Apokalipsis 6:12 - Northern Tepehuan Bible

¹² Dai bhodïrï nïidi aanï aidïxi upasdi go Arhi Kañiru ïpï ïmo seyugadï go libro. Dai aidïpïrï kabami gigiburhi oidigi dai tukutu go tasai, ïpïamaaxi bii ïmo boopoi kostarhi tukukami. Dai go masadai kabami bïgitu, ïrai maaxi bii bïgikatai.

Tepehuan Northern: Diuusi ñiooquidʌ utuducami oodamicʌdʌ

¹² Dai nʌidi aanʌ aidʌsi ʌgai ismaacʌdʌ Cañiiru aagaiña ʌvaavoitudadami maigo daí ʌseera ʌʌpʌ ʌmapʌcʌraiñdʌrʌ ismaacʌdʌcʌdʌ arastudi ʌliivru. Dai tʌʌ aanʌ iscavami gigivuli oidigi daidʌ isʌtasai tucutu ʌpan maasi icuusi tuucucami. Daidʌ ʌmasaadai ʌʌrai gʌdui vʌʌsi,

Apokalipsis 6:12 ပူးပေါင်းရင်းမြစ်များ

Mataibo 11:21

—Sogigi aapimï Korasinïrï óídakami dai aapimï Betsaidïrï óídakami ïpï. Naana maaxi maaxidaragai idui aanï gïn saagida tudu saidi nïijada aapimï xïï gubuka Diuxi. Dïï modukai maiti ipïrhi aapimï xi ïma dukai gïn tïtïgitoagi— ikaiti ïgai. —Daiñi— ikaiti. —Xi iduñimudai aanï pokaxi maaxidaragai ïïki Tiroïrï ïmadï Sidonïrï ami óídakami gia otomioma ïma dukai gïn tïtïgitomudai xi aapimï. Poduñimudai ïgai tomaxi kabami ïr soimaaxi ibuadamikatadai ïgai. Asta gïn aadamudai ïgai sïïxidakami yukuxi dai gïn komaibadamudai mataikïdï ïpï soi gïn ïrhiditai. Podukai maaxitudamudai ïgai ix ka ïmadukai gïn tïtïgito ïgai— itïtïdai. —Dïï gia aapimï Korasinïrï dai Betsaidïrï óídakami mai pobuayi. Maiti ipïrhidi aapimï xi ïmadukai gïn tïtïgitoagi tudu— itïtïdai.

Mataibo 24:29

Dai oi Suxi aatagidï daidi potïtïdai ïgai go mamaatïrdamigadï, —Ayimu ixtuigako kabami soimaaxi taatamada agai óídakami karhioga ugiti agaitai oidigi. Dai ka daibunukai go kabami soimaaxi taataragai saidi aidï otoma gï tukamutu agai go tasai ïmadï go masadai dai surhigimu go xixabugai tïbagiañdïrï. Aidïpïrï gigiburhi agai bïïxi ixtumaxi oidaga tïbagiïrï tudu— itïtïdai.

Mataibo 24:7

Naana maaxi nïijadamu aapimï kia tudu. Ïma maa ñokadami bui surhigi agai jaa ix makïdï ïmamaaxi ñokai dai podukai ïpï mui gïgïr tïtïanïdamigadï go aipakoga óídakami gïn bupui surhigi agai ïpï. Muiyapïrï gigiburhi agai oidigi dai kabami oidakami bhiugigai aipakoga.

Mataibo 27:45

Daidi daan duku abhiadïrï asta koi gïsïko tasai ukami tukamugatadai oidigi.

Mataibo 27:54

Daidi kabami duduadimu go kapitañi ïmadï sandadarugadï ix makïdï nukadakatadai go Suxi. Nïiditadai ïgai aidïxi gigiburhi oidigi dai bïïxi ixtumaxi daibusai ami ïpï kaxkïdï. Daidi ikaitiña ïgai, —Idi gia ïr buaboi saidi ïr Diuxi maradï— ikaitiña.

Mataibo 28:2

Dai todian dukai gigiburhi oidigi ami. Tïbagiañdïrï tïbai ïmo tïañikarudï Diuxi kaxkïdï. Dai maigobai dáí ïgai go gïï odai ixtukïdï kuupidi xako yaasapikatadai Suxi. Dai ami go gïï odiana daiba ïgai.

Markos 15:33

Daidi daan duku abhiadïrï asta koi gïsïko ukami mos tukapi bii oidigi.

Apokalipsis 11:13

Dai taiyako iimïkai ïgai bai kabami gigiburhi oidigi dai mui surhi bhaabhaki. Parï bhabaixtama surhi ïïmo ciento saagidañdïrï dai kubarakami mirhi óídakami koi. Dai go odami ix makïdï bii sïïrhikïdï duduadimuka dai aagaiña xïïxi ïr gïdukami Diuxi gatïanïitai ïgai tïbagiañdïrï.

Apokalipsis 16:18

Daidi pïpïdokïi oidigi aidï dai kopobïrhi. Dai sïïrhikïdï kabami gigiburhi oidigi ïpï. Mai nïidiña óídakami ix pokaxi gubuakami gigiburhiagi oidigi tomarhi ïmo imidagai aidï abhiadïrï xi kïïkiba oidigi tudu.

Apokalipsis 16:8

Dai bhodïrï ïpï ïmai tïañikarudï Diuxi aaxi ixtumaxi bia asokorhidïrï ïpï sa bhai ïma dukai gïn tïtïgitoagi odami. Tasiana aaxi ïgai daidi go tasai bhïiyi gubukarhigai ix mïïdagi odami kabami toñikatai.

Apokalipsis 8:12

Dai bhodïrï gaiiba ïpï ïmai tïañikarudï Diuxi daidi bhaitoma tajukami xia tui go tasai ïmadï go masadai dai podukai ïpï go xixabugai. Gïn tukutu ïgai bai mai kïï tonorïkana tasïrï dai bamioma tukamugakana tukarï ïpï.

Apokalipsis 8:5

Daidi go Diuxi tïañikarudï bhïiyi go oro asokorhi dai sudagi tutuparhi toñikami abhai daxdakaruañdïrï. Dai surhi ïgai oidigi daama bai koboñimi oidigi dai pïpïdokïi dai gigiburhi ïpï.