Deu 34:9 - Northern Tepehuan Bible

⁹ Dai ïmo maradï Nun, Josue tïgidukïdï, Israelitas bhaitï kïakamigadï bii xibi. Aidïxi kia dajatadai Moises, go Moises darai noonobidï Josue dama dai podukai daibuna kïï sïïrhiñikami tïgibudagai. Kaxkïdï go Israelitas ïïgida kaï go Josue dai ïïgidi go sïïrhikami ïpï ix makïdï Gïr Nukadakami ka maatadai go Moises ïkioma.

Deu 34:9 ပူးပေါင်းရင်းမြစ်များ

Exodo 12:28

Aidïxi ka bïïxi aa Moises ïmadï Aaron ix tumaxi ïpï duña agaitadai bai go Israelitas idui bïïxi ix makïdï gatïjaitadai Gïr Nukadakami saidi ibuada ïgai kañirukïdï.

Isa 11:2

Gïr Nukadakami Ibhïadï ïmadï dakamu go Rey ïgai tomax tuigako. Kïï sïïrhiñika agai tïgibudadï go Rey dai maatï nïijadamu ïgai aaduindadï. Gïr Nukadakami tïgibudadïkïdï gamaakimu ñoki go Rey. Dai ïgai tïgibudagaikïdï bhïimu gubukadagai dai xadutuadamu ïgai Gïr Nukadakami.

VUAANA 3:34

Diuxi aagidi Maradï ix tuma ñoki aituldana ïgai óídakami dai mïkadïrï otoi maakakai bïïxi Diuxi Ibhïgadï gubukarhigadï. Dai Diuxi Maradï mai aagaiña ïma maaxi, mosïkaxi gobai ix makïdï Diuxi aagidi. Kaxkïdï gï maatï saidi ïr buaboi ñokidï aagaitai ïgai go baaxi ñoki ix makïdï Diuxi aagidi.

Hechos 6:6

Mïtai bïïxkatai baidakai amïka xako darajatadai go ojotoxikami tai ïgai gadáí Diuxi go kïkïirhi bïïtarï dai daama darai gïn noonobi.

Deu 34:8

Daidi bhodïrï ïmokobhai dan bhaibuxtama tasai aïkami ka mos susuanïi go Israelitas darakatai ami Moabïrï xako kabami ïgiga oidigi. Podui ïgai tïtïitoitai ïgai go Moises tudu. Po kaki tasai gïn biturhi ïgai xadutuadagi xi kaxkïdï po kaki tasai mos suanïi ïgai.

Kolosenses 2:3

Suxi Kristo tudu ïgai dai gïr tïtïgidi Diuxi tïgibudadï. Daiñi, Diuxi bïïxi maatï dai tïgibudadï kïï saitudaga. Dai ïxtokikana Diuxi tïgibudadï gïr bïïtarï ïpïan dukai mui tuminxi yaasapikami. Dïï gia Suxi Kristo ïgai dai gïr tïtïgidi gobai.

1 Tomoteo 4:14

Daiñi, baasïkioma go bhaitï gukakami darai ïkadï aapi gï daama dai aidï gï aagidi ïgai ïmo ñoki Diuxiañdïrï gï aagaitai aapi. Podukai gï maa Diuxi ïmo gubukarhigai. Kaxkïdï maiti gï agai xi dodorhi dakagi aapi xibi gï maakakai Diuxi go gubukarhigai.

1 Tomoteo 5:22

Daiñi, xïxkadï dasa agadagi aapi ïmo bhaitï kïakamigadï go buaboitudadami maiti gï agai xi toma xorai dasagi aapi. Gï agai ïpïgioma xi kïïga maatïkagi aapi ix tuiga ïgai. Daiñi, xi bhaitï kïakami dasagi aapi ïmo soimaaxi buadami gobai itïiya ïrhidi sai mai buamï ïrhidi aapi xi soimaaxi ibuadagi ïgai. Xi pobuadagi aapi uraban duñimu aapi soimaaxkamigadï dai maiti gï agai gobai. Gï agai bhaiyoma xi kïïga gï nukadakagi aapi dai mai urabagi go soimaaxi toma lïïchi.