Filipenses 1:23 - Northern Tepehuan Bible

²³ Goka tïgibudagai in aïjïi tudu dai bhaitoma mai tïtïgai ix dukatai gin tïgitoagi ix makïdï bamioma bhai dukai nïijadagi in bïïtarï. Ipïrhidi aanï xi imiagi tami oidigi daamaiñdïrï dai Suxi Kristo ïmadï dakagi tudu. Kaxkïdï tudu gobai bamioma ïr kïïgadukïdï aanï in bïïtarï.

Tepehuan Northern: Diuusi ñiooquidʌ utuducami oodamicʌdʌ

²³ Aliʌ sijaiga ismatia aanʌ ismaacʌdʌ ipʌlidi. Aanʌ baiyoma ipʌlidi ismuquiagi dai Suusi Cristo ʌʌmadu daacagi poduucai siooma ʌrcʌʌgai aanʌ giñvʌʌtarʌ.

Filipenses 1:23 ပူးပေါင်းရင်းမြစ်များ

Lukas 12:50

Dïï mai bhaiga kia. Gï agai xi kabami soimaaxi taatagi aanï kia dai bïïtïkan taadaga gin bïïtarï nïnïrakatai ix bïïxi naato taatagi aanï go soi ïrhiaragai ix makïdï bia aanï xi taatagi kia— itïtïdai.

Lukas 23:43

Dai Suxi potïtïdai, —Aanï aagai sai xibi gin ïmadï dakamu aapi tïbagiana. Dai gobai kïïga ïr buaboi— itïtïdai.

Lukas 8:38

Dai mai kia imïkai ïgai sai go kïïrhi ix makïdïañdïrï bubuakatadai go diabora tïtïañikarudï daañimitadai sai maakana oigaragai ix oidagi.

VUAANA 12:26

—Daiñi xorai gin soikïdamika ïrhiadagi gï agai ix gin oijadagi bai podukai gin ïmadï dakana ïgai toma xako imïdagi aanï. Dai gin Oga kïïga namïakami dukai nïijadamu bïïxkatai ïgai ix makïdï ïr gin soikïdamikagi— itïtïdai Suxi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 14:3

Daiñi kaxi an gïn aagidi sai bhai duñimu aanï xako óídakana aapimï amïka kaxkïdï gï maatï sai dibiamu aanï ïpamu gokiïrï dai gïn baidakamu ix amïka óídakana aapimï gin ïmadï.

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

Hechos 7:59

Kia maixaitadai go odami baidi go Tibañi daanïgi go Suxi daidi ikaiti, —Aapi Suxi gin Nukadakami, bhïkañi gin ibhïdaga— ikaiti.

2 Korintios 5:8

Daiñi, tïtïitoi aatïmï Gïr Nukadakami, ïmadï óídaka rïrhiditai tïbagiana dai kaxkïdï mai buamï rïrhiditai óídaga aatïmï tami oidigi daama. Asta ka bhai duka aatïmï ix dagitoagi gïr tukuga ipïrhiditai ix ïmadï darakagi Suxi Kristo tïbagiana tudu.

Filipenses 1:24

Dïï gia aapimï gïn bïïtarï gï agai xi oidakagi aanï tami oidigi daama kia.

1Tesalonicenses 2:1

Gïr susukurhi, kïï maatï aapimï xïï kïïga jii gïr aaduindaga baasïkioma gïn dibidakai aatïmï.

1Tesalonicenses 2:13

Gïr susukurhi, dudatai aagidiña aatïmï Diuxi ix bhai gïr ïrhidi maatïkatai sai kïïga buaboitudai aapimï gïr aatagi. Mai xu ix mosïkaxi odami aatagidï dukai kaï aapimï gïr aatagi tudu. Diuxi ñokidï dukai kaï aapimï bhaiyoma dai podukai aba ïgai. Dai Diuxi ñokidï kïïga gïn soikïi gïn ibhïdagïrï buaboitudaitai aapimï gobai.

1Tesalonicenses 4:17

Dai bhodïrï aatïmï ix makïdï kia duduakakagi taiyakoga iimimu ïgai ïmadï dai mïï buidïrï ayimu aatïmï Suxi Kristo ïbïltapi dai aidï gia ka ïmadï darakamu aatïmï bïïxkïrï bïïtarï.

2 Timoteo 4:6

Podukai ibuada aapi tudu. Aanï ka mai xii tïbïpi dakamu tami oidigi daama tudu dai kaxkïdï gï agai aapi xi kïïga oijadagi go aaduindagai. Daiñi, kïï maatï aapi ixdukai ibuayi aatïmï judidiu iidagaikïdï gadadaxditai aatïmï iidagai Diuxi. Bïï naato aaxtaiña aatïmï daxdakaruana tudu. Dai aanï podukai aaxtan dui gin ibhïdaga Diuxi bïïtarï, bïï naato xia buayi aanï gin gubukarhiga oidakatai aanï ïgai bïïtarï tudu. Gobai ïr go daxdaragai ix makïdï ibuayi aanï. Bïïxi gin gubukarhigakïdï oidiña aanï Suxi Kristo tudu ïpïandukai xi bïïxi gubukarhigadïkïdï mïmïraiña mïrhikaruana ïmo odami. Dai ïpïan dukai ïmo mïradami aïjïi mïrhikaru kugatïrï aanï podukai ka ayi kugatïrï go aaduindagai ix makïdï gin maa Diuxi. Tomarhi ïmo imidagai mai gajiadïrï bia aanï gïr buaboidaragai tudu. Dai xibi ka ayi xi imiagi aanï tabhiadïrï idi oidigi daamaiñdïrï.

Apokalipsis 14:13

Daidi kaï aanï xi ño ixtumaxi tïbagiañdïrï daidi pobai in tïtïdai, —Iduindañi ïmo ojai dai adukai oja, —Xibi bhaitiakoga kïïga bhai gïn ïrhiadamu odami ix makïdï koiyagi bïïna darakatai Suxi Kristo, podukai oja aapi— antïtïdai. Dai Diuxi Ibhïadï ikaiti, —Ïjï kïïga ïr buaboi gobai. Ix makïdï koiyagi bïïna darakatai Suxi Kristo kaxi gïn iibhïxta agai. Ka mai tipukamu bïïtïkami aaduindagai ïgai bïïtarï. Kaxi aatadui ïgai tudu dai buimu ïgai go aaduindagai maitïkidï. Ka maiti gï agadamu bamioma aaduindagai tudu— ikaiti Diuxi Ibhïadï.