Apokalipsis 3:19 - Northern Tepehuan Bible

¹⁹ Gï agai xi maatïkagi aapimï sai bhagaidi aanï xorai oigïdai aanï xïïxkadï mai kïïga ibuadagi. Dai mamaakai aanï gïgïbituldaragai ïpï sa bhai bhïna kïïga tïgibudagai. Kaxkïdï gï agai xi ïma dukai gïn tïtïgitoagi aapimï dai kabami ipïldagi xi kïïga ibuadagi. Tadu gïn ayi gïgïbidaragai ïpï.

Tepehuan Northern: Diuusi ñiooquidʌ utuducami oodamicʌdʌ

¹⁹ Aanʌ gia bagai dai soimaasi taatamituldi sioorʌ oigʌdai aanʌ siʌʌscadʌ ʌgai soimaasi ivuaadagi cascʌdʌ soimaasi gʌntaatatuldamu aanʌ aapimʌ mʌsmaiʌma duucai gʌntʌtʌgituagi dai camaisoimaasi ivuaadagi.

Apokalipsis 3:19 ပူးပေါင်းရင်းမြစ်များ

2Sa 7:14

—Aanï ïr ogadï dukami ka agai gobai ix makïdï daasamu aanï dai ïgai ïr gin maara dukami ka agai. Dai xi mai kïï duñagi ïgai aanï gïïgïbidamu. Maiti xi pobuayi odami xudu mai kïï buadagi maradï— ikaiti Gïr Nukadakami.

Mataibo 25:7

—Daidi bïïxi bapaañi go aarhi oki dai bhai dui kukudakarugadï.

VUAANA 2:17

Daidi mamaatïrdamigadï Suxi nïiditai ix dui ïgai gïn tïgito ix kaiti ïmo ojai xako ikaiti, Aapi gin Diuxi, aanï kïïga oigïdai gï kii dai sïïrhikïdï gin tïgito aimïrai aanï ix dukatai nukada gobai, ikaiti go ojai.

Romanos 12:11

Maiti abïr paparuaka ïpï. Bhaiyoma abïr kabami gïn aaga gïn aaduindagïrï ibuadatai bïïxi gïn ibhïdagakïdï gobai ix makïdï ipïrhidi Gïr Nukadakami.

1 Korintios 11:32

Daiñi, xïïxkadï Diuxi maakiagi ïmo gïgïbidaragai ïmo maatïtuldaragai dukai gobai gïr soikïi sai maiti gïr aïna ïmo gïdukami gïgïbidaragai ix makïdï ajïi go gaa ix makïdï mai buaboitudai.

2 Korintios 6:9

Mui óídakami gajiadïrï gïr bipiada ïrhidiña maiti gïr ïïgiada ïrhiditai tomaxi kïïga maatïkana ïgai saidi aatïmï ïr ojotosadï Suxi. Mui imidagai bhaitoma koi aatïmï soimaaxi taatamaitai dïï gia bïïxkïrï asta xibi ukami kia tami daraka aatïmï. Muiyoko imidagai gïr gïbaiña óídakami dïï gia mai kia koi aatïmï.

2 Korintios 7:11

Dïï aapimï gia kïïga gïn tïgito nïidiña ix kaiti go ojai ix makïdï gïn otoxdi aanï baasïkioma. Soi gïn ïldatu aapimï ix dukatai Diuxi ipïrhidi ix soi gïr ïrhiadagi aatïmï xïïxkadï oidakagi soimaaxi ibuadami gïr saagida tudu. Dai xibi ipïrhidi aanï ix tïtïgitoagi aapimï go naana maaxi kïkïïgadukami soiñi ix makïdï idui Diuxi gïn iibhïdagïrï go soi ïrhiaragaikïdï gobai. Kabami soi gïn ïrhiditadai aapimï oidakatai ïmo soimaaxi ibuadami gïn saagida tudu dai kabami gïn aaga ibuadatai ixtumaxi Diuxi ipïrhidi. Kïïga ipïrhiditadai aapimï xi ibuadagi ixtumaxi ïr kïïga tudu. Asta bhakoikan taadatu aapimï go soimaaxkami buidïrï dai kabami buamï gïn ïrhiditadai aapimï xi duñada apia imïdagi go soi soimaaxkami gïn saagida. Kaxi gïgïbiturhi aapimï go soimaaxi ibuadami ix dukai gïn aagidi aanï tudu. Podukai gïn maaxiturhi aapimï saidi ka mai tipu ixtukïdï gïpiïrï gïn bupadagi jaa. Kïïga gïn soi go soi ïrhiaragai ix ïmadukai gïn tïtïgitoagi aapimï tudu.

Galatas 4:18

Daiñi, kïï bhai maaxi xïxkadï jaa gaagagi ixtumaxi ïr kïïga gïn bïïtarï. Dïï gia gïn nukadabïrai tadu gïn buirumadagi ixtumaxi pobuadatai dai mai kïïgakïrï gïn oigïdaitai. Aanï gia kïïgakïrï gïn oigïdai dai bïïxkïrï gaagai ixtumaxi ïr kïïga gïn bïïtarï tomaxi mïkaxi dakagi aanï.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.

Santiago 1:12

Gin aaduñi, xïxkadï gïr ajiagi ïmo soi ïrhiaragai dai ix kïïga gïr kabakadagi aatïmï dai apia oijadagi gïr buaboidaraga aidï gia bia aatïmï ixtukïdï bhai gïr ïrhiadagi. Gï agai tudu sai bhai gïr ïrhiadagi aatïmï xïïxkadï gïr kabakadagi aatïmï dai apia oijadagi gïr buaboidaraga tomaxi xijiakagi gïr oidakaraga. Gï agai sai bhai gïr ïrhiada aatïmï maatïkatai Diuxi gïr maakimu gïr maitïki ix makïdï ïr go kïïgakïrï oidakaragai bïïxkïrï bïïtarï. Kaxi gïr aagidi Diuxi sai maakimu ïgai go maitïki go odami ix makïdï oigïdai Diuxi tudu.

Apokalipsis 2:5

Gï agai tudu xi kïïga gïn tïgitokagi ix dukatai gin oigïdaiña aapimï aidïxi mai kia koidamu dui gïn buaboidaraga. Daiñi, aapimï buaboitudadami ïr ïmo dasakarui kudagi dukai go gaa óídakami buitapi ami xako daraka aapimï. Dïï gia ix mai ïma dukai gïn tïtïgitoagi aapimï dai ïpamu gin oigïdadagi ixdukai ibuadana tukamïrï, aidï gia gïn dibidamu aanï otoma dai maigobai gïn darasamu abhiadïrï xako kukudadai aapimï óídakami. Maigobai gïn darasamu aanï ïpïan dukai xi ïmo odami maigobai dasagi ïmo kudagi dasakarui tudu.