Apokalipsis 18:21 - Northern Tepehuan Bible

²¹ Daidi ïmo gïï tïañikarudï Diuxi kïï gubuakami bañigi ïmo gïï odai dai go gïï sudagiïrï daitu. Daidi go tïañikarui ikaiti, —Ix duu ka mai tiputa go odai dai odami ka mai nïijadamu gobai ïpamu podukai ïpï mai tiputa agai go Babilonia dai ka mai tïigimu odami ïpamu.

Tepehuan Northern: Diuusi ñiooquidʌ utuducami oodamicʌdʌ

²¹ Amaasi ʌmo Diuusi tʌaañicarudʌ sʌʌlicʌdʌ guvucami vañigi ʌmo gʌʌ odai daidʌ ʌgʌʌ suudarʌ daitu dai pocaiti: ―Poduucai ʌʌpʌ ugitimu ʌgʌʌ quii Babilonia dai tomali ʌmo imidagai camainʌijadamu oodami.

Apokalipsis 18:21 ပူးပေါင်းရင်းမြစ်များ

Apokalipsis 10:1

Dai bhodïrï tïïtïkiïrï dukai tïï aanï xi tïbagiañdïrï tïbandimi ïmo tïañikarudï Diuxi kïï gubuakami. Ïmo ikomaiñdïrï imïi ïgai dai modï daama kïïka ïmo kijondarhi. Dai buibasodï kabami kukudakïi ïpïan dukai tasai dai ïïkasodï ïpïamaaxi táí.

Apokalipsis 12:8

Dai go gïï kïixi ïmadï tïtïañikarudï maiti ixtui Diuxi tïtïañikarudï bui dai ka mai bhaigakatadai xi ami biiyagi tïbagiana.

Apokalipsis 16:20

Dai go aarhi dïdïbïrai ix makïdï sudagi ïrana guka bïïxi mai tiputa ïmadï bïïxi go tutubidakai ïpï. Mai tiputa ïgai bhamudagadïkïdï Diuxi.

Apokalipsis 18:10

Mïkaxdïrï gukakamu ïgai duadimukatai tïïgakai ixdukatai gïgïbiturhi Diuxi go Babiloniïrï óídakami daidi pokaitadamu, —Aiji, sogigi aapimï Babiloniïrï óídakami. Gia ïr gïdukamikatadai gïn kiiki dai aipako gatïanïiña aapimï. Dïï bïïxkïrï xibi todian dukai gïn ayi gïgïbidaragai— ikaitidamu go gïgïr dudunukami.

Apokalipsis 18:22

Go gaagaradami ami óídakami sïïrhikïdï gïgïrdukïdï gïn ïrhidiña ïïgi dai bupuirumadaiña bïïxi oidigi daama óídakami taapïiditai. Ami Babiloniana aaxi ïgai ïradï Diuxi ñokituldiadamigadï tudu dai ïradï buaboitudadami kodaitai ïgai. Kaxkïdï ka maiti gï kaidatumu ami harpa iibaradï tomarhi flauta tomarhi trompeta. Dai ka mai tipukamu ami aatabuadami dai maiti gï kaidatumu tomarhi tutakarui. Dai ka mai kukudakïdamu ami kudakarui dai ka maiti gï kaidatumu bagimigadï kukuntadami. Bïïxi gobai ka mai tipukamu ka bïïxi xatuidïkai go Babilonia aïkai gïgïbidaradï— ikaiti go tïañikarudï Diuxi .

Apokalipsis 20:11

Dai bhodïrï nïidi aanï ïmo gïï daikarui tojakami dai ami daikaruana daja Diuxi. Dai maiti ixtui go oidigi dai go tïbagi xi ami dakagi Diuxi buitapi mos ïï gubuakamikatai ïgai dai mos ïï gïdukatai xi kaxkïdï mai tiputa go oidigi ïmadï tïbagi ami dakatai Diuxi.

Apokalipsis 5:2

Dai nïidi aanï ïmo Diuxi tïañikarudï kïïga gubuakami dai gïgïrï ñokai ïgai daidi ikaiti, —¿Xorai bia sïïrhikami xi upandagi seseyogadï go libro dai kupiokagi gobai?— ikaiti.