitudadami. Dai xibi bïïxi bhai gïn ïrhiaragakïdï nïnïraka aapimï ix dibiagi Suxi Gïr Nukadakami.

2 Korintios 4:18

Kaxkïdï mai buamï rïrhidi aatïmï ixtumaxikïdï ix makïdï nïidi aatïmï, ix makïdï kïïga maaxi gïr bïïtarï tudu. Ka otoma ugiti agai bïïxi gobai tudu. Bhaiyoma tïtïitoi aatïmï ixtumaxi mai maaxi ix makïdï bïïxkïrï bïïtarï kabaka agai.

2 Korintios 5:8

Daiñi, tïtïitoi aatïmï Gïr Nukadakami, ïmadï óídaka rïrhiditai tïbagiana dai kaxkïdï mai buamï rïrhiditai óídaga aatïmï tami oidigi daama. Asta ka bhai duka aatïmï ix dagitoagi gïr tukuga ipïrhiditai ix ïmadï darakagi Suxi Kristo tïbagiana tudu.

Galatas 4:26

Dïï gia aatïmï ix makïdï buaboitudai maiti ïr maamaradï dukami aatïmï go Hagar. Maamaradï aatïmï go Sara bhaiyoma ix makïdï maiti ïr pioñikatadai. Dai go Sara ïr ïmo maaxidaragai bïïtarï go tïbagiañdïrï Jerusalen. Ami tudu óídakami bïïxkatai aatïmï ix makïdï ka kïïgakïrï bubuaka dai ka maiti ïr pipioñi dukai aatïmï.

Efesios 2:19

Kaxkïdï xibi Diuxi ka mai xibhïadïrï óídakami dukai gïn nïidi, aapimï ix makïdï maiti ïr judidiu. Xibi kïïga bia aapimï ïïmadaragai ïmadï Diuxi. Ïmo gïn aadunumï dukai aapimï ïmadï ix makïdï Diuxi ïko bubaitu, ïmadï go judidiu tudu. Xibi kaxi ïr Diuxi aaduñdï aapimï.

Efesios 2:6

Diuxi gïr duakaturhi Suxi Kristo ïmadï dai tïbagiïrï gïr darai Suxi Kristo ïmadï ïpï bïïnakai aatïmï ïgai.

Filipenses 1:10

Sai podukai bhaigakana aapimï xi oijadagi ixtumaxi bamioma ïr kïïgadukami. Dai podukai buañixikami dukai óídakamu aapimï mai tipukatai ixtukïdï gïpiïrï gïn bupadagi jaa tomarhi ïmo imidagai asta xïxkadï ukami dibia Suxi Kristo.

Filipenses 1:27

Dïï gia gïn aagidamu aanï ixtumaxi bamioma gï agai. Bamioma gï agai xi kïïga bhai dukai óídakagi aapimï ixdukatai aagai go bhai ïrhiaragai aatagi. Go aatagi aagaitai Suxi Kristo tudu. Ix apia ïïgiada aapimï go bhai ïrhiaragai aatagi aidï gia kïïgakïrï óídakamu aapimï. Dai aidï gia tomax dukai ix gïn dibidagi aanï xiïpï ix mos kajiomakagi aanï ix maaxi daraka aapimï mïkaxi dakatai aanï tomax dukai maatïkamu aanï sai mo ïxi kïïgakïrï óídaga aapimï mos ïmo tïgibudagai biakatai aapimï bïïxkatai. Dai maatïkamu aanï sai mai duadikoi aapimï ix makïdï gïn buidïrï bïïtï ïpï. Dai maatïkamu aanï ïpï sai maiti gïn daadagitoi aapimï xi gïn maitiagi go naana maaxi aatagi ix makïdï maiti ïr go bhai ïrhiaragai aatagi kïïgakïrï. Podukai mai duduadikuitai maaxituldamu aapimï ïgai ix makïdï gïn buidïrï bïïtï sai ïgai mai kïïgakïrï bubuaki agai dai aapimï gia. Diuxi tudu ïgai dai ibuayi bïïxi ixtumaxi gïn aagidimi aanï.

Kolosenses 1:5

Kïïga maatï aapimï tudu sai bia aapimï ïmo kïïgadukami nïnïraragai mïï tïbagiana. Dai gobai ix makïdï bia aapimï tïbagiana gïn abïnakiadan buayi sai apia kïïga buaboitudada aapimï dai sai kïïga oigïdada aapimï bïïxi go gaa buaboitudadami. Máí aapimï sai bia aapimï ïmo kïïgadukami nïnïraragai aidïxi kaï aapimï go buaboikïdï aatagi. Aidïxi kaï aapimï go bhai ïrhiaragai aatagi tudu.

