Filipenses 2:14 - Northern Tepehuan Bible

¹⁴ Gin aaduñi Diuxi amadïrï, maiti abïr soi kaitiada aapimï dai tomarhi maiti abïr naana kaitiada aipakoga tomax tuma aaduindagai ibuadagi aapimï.

Tepehuan Northern: Diuusi ñiooquidʌ utuducami oodamicʌdʌ

¹⁴ Maitavʌr vui ñioocada Diuusi tomali maitʌnvupui ñioocada gʌnaaduñi ʌʌmadu.

Filipenses 2:14 ပူးပေါင်းရင်းမြစ်များ

Numeros 14:27

—Ka arhiïxi galtutuiga go Israelitas dai mos apia kia gin buidïrï ñokai ïgai— itïtïdai. —Xïï tïbïpi gï aagadamu kia xi kaïkagi aanï go atagidï soimaaxkami— itïtïdai.

Mataibo 20:11

Dai nïiditai ïgai xïïxi buiyi sai mai bhai ïrhi ïgai dai bui ño ïgai go tuidakami ïxikami

Markos 14:5

Bhaiyoma gagaaramudai gobai dai ïgaikïdï soiñamudai soititigami. Ïmo umigi aïkami maitïkidï namïga gobai di— ikaitimi go odami dai mos bhagaimi go oki.

Markos 9:14

Bhodïrï tïapanakai go Suxi ïmadï ix makïdï oiditadai tubidakiañdïrï tai ayi ïgai xako darajatadai go gaa mamaatïrdami. Dai jaa mui odami kaburhi guka go mamaatïrdami xikorhi dai ïïmoko ix makïdï ïr maatïtuldiadami sïïrhikami bhakokodan kaiti dai ñokidimi go mamaatïrdami bui.

Lukas 5:30

Dai go fariseos ïmadï aaduñdï ix makïdï ïr gatïtïïgiadami sïïrhikami mai bhai ïrhi nïiditai sai kuadagiïrï uraba Suxi taanïdami kuota dai ïmadï jaa ïpï ix makïdï soimaaxi ibuadami aagaiña ïgai. Dai potïtïdai ïgai mamaatïrdamigadï Suxi, —Agia xigarhi buayi aapimï ïmadï gakuadatai go taanïdami kuota dai jaa soimaaxi ibuadami. ¿Ix tuixi pomaaxi ibuayi aapimï?— itïtïdai.

Hechos 15:2

Go kïkïïrhi aatagidï mai ïpïan duu agaitadai go Pabora ïmadï Bernabe aatagidï xi gokïdï kabami gïn bupui ñokaitadai ïgai. Ka maiti ixtui ïgai xi ïmo tïgibudagai biakagi xi go buaboitudadami aagidi Pabora dai Bernabe ïmadï jaa chïki buaboitudadami sai mïï nïnïabana go ojotoxikami Jerusalenïrï dai sai ami bhai buadana go aatagi. —Mïïka abïr aagida go ojotoxikami ïmadï kïkïrhiodami bhaitï gukakami bai ïgai aagana ix bhai ïr buaboi xi gï agai ix gïr circuncidandoagi, aatïmï ix makïdï maiti ïr judidiu— itïtïdai ïgai go buaboitudadami.

Hechos 15:39

Daidi kabami ñiño ïgai dai modukai mai bhai dui dai ïjïkobai iji. Go Bernabe baidakai Markos dai tïtïsai ïmo barkoïrï dai iji Chipreamu.

Hechos 15:7

Bhai tïbïpi gaataga ïgai gaagaitai ixdukatai aa noraidagi aatagidï go fariseos dai bhodïrï kïkiba Piduru daidi itïi, —Gin aaduñi kïïga maatï aapimï sai Diuxi ïkobai gin busaitu ïki ansai aituldana go bhai ïrhiaraga aatagi go ix makïdï maiti ïr judidiu bai ïgai buaboitudana ïpï.

