Apokalipsis 12:14 - Northern Tepehuan Bible

¹⁴ Dïï gia Diuxi aanatu go oki ïmo gïï bhagai dukai dai daa ïgai dai daibuna jii oidigamu. Ami ayi ïgai ïmapïkïrï xako bhaiduitadai Diuxi ïgai bïïtarï. Dai ami nukagi Diuxi baika umigi dan tajukami. Mai bhaigakatadai go gïï kïixi kooyi maaxkami xi aiyagi ami.

Tepehuan Northern: Diuusi ñiooquidʌ utuducami oodamicʌdʌ

¹⁴ Dʌmos Diuusi maa ʌooqui baagai aanadʌ sai ʌgaicʌdʌ daʌna oidigamu siaaco Diuusi baidui ʌmapʌcʌrʌ siaaco nuucadaca agaitadai vaic uumigi dan tajucami mʌʌcasi abiaadʌrʌ siaaco daja ʌgʌʌ cooyi.

Apokalipsis 12:14 ပူးပေါင်းရင်းမြစ်များ

Exodo 19:4

—Aapimï ïr nïijadami ix dukatai duñi aanï go Ejiptuïrï oidakami aidïxi gïn bubaitu aanï abhiadïrï Ejiptuañdïrï. Gïn aagidamu aanï ïmo maaxidaragai dukami xi maatïkagi aapimï ix dukatai gïn nukadai aanï. Daiñi, kïï maatï aapimï go bhagai ix dukatai oigïdai ïgai maamaradï. Upiïrï kukuspui ïgai dai nunukadai tudu. Dai aanï podukai gïn nukagi ïpï boiyamu iimïitai aapimï dai gïn bua aanï tanai xako daja aanï. Bïïxi ïr nïijadami aapimï ix dukatai gïn nukagi aanï— tïdamu aapi go Israelitas— itïtïdai Gïr Nukadakami go Moises.

Apokalipsis 12:6

Daidi go oki daibuna mïï oidigamu dai ayi ïmapïkïrï xako ka bhaiduitadai Diuxi ïgai bïïtarï sai ami nukadakana Diuxi baika umigi dan tajukami.

Apokalipsis 17:3

Daidi bhodïrï Diuxi Ibhïadï gin tïanïitadai dai gin tïtïgidi naana maaxi. Diuxi Ibhïadï gubukadadïkïdï gin baidaja ïmo Diuxi tïañikarudï oidigamu tudu dai gin tïtïgidi ixtumaxi ami. Dai gin tïtïgidi ïgai go oki xi daama daitugai ïmo gïï kïixi bïgikami ix makïdï sudagiañdïrï busaitadai. Dai ojixitadai mui tïtiaragai tukugadïana go kïixi. Dai go naana maaxi tïtiaragai ix makïdï ojixi tukugadïana ïr galnaaxi buirudagai ñoki Diuxi bïïtarï. Dai kubarakami momokana ïgai dai bhaibuxtamadu aagadï.