Apokalipsis 18:2 - Northern Tepehuan Bible

² Daidi gïgïrï iñakimi ïgai daidi ikaitimi, —Ka xia tui go gïï kiiki Babilonia tïgidukïdï. Xibi ïr diabora tïtïañikarudï kiidï gobai dai ïr kiidï ujurugi tukurakami dai soimaaxkami.

Tepehuan Northern: Diuusi ñiooquidʌ utuducami oodamicʌdʌ

² Dai cavami iiña dai pocaiti: ―Caugiti agai ʌgʌʌ quii Babilonia siami oidacamu ʌDiaavora tʌtʌaañicarudʌ daidʌ ʌnunui coocosatamu ami.

Apokalipsis 18:2 ပူးပေါင်းရင်းမြစ်များ

Apokalipsis 1:15

Dai ïïkasodï ïpïamaaxkana baiñomi xïxkadï kabami gï toñitudagi gobai taiyïrï. Dai gïgïrï ñokai ïgai. Kïï gubuakan kaiti ñokidï ïpïan dukai xïïxkadï gïï daibuñagi sudagi akiana.

Apokalipsis 10:3

Dai gïgïrï iiña ïgai, ïpïan kaiti ïmo gïï mabidi xïxkadï kujudagi dai bhodïrï kubarakamioko kokobïrhi oidigi dai aa noraidan dui ñokidï go Diuxi tïañikarudï.

Apokalipsis 11:8

Ami tudu ïr xakoga Sodoma dai Ejipto aagaiña odami mos ïï soimaaxi ibuadamikatai óídakami. Ami Jerusalenïrï gï xixatu kuruxiana Gïr Nukadakami tudu. Dai ami apia dukai kayana bïïtïkamu tukugadï ï goka ojotosadï Diuxi baika tasai dan tajukami.

Apokalipsis 14:15

Daidi busai ïmo Diuxi tïañikarudï Diuxi kiupaigadïañdïrï ix makïdï tïbagiana kïïka dai gïgïrï iñakidi ïgai go kïïrhi ikomai daama dakïdï daidi potïtïdai, —Ka bhaji ïxikami oidigi daama— ikaiti. —Ka ayi kaduku xi gï aga yoobagi aapi. Yoobañi gï oskïdï tudu— ikaiti.

Apokalipsis 14:8

Daidi gokiïrï imïi ïpï ïmai tïañikarudï Diuxi dai idi gïgïrï ñokai ïpï daidi ikaitimi, —Ka xia tui go gïï Babilonia kiiki. Ami óídakami gia pupuirugakana. Sïïrhikïdï ojoidi ïgai xi adaimudagi soimaaxi dai abïnakidiña odami bïïxi apakoga oidigi daama óídakami sai urabana soimaaxi ibuadatai. Ïpïan buadana ïgai ïmo iitïrakami xïxkadï abïnakidada ïgai jaa sai soiña yïïdana iidagai— ikaitimi ïgai.

Apokalipsis 16:13

Dai tïï aanï baika diabora tïtïañikarudï ïpï dai arhiï galnaaxi ïgai. Ïpïamaaxi bhaabhadai. Dai bubuaka ïgai tïñidïañdïrï go gïï kooyi maaxkïdï kïixi dai tïñidïañdïrï go gïmai kïixi ïpï ix makïdï ïr bupuirumadami odami dai dïbïraiñdïrï busaitadai.

Apokalipsis 16:19

Dai go gïï kiiki Babilonia tïgidukïdï baikapïrï taatapai dai ïjïkobai bii mos ïï kabami gigiburhikai oidigi. Dai go gïgïrï kiiki aipako oidigi daama gukakïdï bïïxi surhi bhaabhakidï ïpï. Podukai gïgïbiturhi Diuxi go Babiloniïrï óídakami dai dagito ix kïïga taatana ïgai xïï kabami bhamuka Diuxi ïgai bui.

Apokalipsis 17:5

Dai kobadïrï biakatadai ïmo ojai ix makïdï ikaiti, Aanï ïr dïïdï bïïxi kïkïïlmïrhiakami oki dai aanïañdïrï bubuaka bïïxi galnaaxi buirudagai ix makïdï oidaga oidigi daama, ikaiti ojai go oki kobadïrï. Go ojai ïr tïtiaradï go oki dïï odami mai maatïkana ix tïiya ïrhidi.

Apokalipsis 18:10

Mïkaxdïrï gukakamu ïgai duadimukatai tïïgakai ixdukatai gïgïbiturhi Diuxi go Babiloniïrï óídakami daidi pokaitadamu, —Aiji, sogigi aapimï Babiloniïrï óídakami. Gia ïr gïdukamikatadai gïn kiiki dai aipako gatïanïiña aapimï. Dïï bïïxkïrï xibi todian dukai gïn ayi gïgïbidaragai— ikaitidamu go gïgïr dudunukami.

Apokalipsis 18:21

Daidi ïmo gïï tïañikarudï Diuxi kïï gubuakami bañigi ïmo gïï odai dai go gïï sudagiïrï daitu. Daidi go tïañikarui ikaiti, —Ix duu ka mai tiputa go odai dai odami ka mai nïijadamu gobai ïpamu podukai ïpï mai tiputa agai go Babilonia dai ka mai tïigimu odami ïpamu.

Apokalipsis 5:2

Dai nïidi aanï ïmo Diuxi tïañikarudï kïïga gubuakami dai gïgïrï ñokai ïgai daidi ikaiti, —¿Xorai bia sïïrhikami xi upandagi seseyogadï go libro dai kupiokagi gobai?— ikaiti.