Apokalipsis 20:10 - Northern Tepehuan Bible

¹⁰ Dai bhodïrï ïmo gïï taiyïrï daitudamu Diuxi go diabora ix makïdï gabuirumadatadai go óídakami. Ami gïximu ïgai xako daja go gïmai kïixi ix makïdï Diuxi ñokituldiadamigadï gï aagaiña ïïgi dai maiti ïr buaboi. Ami ïr go gïï taiyïrï xako asufrekïdï mïmïjïi. Dai ami bïïxkïrï bïïtarï apia soimaaxi taata agai táí dai mai tipukamu ibhïxtaragai ïgai bïïtarï.

Tepehuan Northern: Diuusi ñiooquidʌ utuducami oodamicʌdʌ

¹⁰ Dai Diuusi taiyʌrʌ daituda agai ʌDiaavora vupuiirumadacai ʌgai ʌgaa. Ʌtaí siaaco daituda agai Diuusi ʌDiaavora vʌʌnagʌ asufre dai amiava mʌsiaaco daitu ʌcʌisi vʌgicʌdʌ ʌʌmadu ʌgai ismaacʌdʌ pocaiti saidʌ ʌrDiuusi ñiooquituldiadamigadʌ dai maitʌrvaavoi. Ami soimaasi taataca agai ʌgai vʌʌscʌrʌ tasʌrʌ dai tucarʌ.

Apokalipsis 20:10 ပူးပေါင်းရင်းမြစ်များ

Mataibo 25:41

Dai bhodïrï ñokidamu aanï ïgai ix makïdï gin ogixapadïrï gukaka agai, ix makïdï mai buaboitudai tudu. Dai potïdamu aanï, —Iimibïrai aapimï tabhiadïrï. Diuxi mai kïïgakïrï gïn nïidi tudu. Iimibïrai xako bïïxkïrï bïïtarï mïïkana táí, xako bhai dui Diuxi gïgïbidaragai bïïtarï go diabora ïmadï tïtïañikarudï. Gamo abïr iimi tudu.

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Mataibo 7:15

—Gïn nukadabïrai sai maiti gïn bupuirumadagi jaa ix makïdï tïtïïgiadami gïn aagai Diuxi ñokidï dai maiti ïr buaboi. Ïgai kïï tutiakami maaxi dïï gïn nukadabïrai. Ipïrhidi ïgai sai óídakami kañiñiru tutiakami ïrhiadagi dïï ïgai sïsïïyi gïn dukami bhaiyoma galtutiakatai. Soi buadana ïgai óídakami tudu— itïtïdai.

Apokalipsis 16:13

Dai tïï aanï baika diabora tïtïañikarudï ïpï dai arhiï galnaaxi ïgai. Ïpïamaaxi bhaabhadai. Dai bubuaka ïgai tïñidïañdïrï go gïï kooyi maaxkïdï kïixi dai tïñidïañdïrï go gïmai kïixi ïpï ix makïdï ïr bupuirumadami odami dai dïbïraiñdïrï busaitadai.

Apokalipsis 19:20

Dai ami kokodiïrï gï bhïitu go gïï kïixi modukai ïmadï go gïmai ix makïdï Diuxi ñokituldiadamigadï gï aagaiña ïïgi dai maiti ïr buaboi. Ïgai tudu ïgai dai ibuadana naana maaxi maaxidaragai soikïitai go kïïxi sai odami buaboitudaiña. Podukai bupuirumadaiña ïgai mui óídakami. Bupuirumadaiña ïgai ix makïdï gïn dagito ix gïn tïpaltudagi tïtiaradïkïdï go kïïxi tudu dai ix makïdï xadutudaiña go kïixi maaxkami ubixi. Gï bhïitu tudu go gïï kïixi ïmadï modukai go gïmai bupuirumadami óídakami dai apia dukai duduakakami gïn surhitu ïgai go gïï taiyïrï xako asufrekïdï mïmïjïi táí.

Apokalipsis 20:8

xi ïgai aipakoga aimïrada agai oidigi daama dai bupuirumadada agai óídakami. Abïnakidamu ïgai mui óídakami sai urabana aidï. Aatïmï Gog dai Magog aagaiña go óídakami ïgai bïïxi oidigi daamaiñdïrï óídakami ix makïdï uraba agai go diabora. Dai go diabora ïmpaidamu ïgai ïmo gïï kokodi bïïtarï. Ïpïan ïïkiduka agai ïgai orai go gïï sudagi ugidïrï. Maiti ïr ïkaldakaruka agai tudu mos ïï muidukatai.

Apokalipsis 9:17

Gïn aagidamu aanï ix maaxkatadai go sandadaru ïmadï sosoigadï kapayo ix makïdï tïïtïkiïrï dukai tïï aanï. Go sandadaru gïn aada ajiopai baiñomi taagiana sobhidakaru ix makïdï bïpïgi lïïlïchi dai lïïlïchi tïtïdogi dai lïïlïchi buama. Dai go kapayo momodï ïpïamaaxi mamaabidi momodï. Dai usudïañdïrï busanïi táí ïmadï kubhuxi dai asufre.