Hechos 6:1

Amaxi tuigako bamioma muidaimitadai go buaboitudadami dai bïïx tasai gatakoidiña ïgai soiñi go bipiudu bïïtarï xorai tïgitokana. Dai ïmo imidagai go griego ñoki ñokadami buaboitudadami soi kaiti daidi ikaiti, —Mai kïïga ibuayi go Hebreo ñokadami. Mai kïïga oidi ïgai soiñi gïr aduñi bipiudu ix makïdï ïr griego ñokadami— ikaiti.

Romanos 12:18

Abïr gaaga ix dukatai xioma óídakagi bïïxkatai ïmadï. Xïïxi ukami ixtutiadagi aapimï tudu.

Romanos 14:1

Aapimï buaboitudadami Romïrï óídakami abïr kïïgakïrï nïijada jaa buaboitudadami ïpï tomaxi mai xii gubuakagi ïgai buaboidaradï kia. Maiti abïr bui ñokada ïgai aagiditai ix tumaxi ïr sïïrhi xi buadagi ïgai tudu xi ïpï ix tumaxi maiti gï agai xi ibuadagi.

Romanos 16:17

Gin susukurhi, sïïrhikïdï gï agai xi kïïga gïn nukadakagi aapimï. Kaxi máí aapimï ixtumaxi ïr buaboi kaxkïdï abïr mai uurapïkïdagi jaa ix makïdï maatïturhi ïma maaxi maatïtuldaragai. Mos ïjïkobai mamaakai ïgai tïgibudagai go buaboitudadami xi ka mai ïmadugan dukai buaboitudagi ïgai. Podukai garhi buayi ïgai gïr susukurhi xi ka mai kïï oijadagi ïgai Suxi Kristo. Kaxkïdï abïr mai uurapïkïda ïgai tudu.

1 Korintios 10:10

Dai maiti gï agai xi soi kaitada aatïmï Diuxi buidïrï ïpï kaxkïdï tudu podui mui gïr aaduñi ïïki dai Diuxi otoi ïmo tïañikarudï sai mui kodana dai mui koi.

2 Korintios 12:20

Ibuayi aanï idi ojai gïn soikïda in ïrhiditai tudu. Ipïrhidi aanï ix kïïga ibuada aapimï xïïxkadï amïka gïn dibiagi aanï, tadu soi gin ïrhiadagi aanï gïn nïiditai ix mai kïï ibuada aapimï. Xïduñada gïn bupui ñiñokadagi aapimï aipakoga aidï dai koimudadï gïn tutiakagi ïpï. Dai gïn bupui bhakoñikagi aapimï ïpï dai gïpiïrï gïn bupadagi aapimï aipakoga dai naana kaitiadagi aapimï dai gïgïrdukïdï gïn ïrhiadagi aapimï ïpï dai ka mos xixiokïdankaitiadagi aapimï amïka aïkai aanï. Maiti ipïrhidi aanï xi pomaaxi darakagi aapimï tudu xïïxkadï amïka dibiagi aanï dai kaxkïdï gïn otoxdi aanï idi ojai gïn soiña in ïrhiditai.

Galatas 5:15

Dai sïïrhikïdï maiti gï agai xi gïn bupui surhigiagi aapimï aipakoga. Maiti gï agai tudu xi ïpïan buadagi aapimï googoxi ix makïdï aipakoga gïn kïkïiña gïn kïïdatai. Xïduñada xia buadagi aapimï gïn buaboidaraga dai gïn urabaraga gïn kokodaitai podukai.

Galatas 5:26

Maiti gï agai tudu xi gïgïrdukïdï gïr ïrhiadagi aatïmï ïïgi xiïpï xi gïr bupui bïïtïkagi xiïpï xi koimudadï tutiakagi aatïmï.

Filipenses 2:3

Maiti abïr ibuada tomarhi ïmo ixtumaxi ïïgi gïn bïïtarï mosïkaxi ïïgi gïn bïïtarï buamï gïn ïrhiditai aapimï. Dai maiti abïr ibuada tomarhi ïmo ixtumaxi ipïrhiditai ix namïakami bubuakiagi aapimï jaa bïïtarï. Abïr bhaiyoma mai namïakami dukai gïn nïijada ïïgi aapimï. Dai bamioma namïakami dukai abïr nïijada aapimï jaa.

