2 Timoteo 2:6 - Northern Tepehuan Bible

⁶ Dai aapi gï agai ix bhïiyagi maitïki natokai gï aaduindaga. Gï agai xi ïpïamaaxkagi aapi ïmo gaïsadami ïpï. Ïmo gaïsadami ix makïdï kabami gaatadui gaïsaitai bamioma bia oigaragai xi buiyagi yoobaradï dai jaa mai bia oigaragai ix pokaxi buiyagi. Dai podukai ïpï aapi gï agai xi buiyagi maitïki gï aaduindagakïdï.

Tepehuan Northern: Diuusi ñiooquidʌ utuducami oodamicʌdʌ

⁶ Dai aliʌsi gʌaagai iscavami aata vuaadagi aapi gʌaa duiñdagʌrʌ ʌpan duucai ʌmo ʌsadami cʌʌga aata vueeyi dai Diuusi gʌmaaquimu aapi vʌʌsi istumaasi maacai ʌgai gʌpiPiooñiga ismaacʌdʌ ivueeyi aa duiñdadʌ.

2 Timoteo 2:6 ပူးပေါင်းရင်းမြစ်များ

Mataibo 20:1

Dai oi Suxi go aatagi dai potïtïdai ïgai mamaatïrdamigadï, —Gïn aagidamu aanï ïpï ïmo maaxidaragai aatagi sai maatïkana aapimï ix dukatai gatïanïi Diuxi. Idi ïr go maaxidaragai aatagi tudu. Ïmo imidagai as oidakatadai ïmo kïïrhi dai biakatadai ïgai ïxikami uba. Bhai mui tutukami uba gukatadai ami ïxikamiana tudu. Dai ïmo imidagai ïïki kiamoko jii ïgai dai nobai gaaga agai xorai aatabuadagi go ïxikamiana.

Mataibo 25:16

Dai go pioñi ix makïdï bhïitadai taama mirhi tuminxi otoma jii dai mïï aaduinturhi go tuminxi dai ïgaikïdï maitïturhi ïgai ïpï taama mirhi daamioma.

Lukas 10:2

Daidi Suxi aagidi ïmo maaxidaragai aatagi daidi potïtïdai, —Agia muidu go odami ix makïdï ka bhai gïn duduna xi kaïkagi gïn ñoki dïï gia bhaitoma mai tipu xorai bapaidagi sai buaboitudaiña. Ïpïan dukami ïgai xïïxkadï gïïpigakagi yoobaragai dai chïkidukagi gayobadami. Daanïdabïrai Diuxi tudu sai mui otosana gayobadami sai yooban duñagi ïgai óídakami bapaiditai sai gin buaboitudaiña— itïtïdai.

1 Korintios 9:23

Bïïxi gobai ibuayi aanï ipïrhiditai sai aipakoga aïna go bhai ïrhiaragai aatagi. Dai pobuayi aanï biaka iñïrhiditai urabaragai mui buaboitudadami ïmadï ïpï buyitai aatïmï go bhai ïrhiaragai ix makïdï bia Diuxi gïr bïïtarï.

2 Timoteo 2:7

Kïï gï tïgito kaïka idi aatagi tudu dai Gïr Nukadakami gï maakimu tïgibudagai sai kïïga maatï kaïkana aapi.

Hebreos 10:36

Gï agai xi gïn gubukadadagi aapimï tudu saidi apia ibuada aapimï ixtumaxi Diuxi ipïrhidi. Podukai bhïimu aapimï bïïxi ixtumaxi ix makïdï gïr aagidi Diuxi sai gïr maaki agai.

Hebreos 6:7

Daiñi, gïn aagidamu ïmo maaxidaragai sai maatïkana aapimï ix maaxi odami ix makïdï buaboitudai dai ix maaxi ix makïdï mai buaboitudai ïpï. Bhaitoma ïpïan buayi ïgai dïdïbïrai xako gaïïsïi óídakami. Ïïmo dïdïbïrai kïkïïgadu dai kïïga bui go naana maaxi bhai ïrhiaragai ix makïdï gamamaakai Diuxi. Dudatai dukuiña tami oidigi daama tudu. Dai go kïïgadukami dïbïraïrï kïïga bapakïi go sudagi xïxkadï dudukiagi dai otoma badïrïi gobai. Pomaaxkami dïbïriana gia kïïga bhai gï buayi ïxikami odami bïïtarï.