Apokalipsis 22:20 - Northern Tepehuan Bible

²⁰ Dai Suxi Kristo ikaiti, —Kïïga ïr buaboi sai otoma dibiamu aanï— ikaiti. Suxi Kristo tudu ïgai dai aagidi go ñoki ix makïdï ojixi idi libroïrï. Dai aanï Juan pokaiti sai ïjï, sai pogïduna. Ipïrhidi aanï sai otoma dibiana Suxi Kristo Gïr Nukadakami.

Tepehuan Northern: Diuusi ñiooquidʌ utuducami oodamicʌdʌ

²⁰ Aanʌ ʌrSuusi Cristo dai pocaiti ansai sʌʌlicʌdʌ otoma divia iñagai aanʌ. Dai aatʌmʌ vaavoitudadami ipʌlidi sai otoma diviana gʌrtʌaanʌdamiga Suusi.

Apokalipsis 22:20 ပူးပေါင်းရင်းမြစ်များ

VUAANA 21:25

Mosïkaxi chïki ixtumaxi ix makïdï idui Suxi oja aanï tudu. Dai naana maaxi bamioma idui ïgai ïpï. Ix gï ojamudai bïïxi ix tumaxi idui ïgai ka mai aiyimudai tami oidigi daama mosïïki libro ix makïdï gï sudadamudai ïrhi aanï. Dai gobai ïr bïïxi ix makïdï oja aanï aagaitai Suxi Kristo. Mosïkaxi.

1 Korintios 16:22

Dai aanï aagai sai xorai mai oigïdadagi Suxi Kristo sai ïkobai biïna ïgai Diuxiañdïrï. Gin susukurhi, nïnïraka aanï sai otoma dibiagi Suxi Kristo ïpamu.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

Hebreos 10:37

Daiñi, adukai ikaiti Diuxi ñokidïrï, Otoma dibiagai ïgai ix makïdï nïnïraka aapimï. Mai tïbïpida agai ïgai tudu.

Hebreos 9:28

Dai podukai ïpï Suxi Kristo ïïgi gï dáí mosïkaxi ïmo imidagai ïmo daxdaragai dukai. Podui ïgai bhai buadatai mui óídakami bïïtarï soimaaxi ibuadamikatai óídakami. Dai gobai ix makïdï idui ïgai, gï dasakai ïgai mos arhi ïmo imidagai ïmo daxdaragai dukai óídakami bïïtarï, gobai bïïxkïrï bïïtarï namïaka agai. Dai gokiïrï ïpamu dibiagai ïgai dïï mai daamioma ïpamu bhai buada agaitai gïr soimaaxkamiga bïïtarï. Bhaiyoma dibiagai ïgai dai kïïgakïrï bubaida aagai bïïxkatai ix makïdï bhai ïrhiarakïdï nïnïraka ix dibiagi ïgai ïpamu. Ka bhai dui ïgai kïïgakïrï bubaidaragai bïïxkïrï bïïtarï tudu.

Apokalipsis 1:18

Aanï ïgai dai tomax tuigako oidaga tudu. Muu aanï ïmo imidagai dïï gia xibi ka duaka aanï dai bïïxkïrï bïïtarï oidaka iñagai. Dai bia aanï bamioma gubuka xi bhai go mukigami dai gobai bhaiga xi aiyagi mosïkaxi asta xako ukami dagitoagi aanï. Dai bia aanï gubukarhigai xi gatïanïdagi ami xakoga daraka koidadï ïpï— in tïtïdai.

Apokalipsis 1:2

Dai tami idi libroïrï oja aanï bïïxi ixtumaxi gin tïtïgidi ïgai dai ix makïdï gin tïtïgidi ïgai ïr ïmo ñoki Diuxiañdïrï imïdami dai aagai gobai go Suxi Kristo. Gobai tudu ïr go ñoki ix makïdï oja aanï idi libroïrï.

Apokalipsis 2:16

Kaxkïdï abïr ïma dukai gïn tïtïgitoda. Kaxi abïr mai dagito gïn aaduñi xi soimaaxi ibuadana podukai oiditai pomaaxi aatagi tudu. Ïma dukai otoma gamo imimu aanï dai kokodadamu go soimaaxi ibuadami gin maxtaigakïdï ix makïdï gin tïñiañdïrï busanïka.

Apokalipsis 22:10

Daidi ïpïpï gin ñokidi go tïañikarudï Diuxi daidi pobai in tïtïdai, —Ka otoma daibuña agai bïïxi ixtumaxi ojixi idi libroana. Kaxkïdï maiti gï agai xi ïxtoagi gobai. Gï agai bhaiyoma xi odami maatïkagi ix kaiti ami.

Apokalipsis 22:12

Daidi Suxi Kristo ikaiti, —Otoma ayimu aanï dai bhïidatikamu aanï maitïkidï bïïxi óídakami. Maakimu aanï bïïxi odami ixtumaxi ajïakagi tudu, ïïgi ixdukatai aatadui ïgai.

Apokalipsis 22:18

Aanï Juan bia ïmo ñoki bïïxi odami bïïtarï ix makïdï kaïkagi ix kaiti idi libro. Daiñi, xi ïmadutai bïnaidagi jaa ñoki idi libro ix makïdï mai ojixi ami aidï gia Diuxi maakimu ï galbaaxi naana maaxi gïgïbidaragai ix makïdï ojixi go libroïrï.

Apokalipsis 22:7

Daidi Suxi Kristo ikaiti, —Gin kaïkabïrai, xibi otoma dibiamu aanï— ikaiti. —Dai xorai ïïgiadagi ojadï idi libro kïïga biaka agai bhai ïrhiaragai— ikaiti Suxi.