Apokalipsis 18:11 - Northern Tepehuan Bible

¹¹ Aidï go gaagaradami bïïxi oidigi daamaiñdïrï soi gïn ïrhiadamu ïpï dai suanïdamu tïïgakai ix mïjïi go Babilonia. Ka mai tipuka agai xorai sabïadagi ixtumaxi kukuspïiña ïgai kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹¹ Ʌgaagardami vʌʌsi oidigi daama oidacami soigʌnʌliadamu ʌʌpʌ dai suaañidamu ʌʌpʌ tʌʌgacai ismʌi Babilonia camaitiipucatai sioorʌ sapʌadagi istumaasi cucupʌticana ʌgai.

Apokalipsis 18:11 ပူးပေါင်းရင်းမြစ်များ

Mataibo 22:5

—Dai podui go pipioñi, mïï aagidi ïgai go odami dïï modukai go odami mai ïïgidi dai maiti ipïrhi xi iimiagi. Bhaiyoma mos oidi ïgai ixtumaxi ibuadatadai. Ïmoko jii dai mïï nïida agai ïxikami dai ïmai biakatadai ïma maaxi aaduindagai.

VUAANA 2:16

Dai darakatadai gaagaradami tutugu ïpï dai Suxi bhagaidi ïgai daidi potïtïdai, —Bubaidabïrai gïn aaduindaga tabhiadïrï— itïtïdai. —Maiti abïr ïmo gagarakaru dukai nïida kiidï gin Oga— itïtïdai.

2 Pedro 2:3

Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.

Apokalipsis 18:15

Daidi go gaagaradami ix makïdï gïn bipidakami bii gagaraitai naana maaxi ixtumaxi ami Babilonïrï mïkaxdïrï gukakamu ïbhïiditai gïgïbidaradï go Babiloniïrï óídakami. Suanïdamu ïgai nïiditai

Apokalipsis 18:20

Daidi ikaitadamu go nïijadami ïpï, —Bhaigabïnïrhiada bïïxkatai aapimï tïbagiana óídakami. Aapimï buaboitudadami tudu dai aapimï ix makïdï ïr Diuxi ñokituldiadamigadï dai aapimï ojotosadï Suxi Kristo. Bhaigabïnïrhiada aapimï bïïxkatai. Xibi Diuxi iduña agai ixtumaxi ïr sïïrhi aapimï gïn bïïtarï dai maaki agai gïgïbidaragai go Babiloniana óídakami mos ïï kabami soi gïn buididitai ïgai— ikaitadamu.

Apokalipsis 18:3

Ami Babiloniïrï óídakami bapaidiña go gaa óídakami aipakoga oidigi daamaiñdïrï sai urabana soimaaxkamiïrï. Ïpïan buadana ïgai oki kïkïïlmïrhiakami ix makïdï nabaamutudai kïkïïrhi iidagaikïdï dai bhodïrï bapaidiña sai ïmadï bopoiya. Dai go gïgïrï dudunukami oidigi daama óídakami bïïxi urabakana go Babiloniïrï óídakami soimaaxi ibuadatai ïgai ïmadï. Go Babiloniïrï óídakami bhaibitukami biaka ïrhidiña go naana maaxi ixtumaxi ix maaxi biakana gïn bipidakami dai gïïpi xia buadana tuminxi gaagaitai gobai. Kaxkïdï gïn bipidakami bii go gaagaradami aipakoga oidigi daama— ikaiti go Diuxi tïañikarudï gïgïrï iñakimikatai.

Apokalipsis 18:9

Daidi suanïdamu bïïxi go gïgïr dudunukami oidigi daama oidakami ix makïdï urabaiña go Babiloniïrï óídakami ibuadatai soimaaxi dai ibuadatai ïïgi ixtumaxi bhai ïrhidi ïgai. Suanïdamu ïgai nïiditai go kubhuxi xïïxkadï mïiyagi go gïï kiiki.