2 Tesalonicenses 2:7 - Northern Tepehuan Bible

⁷ Xibi go soimaaxi buadami ïgai ïxtotai aatabuayi dai abïnakidimi odami xibi sai bui surhigïiña Diuxi. Dïï gia xïïxkadï maigobai imiagi ix makïdï sobhikïi

Tepehuan Northern: Diuusi ñiooquidʌ utuducami oodamicʌdʌ

⁷ Dai vʌʌscʌrʌ vʌʌsi aipacoga aliʌ soimaasi ivueeyi oodami ʌstocai mui naana maasi istumaasi ʌDiaavora ipʌlidi. Mosviʌʌga iscʌquivagi taagiñaiñdʌrʌ sioorʌ soobidaca.

2 Tesalonicenses 2:7 ပူးပေါင်းရင်းမြစ်များ

Hechos 20:29

Kïïga maatï aanï sai imïdakai aanï tabhiadïrï sai dadimu jaa ix makïdï ïïxibogan tutuiga ïpïan dukai sïsïïyi ix makïdï mai biayi kañiñiru. Ïgai yaatagidida agai go buaboitudadami dai soi buada agai.

2 Tesalonicenses 2:6

Kïï maatï aapimï tudu sai oidaga ixtumaxi ix makïdï mai dagitoimi xi gï maaxitudagi go soimaaxi buadami ïgai. Kaxkïdï maiti gï maaxitudamu ïgai asta xïïxkadï dáí Diuxi ix gï maaxitudagi ïgai.

1 Tomoteo 3:16

Kïïga maatï aatïmï sai namïga gïr buaboidaraga buaboidaitai aatïmï Suxi Kristo. Daiñi, ïkioma óídakami mai maatïkana ixtumaxi ïr buaboi dïï gia Diuxi gïr tïïgi ixtumaxi ïr buaboi dibiakai Suxi Kristo. Dai xibi naana maaxikïdï maatï aatïmï saidi ïr buaboi ixtumaxi aagai aatïmï aagaitai Suxi Kristo dai sai namïga gïr buaboidaraga. Daiñi, Suxi Kristo gïr aagidi dai gïr maaxiturhi xorai ïgai dibiakai tami oidigi daama. Dai Diuxi Ibhïadï ïpï kïïga aagaiña saidi ïr buaboi xorai gï aagaiña Suxi Kristo. Dai go Diuxi tïtïañikarudï bïïxi nïidiña go Suxi ïpï dai aipakoga óídakami ayi aatagi xorai ïgai. Dai gokiïrioma mui oidigi daama óídakami bhai aa saidi ïr buaboi ïpï dai buaboitu. Bhodïrï gï baidakatu go Suxi tïbagiamu xako oidakamu gïïpi xadutudaragai ïgai bïïtarï. Xadïrï po gï duñimudai bïïxi gobai ix maiti ïr buaboikamudai gïr buaboidaraga di.

1 Juan 2:18

Gin aaduñi Diuxi amadïrï, ka miadaimi ix ugitiagi oidigi. Dai aapimï kajiomakana saidi dibiagai ïmoko ix makïdï Suxi Kristo dukai gï dasa agai daidi ïr buidïrï kaatïkamigadïka agai Suxi Kristo. Dai xibi kaxi oidaga mui óídakami ix makïdï Suxi Kristo dukai gïn darasai dïï bhaiyoma ïr buidïrï bïïtïkamigadï ïgai. Kaxkïdï gï maatï xibi sai ka miadaimi ix ugitiagi oidigi.

1 Juan 4:3

Dïï gia xi pokaitadagi ïgai sai Suxi Kristo maiti ïr Diuxi otosadï aidï gia bia ïgai tïgibudadï go buidïrï kaatïkamigadï Suxi Kristo. Kaxi kajioma aapimï saidi dibiagai go buidïrï kaatïkamigadï Suxi Kristo tudu. Dai aanï agai sai ka aimïrai ïgai tami oidigi daama.

Apokalipsis 17:5

Dai kobadïrï biakatadai ïmo ojai ix makïdï ikaiti, Aanï ïr dïïdï bïïxi kïkïïlmïrhiakami oki dai aanïañdïrï bubuaka bïïxi galnaaxi buirudagai ix makïdï oidaga oidigi daama, ikaiti ojai go oki kobadïrï. Go ojai ïr tïtiaradï go oki dïï odami mai maatïkana ix tïiya ïrhidi.

Apokalipsis 17:7

Daidi go Diuxi tïañikarudï pobai in tïtïdai, —¿Tuipïxi mai tïtïgai aapi ixtumaxi gï tïgitoagi nïiditai gobai? Daiñi, odami mai maatï ix tïiya ïrhidi gobai ix makïdï nïidi aapi. Mai maatï ïgai ix tuma bïïtarï go oki tudu ix makïdï daama daitugai go gïï kïixi kubarakami momokami dai biakami bhaibuxtama aagadï. Dïï gia xibi gï aagidamu aanï ix tuma bïïtarï gobai— in tïtïdai.