2 Timoteo 4:22 - Northern Tepehuan Bible

²² Daanïi aanï Gïr Nukadakami sai gï soiñana gï ibhïdagïrï aapi Timoteo. Dai daanïi aanï ïpï sai maatï taatana aapimï bïïxkatai xïï kïï tuiga Suxi Kristo gïn bïïtarï. Mosïkaxi.

Tepehuan Northern: Diuusi ñiooquidʌ utuducami oodamicʌdʌ

²² Aanʌ ipʌlidi isgʌrbaitʌcʌaacamiga Suusi Cristo gʌʌʌmadu daacagi dai gʌnnuucadacagi vʌʌscatai aapimʌ. Mosʌcaasi.

2 Timoteo 4:22 ပူးပေါင်းရင်းမြစ်များ

Mataibo 28:20

Tïïgidabïrai ñoki sai ïïgiada ïgai bïïxi ixtumaxi gïn tïjai aanï. Dai gï agai sai maatïka aapimï sai aanï gïn ïmadï daka iñagai asta xïïxkadï ukami kïakagi oidigi— itïtïdai Suxi. Mosïkaxi.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Romanos 16:20

Diuxi ïgai dai gïr maakai xi ibhïxtakan taadakagi aatïmï. Dai otoma naato popokimu ïgai gubukarhigadï go diabora dai dumaltuda agai xi aapimï mos kïixoramu kaxi gamaitïkai aapimï ïgai bui. Diuxi gubukarhigadïkïdï gamaitïmu aapimï aidï. Dai xibi ipïrhidi aanï xi taatagi aapimï xïï kïï tuiga Suxi Kristo gïn bïïtarï.

1 Korintios 16:23

Gin susukurhi, ipïrhidi aanï ix maatï taatagi aapimï xïï kïï tuiga Suxi Kristo gïn bïïtarï.

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

Galatas 6:18

Gin aaduñi, ipïrhidi aanï sai maatï taatakana aapimï gïn iibhïdagïrï xïï kïï tuiga Suxi Kristo Gïr Nukadakami gïn bïïtarï. Sai pobï duna gobai tudu. Mosïkaxi.

Efesios 6:24

Sai Diuxi gïn tïtïgidana xïï kïï tuiga ïgai aapimï gïn bïïtarï. Aapimï tudu ix makïdï kïïga oigïdai Suxi Kristo Gïr Nukadakami dai apia oigïada agai bïïxkïrï bïïtarï. Mosïkaxi.

Filipenses 4:23

Ipïrhidi aanï sai Suxi Kristo Gïr Nukadakami gïn maatïtuldana gïn iibhïdagïrï sai maatïkana aapimï xïï kïï tuiga ïgai gïn bïïtarï. Mosïkaxi.

Kolosenses 4:18

Xibi tami gïn ojidi aanï ïpï ïmo biatuldaragai ïïgi gin nobikïdï. Aanï ïr Pabora dai gïn ojidi tudu. Daanïdabïrai Diuxi gin bïïtarï maixapikatai aanï tanai. Gin aaduñi, ipïrhidi aanï sai kïïga maatï taatana aapimï xïï kïï tuiga Diuxi gïn bïïtarï. Mosïkaxi

1 Tomoteo 6:21

Mui odami ka dagito ixtumaxi ïr buaboi ïïgiditai pomaaxkami aatagi. Dai maiti gï agai xi pobuadagi aapi. Ami ukami kugaidamu aanï idi ojai aapi Timoteo. Ipïrhidi aanï sai Diuxi kïïgakïrï gï nïijadagi ïmadï modukai bïïxi go gaa buaboitudadami amïka ïpï. Mosïkaxi.

Filemon 1:25

Ipïrhidi aanï sai Suxi Kristo Gïr Nukadakami gïn tïïgidana xïï kïï tuiga ïgai bïïxkatai aapimï buaboitudadami ami gïn bïïtarï. Mosïkaxi.

1 Pedro 5:14

Kïïga gïn oigïdaitai abïr gïn biatuldada aipakoga buaboidaitai aapimï Suxi Kristo. Xibi ipïrhidi aanï sai ibhïxtakan taadakagi gïn ibhïdaga bïïxkatai aapimï buaboitudaitai aapimï Suxi Kristo. Mosïkaxi.

Apokalipsis 22:21

Ipïrhidi aanï ïpï sai kïï tuigakana Suxi Kristo Gïr Nukadakami bïïxkatai aapimï gïn bïïtarï. Mosïkaxi.