2 Timoteo 4:21 - Northern Tepehuan Bible

²¹ Gï obaidañi tudu aapi dai bhaigobai dibia mai kia aïkai toomoko. Diuxkïdï gï biaturhi Eubulo dai Pudente dai Rhino dai Klaudia dai bïïxkatai go gaa gïr susukurhi tami ïpï.

Tepehuan Northern: Diuusi ñiooquidʌ utuducami oodamicʌdʌ

²¹ Gʌaagañi dai divia maiquiaa aʌcai toomoco. Diuuscʌdʌ gʌviaatuldi Euvulo, dai Pudente, dai Lino, dai Claudia, dai vʌʌscatai gogaa gʌraaduñi vaavoitudadami.

2 Timoteo 4:21 ပူးပေါင်းရင်းမြစ်များ

Lukas 12:58

Dukami, xi buatuldakagi aapimï ïmai dai ïgai dudunukamiïrï gï baan kïsa ïrhiadagi gï agai xi ïpïgioma bhai duñagi ñoki ïgai ïmadï mai kia aïkai aapimï dudunukamiïrï. Tadu gï bhïiyi go dudunukami dai gï tïïgi go sandadaru bai ïgai gï maixagi.

1 Korintios 16:20

Diuxkïdï gïn biaturhi bïïxi go buaboitudadami tanaidïrï. Dai ipïrhidi aanï xi kïïgakïrï gïn biaturhiada aapimï aipakoga ïpï.

2 Korintios 13:13

Bïïxkatai go buaboitudadami tami óídakami gïn otoxdi ïmo biatuldaragai ïpï.

Filipenses 4:22

Diuxkïdï gïn biaturhi gin aaduñi Diuxi amadïrï bïïxi xïïki tami gin ïmadï daraka ïpï. Dai go aatabuadami kiidïrï go gïï dunukami César ïgai dai bamioma gin aagidi sai gïn otosdagi aanï ïmo biatuldaragai.

2 Timoteo 1:4

Gï tïgitokana aanï ix xïï soi gï ïldatu aapi dai asta suanïitadai aidïxi gïr ïjïkobagi baasïki. Dïï gia kïï maatï aanï sai bhai gin ïrhiadamu aanï xïïxkadï gïr tïïgiagi aatïmï ïpamu.

2 Timoteo 4:13

Pïxïxkadï dibiagi gin buapida go baasaragai ix makïdï mïï Troasana bia aanï kiidïrï go Karpo. Dai gin buapidañi go lilibro ïmadï go papeperhi ix makïdï mïï bia aanï ïpï. Go papeperhi ïgai dai bamioma gï agai ix gin buapida aapi tudu.

2 Timoteo 4:9

Gï aagañi aapi Timoteo dai otoma dibiakai gin nïida.

Tito 3:12

Ipïrhidi aanï xi Nikopolixiana daibuñagi go toomoko dai ipïrhidi aanï xi gin ïmadï dakagi aapi ïpï. Kaxkïdï otosamu aanï go Artemas xiïpï go Tikiko amïka xako daja aapi Kretana. Dai mos aïkai ïgai pai otoma imïda Nikopolixiamu sai ami daibuña aatïmï go toomoko.

2 Juan 1:13

Diuxkïdï gïn biaturhidi go ïko bubaidadï Diuxi tami óídakami. Diuxkïdï gïn biaturhi go buaboitudadami tami óídakami tudu. Mosïkaxi.

3 Juan 1:14

Bhaiyoma mïï gï dibida in ïrhidi otoma daidi aataga in ïrhidi gï ïmadï.