1Tesalonicenses 1:10

Gïr aagidiña ïgai ïpï sai nïnïraka aapimï ix dibiagi Diuxi Maradï tïbagiañdïrï ïpamu. Kïïga buaboitudai aapimï tudu sai muu Suxi Kristo dai sai Diuxi duakaturhi ïpamu. Buaboitudai aapimï sai Suxi Kristo kïïgakïrï gïr bubaida agai sai maiti gïr aïna go gïgïbidaragai ix makïdï maaki agai Diuxi bïïxi go gaa oidigi daama óídakami.

1Tesalonicenses 4:16

Aidï gïïgïr iñakidamu Suxi Kristo tïbanïkai tïbagiañdïrï tudu. Dai aidï gï kaidatudamu ïpï Diuxi tïtïañikarudï bhaitï kïakamigadï. Dai ganïjida agai ïgai Diuxi trompetagadïkïdï ïpï. Daidi duakatuldamu Diuxi go buaboitudadami ix makïdï ka koi.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

Tito 2:13

Podukai gïr maatïturhimi Diuxi ix dukatai óídakana aatïmï xibi kia nïnïrakatai aatïmï xi aiyagi gïr bhai ïrhiaraga. Nïnïraka aatïmï xi dibiagi Suxi Kristo tudu ix makïdï ïr gïr Diuxiga. Aidï dibiakai ïgai gï maaxitudamu xïïxi ïr gïdukami.

Hebreos 12:22

Dïï gia aapimï buaboitudadami xibi mai iji ïmo tubidakïrï podukai aidïxi buaboitu aapimï go utudui sïïrhikami ix makïdï bhai dui Diuxi gïn ïmadï. Gïïpi bamioma bhai ïrhiaraga xako iji aapimï. Mai iji aapimï go Sinaí tubidakïrï ix dukai idui go Israelitas ïïki aidïxi maa Moises go ïïkidadï sïïrhikami tudu. Bhaiyoma sïïrhi bapakïi aapimï xako odaga Diuxi ka buaboitudakai aapimï. Daiñi, gobai ïr ïpïan dukami ix makïdï ibuadana gïn aaduñi ïïkidadï. Aïjïiña ïgai xako Zión Gidiïrï tïgidu xadutuada agaitai Diuxi ïïki. Ajïiña ïgai Jerusalenïrï tudu dai ami xadutudaiña ïgai Diuxi. Dai xibi buaboitudakai aapimï kaxi ïr ïpïandukami gobai ïpï ix ka aiyandui aapimï Ziónïrï ïpï dai go utudui Jerusalenïrï ix makïdï tïbagiana daja xakoga kabami muidu mirhi tïtïañikarudï Diuxi. Ayi aapimï Diuxi tudu dai xadutudai aapimï oigïda ñokaitai aapimï.

Hebreos 9:28

Dai podukai ïpï Suxi Kristo ïïgi gï dáí mosïkaxi ïmo imidagai ïmo daxdaragai dukai. Podui ïgai bhai buadatai mui óídakami bïïtarï soimaaxi ibuadamikatai óídakami. Dai gobai ix makïdï idui ïgai, gï dasakai ïgai mos arhi ïmo imidagai ïmo daxdaragai dukai óídakami bïïtarï, gobai bïïxkïrï bïïtarï namïaka agai. Dai gokiïrï ïpamu dibiagai ïgai dïï mai daamioma ïpamu bhai buada agaitai gïr soimaaxkamiga bïïtarï. Bhaiyoma dibiagai ïgai dai kïïgakïrï bubaida aagai bïïxkatai ix makïdï bhai ïrhiarakïdï nïnïraka ix dibiagi ïgai ïpamu. Ka bhai dui ïgai kïïgakïrï bubaidaragai bïïxkïrï bïïtarï tudu.

Apokalipsis 1:7

Kïïga gï tïgito kaïka idi ñoki, daiñi, ayimu ixtuigako dibiamu Suxi Kristo iikomai saagida imïitai dai bïïxi óídakami nïijadamu. Asta go odami ix makïdï sïi kuruxiana xixakai bïïxi nïijadamu ïpï. Dai bïïxi oidigi daama óídakami kabami suanïdamu nïiditai. Kïïga ïr buaboi xi pobai gï duñagai gobai.