2 Timoteo 4:5 - Northern Tepehuan Bible5 Dïï gia aapi maiti gï agai ix pobuadagi. Gï agai xi kïïga sïïrhi gï tïgitokagi aapi bhaiyoma dai mai dagitoagi ix gï maitiagi soi ïrhiaragai gï kabakadaitai aapi xïïxkadï soimaaxi taatakagi. Mos sai aapia aagada aapi go bhai ïrhiaragai aatagi aipakoga daidi kïïga ibuada gï aaduindaga ix makïdï gï maa Diuxi. အခန်းကိုကြည့်ပါ။Tepehuan Northern: Diuusi ñiooquidʌ utuducami oodamicʌdʌ5 Dʌmos aapi cʌʌga gʌtʌtʌgitoda dai pʌsiʌʌscadʌ soimaa taatamadagi apiaivuaadagi Diuusi aa duiñdadʌ apiagaaagiditai Diuusi ñiooquidʌ ismaacʌ aagai cʌʌgacʌrʌ vuvaidaragai dai cʌʌga ivuaada gʌaa duiñdaga. အခန်းကိုကြည့်ပါ။ |
2 Timoteo 4:5
28 ပူးပေါင်းရင်းမြစ်များ
—Gïn aagidamu aanï ïmo maaxidaragai ñoki sai maatïkagi aapimï ix dukatai ïpïduñimu xudu ayimu aanï— itïtïdai. —Daiñi, ïmo kïïrhi ix makïdï tïanïi ïmo gïï kii xudu mïkaxi imia agadagi nunukatuldi pipioñi gï kii. Kitaagiña biayi ïgai ïmo nukadakami dai bipidiña ïgai go gaa pipioñi aaduindadï ïïmadutai ïpï— podukai aagai Suxi ïmo aatagi.
Suxi Kristo ïgai dai podukai aatadui saidi Diuxi Ibhïadï gubukarhigakïdï ibuadana aanï naana maaxi maaxidaragai ix makïdï ïïgi Diuxi ixtutuidikïi xi buadagi. Podukai Diuxi Ibhïadï gubukarhigakïdï kïïga aagidi aanï Diuxi ñokidï bïïxi óídakami aipakoga. Jerusalenïrï gin aaga aanï dai bïïxi aipako aiturhi aanï go bhai ïrhiaragai aatagi aagaitai go Kristo asta mïï Ilirikana ukami.
Suxi Kristo ïgai dai maa oidaragai aatïmï buaboitudadami bïïtarï tudu. Ïïmoko maa ïgai gubukarhigai saidi ïr Suxi ojotosadïkana. Dai jaa maa ïgai saidi ïr aagadamikana Diuxi ñokidï dai jaa saidi ïr aipako aituldiadamikana go bhai ïrhiaragai aatagi dai jaa saidi ïr nukadakamikana go gaa buaboitudadami dai maatïtuldiadami Diuxi ñokidï ïpï.
Diuxi gin maa ïmo sïïrhikami tudu saidi gïn pioñiga dukamikagi aanï aapimï buaboitudadami. Saidi ibuada aanï ixtumaxi ïr soiñi aapimï gïn bïïtarï tudu. Gin maa ïgai go sïïrhikami saidi kïïga gïn aituldana aanï go aatagi ix makïdï bia Diuxi bïïxi óídakami bïïtarï. Dai saidi mai gajiadïrï biagi aanï tomarhi ïmo ñoki gïn tïtïgiditai Diuxi ñokidï.
Maiti gï agai xi xaïrada aapi aagaitai ix tuma maatï Suxi Kristokïdï tudu. Dai maiti xaïrada aanïkïdï ïpï tomaxi gin maixatu aanï aagaitai aanï Suxi Kristo. Daiñi, oidaga ix makïdï soi gïr buidada ïrhidi oiditai aatïmï Suxi Kristo dai kaxkïdï gï agai xi Diuxi gubukarhigadïkïdï kabakadagi aapi gï ibhïdaga dai bhai gï dukagi ix gin urabagi soimaaxi taatamaitai gin ïmadï.
Aapi Timoteo gï agai ix gï kabakadagi ïmo sandaru dukai sai maiti gï maitïna go soi ïrhiaragai xïïxkadï daibuñagi soimaaxi. Gï aagidamu aanï maaxidaragaikïdï ix maaxi gobai. Daiñi, kïï maatï aapi sai aanï maiti gin daadagitoiña ix gin maitiagi soi ïrhiaragai dai bhaiyoma gin kabakadaiña xïïxkadï soimaaxi taatagi aanï. Dai podukai aapi ïpï gï agai ix gï kabakadagi ïmo sandarugadï dukaikatai aapi Suxi Kristo dai kïïga ïïgiditai ïgai.
Dai tomaxi jaa gin dagito mai ïïgi bii aanï ami. Diuxi gin ïmadï dajatadai dai gin maa gubukarhigai sai bïïxi aagaiña aanï go bhai ïrhiaragai aatagi ami dudunukami bui. Dai gin soi ïgai xi aiturhi aanï go aatagi mui odami ix makïdï maiti ïr judidiu ïpï. Go dudunukami maiti ïr judidiukatadai di dai go gaa ix makïdï gin kaïkana ami maiti ïr judidiu ïpï. Kïïga gin soi Diuxi ami tudu dai kïïgakïrï gin busaitu sai mai tïañiagi gin muaragai go dudunukami aidï.
Gin aaduñi, ïïgiadabïrai gïn bhaitï gukakamiga Diuxi amadïrï. Kaxkïdï tudu gïn nukadai ïgai sai kïïga imïna gïn buaboidaraga. Dai biakamu ïgai ix Diuxi buitapi gukibagi dai aagadagi ixtuma dui ïgai gïn nukadatai. Kïïga abïr ibuada tudu sai ïgai bhai gïn ïrhidiña gïn nukadatai dai maiti abïr ibuada ixtumaxi ixtukïdï soi gïn ïrhiadagi ïgai.
Aapimï gïn bïïtarï tudu go kïïgakïrï bubaidaragai ix makïdï aagaiña go ñiñokituldiadamigadï Diuxi ïïki. Dai kaxkïdï abïr bhai gïn duka dai kïï sïïrhi tïtïgitoda. Kïïga buaboitudaitai abïr nïnïraka go bhai ïrhiaragai ix makïdï gïn maakimu Diuxi xïïxkadï dibiagi Suxi Kristo ïpamu tudu. Aidï bïïxi óídakami nïijadamu go Suxi dibiakai ïgai dai bïïxi óídakami maatïkamu xorai ïgai.
ကြော်ငြာတွေ