Filipenses 2:26 - Northern Tepehuan Bible

²⁶ Soi gï ïrhidiña go Epafrodito kabami gïn tïtïitoitai. Dai kaxkïdï otosa in ïrhidi aanï gamoko sai gïn ïmadï dakana ïpamu. Soi gï ïrhidiña ïgai maatïkatai sai aapimï kajioma sai koko ïgai.

Tepehuan Northern: Diuusi ñiooquidʌ utuducami oodamicʌdʌ

²⁶ Goovai poʌlidi mʌsaapimʌ maibaigʌnʌlidi maatʌcai iscococatadai goovai cascʌdʌ gʌnnʌida ʌlidi goovai aapimʌ vʌʌscatai.

Filipenses 2:26 ပူးပေါင်းရင်းမြစ်များ

Mataibo 11:28

Daidi potïtïdai ïgai ïpï, —Gimibïrai dai gin uraba bïïxkatai aapimï ix makïdï ka ibhiokoñi, aapimï ix makïdï kabami gïn aajagïi ïïgida ïrhiditai go naana maaxi sïïrhikami ix makïdï oidaga tudu. Gimibïrai aapimï ix makïdï ïmo bïïtïkami kusubi dukai taata gobai. Aanï gia kïïga gïn iibhïxtudamu gïn iibhïdaga— itïtïdai.

Mataibo 26:37

Dai ïko baidaja ïgai Piduru ïmadï goka maamaradï go Sebedeo dai ami kabami soi gï ïldatu go Suxi.

Hechos 21:13

Dïï go Pabora gïr aa noragi dai pobai gïr tïtïdai, —Maiti agai xi suanïda aapimï. Arhiïxi ïr soi ïrhiaragai gobai aanï gin bïïtarï. Daiñi— gïr tïtïdai, —Aanï mos oijada in ïrhidi Suxi Gïr Nukadakami tomaxi gin bhïitudagi aanï dai asta xi gin muatudagi oiditai aanï ïgai— ikaiti.

Romanos 1:11

Gïn dibida in ïrhidi dai gïn maaki in ïrhidi gubukadagai Diuxi Ibhïadïkïdï bai kïïgioma buiyagi aapimï gubukarhigai gïn ïrabiadïrï.

Romanos 12:15

Xïïxkadï bhai gïn ïrhiadagi gïn aaduñi Diuxiamadïrï, aapimï abïr bhai gïn ïrhiada ïpï. Dai xudu soi gïn ïrhiadagi ïgai, aapimï abïr soi gïn ïrhiada ïpï ïgai ïmadï.

Romanos 9:2

potïkai aanï saidi bïïxkïrï mos kabami soi gin ïrhidiña dai asta kokokan taadagakana gin ibhïdaga soi ïrhiaragaikïdï.

1 Korintios 12:26

Pomaaxi ïpï xïxkadï kokoakagi lïïchi tukugadï ïmo odami. Mai bhai taadakana bïïxi tukugadï aidï. Dai ix lïïchi gïr tukuga biakagi ïmo bhai ïrhiaragai maaxi aidï gia bïïxi gïr tukuga bhai gï ïrhidi. ¿Maiti ix ïr buaboi gobai?

2 Korintios 9:14

Dai ix makïdï soi aapimï gïn daanturhiadamu ïpï dai gïn oigïdadamu nïiditai ïgai xïï kïï tuiga Diuxi ïgai bïïtarï soikïitai aapimï.

Galatas 6:2

Xïïxkadï bïïtïkan taadakagi ix tumaxi ïmadutai gïn aaduñi bïïtarï abïr soikïda. Podukai kïïgakïrï ibuadamu aapimï ixtumaxi gïr tïjai Suxi Kristo.

Efesios 3:13

Kaxkïdï tudu gïn daanïi aanï xi maiti gïn dagitoagi aapimï ix soi gïn ïrhiadagi gin maixatudakai aanï tanai. Daiñi, gï agai xi kïïga xadutuadan taadakagi aapimï bhaiyoma xi gïn soikïitai gin maixatu aanï.

Filipenses 1:3

Gin aaduñi Diuxi amadïrï, sïïrhikïdï bhai gin ïrhidiña aanï Diuxikïdï gïn tïtïitoitai.

Filipenses 1:8

Gin aaduñi, Diuxi ïr nïijadami xïï kabami gïn tïgitokana aanï dai sai gïn oigïdai aanï ïpïan dukai xi gïn oigïdai Suxi Kristo.

Filipenses 2:25

Gin aaduñi, po in ïrhidi aanï sai gï aagai xi gïn otosda aanï go Epafrodito ïpamu. Ïgai miadïrï ïr gin aduñi Diuxi amadïrï ix makïdï bhaigobai otoi aapimï sai gin soiñana. Kïïga gin ïmadï gaatabuadana ïgai tudu dai kïïga gï kabakadaiña ïgai xïïxkadï soimaaxi taatakagi aatïmï. Soimaaxi taatamaiña aatïmï ïpïan dukai sandadaru tudu. Kïï tuiga ïgai ix makïdï bhaigobai otoi aapimï tudu sai gin soiñana.

Filipenses 2:27

Kabami kokokatadai ïgai tudu. Karhioga muu ïgai aidï dai sïïrhikïdï soi gin ïrhidiña aanï. Dïï gia Diuxi kïï tuiga ïgai bïïtarï dai aanï in bïïtarï ïpï dai soi sai mai mukuna sai podukai mai daamioma taatana aanï ïpï ïmo soi ïrhiaragai.

Filipenses 4:1

Kaxkïdï maiti abïr gïn daadagitoda aapimï gin aaduñi Diuxi amadïrï xi gïn maitiagi soimaaxi. Kaxi bïïna daraka aapimï Gïr Nukadakami tudu, kaxkïdï maiti abïr gïn dagitoda. Aapimï tudu ïr gin aaduñi dai kïïgakïrï gïn oigïdai aanï dai gïn tïtïitoi aanï gïn nïida iñïrhiditai. Aapimï tudu ïr gin bhai ïrhiaraga. Aanï in bïïtarï aapimï ïr ïmo bhai ïrhiaragai maitïki duu tudu ix makïdï bhïiyi aanï gin aaduindaga bïïtarï gïn tïïgidakai aanï go bhai ïrhiaragai aatagi.

1 Pedro 1:6

Kïïga ïr buaboi tudu sai aatïmï buaboitudadami bhïiya ragai ïmo gïdukami bhai ïrhiaragai. Dai kaxkïdï aanï agai sai gï agai ix bhai gïn ïrhiadagi aapimï tomaxi gï agai xi naana maaxi soimaaxi taatamadagi aapimï xibi chïki umigi kia.