1Tesalonicenses 5:13

Kabami aatabuayi ïgai gïn soikïitai. Kaxkïdï abïr kïïga xadutuada ïgai dai oigïdada. Daidi abïr maiti gïn bupui ñokada aapimï ïpï.

1Tesalonicenses 5:15

Daidi abïr mai soi buidadagi xorai soi gïn buidadagi ïpï. Bhaiyoma abïr ibuada ixtumaxi ïr soiñikagi ïgai bïïtarï tomaxi maiti ïr buaboitudadamikagi ïgai ix ïr buaboitudadamikagi ïpï.

Hebreos 12:14

Kabami abïr gïn aaga gaagaitai ix dukatai xioma oidakagi jaa óídakami ïmadï kïïgakïrï gïn nïiditai aipakoga. Dai kabami abïr gïn aaga ïpï oidakatai ix dukatai gï agai xi oidakagi odami ix makïdï ïkobai daraka go soimaaxkamiañdïrï. Kaxkïdï tudu xorai mai ïkobai dakagi soimaaxkamiañdïrï mai biakamu oigaragai ix aiyagi Diuxi Gïr Nukadakami buitapi.

Santiago 1:20

Xïïxkadï bhaakokodagi aatïmï gobai maiti gïr soikïi saidi buañixikami dukai óídakagi aatïmï ixdukatai Diuxi ipïrhidi tudu.

Santiago 3:14

Dïï gia ix koimudadï tutiakagi aapimï dai mosïkaxi buamï gïn ïrhiadagi aapimï ïïgi gïn bïïtarï aidï gia mai kïïgadu gïn tïgibudaga. Ix po maaxkagi aapimï aidï gia maiti abïr pokaitada sai kïïgadu gïn tïgubudaga. Yaatagi gobai tudu.

Santiago 5:9

Gin aaduñi, maiti abïr naana kaï nïijada gïn aaduñi Diuxi amadïrï. Ix pobuadagi aapimï aidï gia Diuxi aagada agai sai mai kïïga ibuayi aapimï. Gïn nukadabïrai tudu tadu gïn ayi gïgïbidaragai. Karhioga ayi ix tuigako gïgïbitulda agai Diuxi xorai mai kïïga ibuadagi tudu.

1 Pedro 3:11

Gï agai sai dagitoagi aapimï go soimaaxkami ïpï dai kïïga ibuadagi. Gï agai sai gaagadagi aapimï ix dukatai xioma urabakatai óídakagi daidi ibuadagi ixtumaxi gï agadagi sai mai tipukagi kokodi gïn saagida.

1 Pedro 4:9

Gï agai ïpï sai bhai ïrhiarakïdï miadïgidagi aapimï gïn aaduñi xïxkadï gïn daibidagi ïgai. Dai ix gï agadagi abïr bhai ïrhiarakïdï bhibhida ïgai ïpï daidi abïr maakada xako kokoxiagi ïgai.

Udaxi 1:16

Galtutuiga go tïtïïgiadami yaatagi ïgai tudu. Tomax maaxi imïdagi oidakaradï mai biïga ixtukïdï soi kaitiada ïgai buidïrï Diuxi dai buidïrï jaa dai tomax dukai mai bhai gïn ïrhidiña ïgai. Adaimïi ïgai ïïgi bhai ïrhiaradï ibuadatai ïïgi ixtumaxi ipïrhiadagi ïgai. Gïgïr tïtïanïdami dukai ñokai kabami tïkabi gïn tïgitokatai ïgai. Yaatagïi ïgai dai ïgai aagidiña go óídakami ixtumaxi odami kaïka ïrhidiña saidi podukai bhai gïn ïldagi odami ïgaikïdï kaïkatai aatagidï sai podukai ibuadagi go odami ixtumaxi ïgai ipïrhidi.