2 Timoteo 4:11 - Northern Tepehuan Bible

¹¹ Mosïkaxi go Lukas gin ïmadï daja xibi. Kaxkïdï ipïrhidi aanï sai otoma bhaigobai dibiana aapi. Dai ipïrhidi aanï sai buapana aapi go Markos ïpï. Maatï aanï sai ïgai kïïga gin soiñamu gin aaduindagïrï kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹¹ Mosʌca Ruucasi giñʌma daja. Gaagañi Marcusi dai vuaapa pʌsiʌʌscadʌ diviagi. Ʌgai istuidi isgiñsoiñagi giñaa duiñdagʌrʌ.

2 Timoteo 4:11 ပူးပေါင်းရင်းမြစ်များ

Mataibo 19:30

Dai aanï aagai sai xïïxkadï gatïanïdagi aanï, amaxi go óídakami ix makïdï xibi gatïanïitadai ka maiti gatïanïda agai. Dai ix makïdï maiti gatïanïi xibi ïgai gatïanïda agai amaxi— itïtïdai.

Mataibo 20:16

—Podukai aatabuayi Diuxi gatïanïitai ix dukai idui go amudï tudu— itïtïdai Suxi go mamaatïrdami. —Xïxkadï gatïanïdagi ïgai go odami ix makïdï bamioma tïtïanïdami gïn ïrhidiña mai tïanïda agai. Dai go odami ix makïdï mai tïtïanïdami gïn ïrhidiña ïgai gia ïr ix makïdï gatïanïda agai Diuxi bïïtarï— itïtïdai. Dai podukai kugaitu ïgai aatagidï.

Lukas 13:30

Dai mui odami ix makïdï tïkabioma dukai daraka xibi ïgai dai bamioma dumarhi darakïdï dukai bimu aidï. Dai ïïmoko ix makïdï dumarhi dukai daraka xibi ïgai dai kïïga tïkabi dukai darakamu aidï kaxi gatïanïitai Diuxi— itïtïdai.

Hechos 12:12

Dai aidïxi ka maatï tïï ïgai ix kïïgakïrï busaitadai jii ïgai kiidïrï ïmo oki Maria tïgidukami. Idi Maria ïr Juan Markos dïïdï. Dai ami kiiyïrï gïn ïmpaidakatadai mui odami dai gadaanïitadai Diuxi go Piduru bïïtarï.

Hechos 12:25

Dai go Bernabe ïmadï Saulo nonora Antiokiamu ka kugaidakai gïn aaduindaga Jerusalenïrï dai baidati ïgai go Juan Markos ïpï.

Hechos 15:37

Dai go Bernabe baidaja ïrhiditadai ïmoko ix makïdï Juan Markos tïgidu.

Hechos 15:39

Daidi kabami ñiño ïgai dai modukai mai bhai dui dai ïjïkobai iji. Go Bernabe baidakai Markos dai tïtïsai ïmo barkoïrï dai iji Chipreamu.

Hechos 16:10

Kaxkïdï otoma bhai gïr dui aatïmï dai iimia ragai Masedoniamu. Kïïga buaboidaitadai aatïmï ix gïr baiditadai Diuxi tïsai ami oidakami buitapi aitulda go bhai ïrhiaragai ñoki.

Kolosenses 4:10

Diuxkïdï gïn biaturhi go Aristarko. Ïgai tanai maixapi ïpï gin ïmadï. Dai go Markos gïn otoxdi ïmo biatuldaragai ïpï. Ïgai ïr sukurhidï go Bernabé. Kaxi gïn otoxdi aanï ñoki baasïki sai kïïga miadïgidagi aapimï go Markos tudu xïïxkadï gïn dibidagi ïgai.

Kolosenses 4:14

Go Lukas gïn biaturhi ïpï. Ïgai tudu ïgai daidi ïr go duduadadami ix makïdï kïïga oigïdai aatïmï. Dai go Demas gïn biaturhi ïpï.

2 Timoteo 1:15

Kïï maatï aapi Timoteo sai baasïkioma gin dagito go Figelo dai Hermogenes ïmadï bhaiton bïïxi go gaa buaboitudadami Asiañdïrï ïpï. Bïïxkatai ïgai gin dagito bhaitoma.

2 Timoteo 2:21

Dai pomaaxi aapi ïpï. Aapi bhaiga xi ïko dakagi dai mosïkaxi ïmo namïakami aaduindagai bïïtarïkagi ïpï ïpïan dukai go ajasokorhi namïakami. Bhaiga aapi xi mosïkaxi Diuxi aaduindadï bïïtarïkagi tudu. Dïï gia ix ipïrhiadagi aapi ix ïr mosïkaxi Diuxi aaduindadï bïïtarïkagi gï agai ix ïkobai dakagi aapi go soimaaxkamiañdïrï buañixikami dukai oidakatai. Ix pobuadagi aapi aidï gia kïï bhaiduñixikamu aapi Diuxi aaduindadï bïïtarï. Aidï gia kïïga ïr soiñikamu aapi bïïxi kïïgadukami aaduindagai bïïtarï ix makïdï tañiagi Gïr Nukadakami.

Filemon 1:24

Diuxkïdï gï biaturhi go Markos dai go Aristarko dai go Demas dai go Lukas ïpï. Gobai bïïxkatai gin soikïiña gin aaduindagïrï.

1 Pedro 5:13

Gïn aaduñi Diuxiamadïrï ix makïdï tami Babiloniïrï óídaga gïn otoxdi ïmo biatuldaragai. Dai go Markos gïn otoxi ïmo biatuldaragai ïpï.