2 Tesalonicenses 2:5 - Northern Tepehuan Bible

⁵ ¿Mai ix podukai gïn aagidiña aanï baasïkioma aidïxi gïn ïmadï dakatadai aanï?

Tepehuan Northern: Diuusi ñiooquidʌ utuducami oodamicʌdʌ

⁵ ¿Casi mʌsmaitʌgito isvʌʌsi gomaasi gʌnaagidi aanʌ aidʌsi gʌnsaagida daacatadai aanʌ?

2 Tesalonicenses 2:5 ပူးပေါင်းရင်းမြစ်များ

Mataibo 16:9

—Daiñi, tomaxi nïidi aapimï aidïxi bhibhidi aanï taama mirhi odami mos arhi taama panakïdï, modukai mai maatï nïidi aapimï ixtuma dui aanï dai otoma mai tïgito. ¿Bïïki asarai sudakami ïmapagi aapimï saasakigadï go pan ix makïdï bhaibitu aidï?— itïtïdai.

Markos 8:18

—¿Ix tuixi mai tïtïgito nïayi aapimï? ¿Maiti mïx bupujï? ¿Dai ix tuixi mai tïtïkaidaga? Naanaka aapimï di. ¿Kaxi mïx mai tïgito xi aanï saasarai taama pan dai ïgaikïdï bhibhi taama mirhi odami? ¿Mïtïïki asarai ïmpagi sasakigadï aidï?— itïtïdai Suxi. —Bhaibuxtama dan goka— ikaiti mamaatïrdamigadï aidï.

VUAANA 16:4

Xibi gïn aagidi aanï gobai bai xudu taatagi aapimï go soi ïrhiaragai gïn tïgitomu aapimï ix ka ïkiaxdïrï gïn aagidi aanï ix tumaxi daibuña agai. Maiti ipïrhidi aanï ix gajiadïrï biagi aapimï gïn buaboidaraga kaxkïdï gïn aagidi aanï— itïtïdai. —Gin aaduñi, baasïkioma aidïxi utudama gin uraba aapimï maiti gïn aagidi aanï ix tumaxi daibuña agai kïïga maatïkatai sai gïn ïmadï daja iñagaitadai ïpï chïki tasai kia.

Hechos 20:31

Gïn nukadabïrai tudu. Daidi abïr gïn tïgito ajiopada ix dukatai aatadui aanï gïn ïmadï dakatai. Baika umigi aitu aanï gamamaakaitai ñoki modukai tasïrï dai tukarï. Dai tomaxi dudatai dai kabami soimaaxi taata aanï tomax dukai apia dukai gïn mamaakaiña aanï ñoki tomaxi suanïitadai aanï.

Galatas 5:21

Koimudadï tutiakana ïgai dai nabaakoitïrïkana. Dai ibuadana ïgai bagimi xako ibuadana naana maaxi buirudagai. Naana maaxi ibuadana ïgai podukai tudu. Dai kaxi gïn aagidi aanï ïkioma sai mai pobuadagi aapimï. Gïn aagidi aanï tudu sai xorai pobuadagi mai biaka agai oigaragai xi Diuxi ïr tïanïdamigadïkagi.

1Tesalonicenses 2:11

Dai kïï maatï aapimï sai gïn oigïdaiña aatïmï gïr maamara dukai. Gïn ojoga dukai aatïmï tudu dai gïn abïnakidiña aatïmï dai gïn mamaakaiña ñoki ix dukatai gï agai ix óídakagi aapimï Diuxi maamaradïkatai. Kaxkïdï tudu Diuxi ïgai dai gïn báí saidi urabakana aapimï go ix makïdï Diuxi tïanïi sai podukai nïijadana aapimï xïï xigian dukai tïanïi Diuxi.

1Tesalonicenses 3:4

Baasïkioñdïrï ka podukai gïn aagidiña aatïmï tudu. Dai xibi ka maatï aapimï saidi ïr buaboi ix makïdï gïn aagidi aatïmï. Ka soi gïn buididimi jaa tudu ix dukai gïn aagidi aatïmï.

2 Tesalonicenses 2:6

Kïï maatï aapimï tudu sai oidaga ixtumaxi ix makïdï mai dagitoimi xi gï maaxitudagi go soimaaxi buadami ïgai. Kaxkïdï maiti gï maaxitudamu ïgai asta xïïxkadï dáí Diuxi ix gï maaxitudagi ïgai.

2 Tesalonicenses 3:10

Aidïxi amïka gïn ïmadï darakatadai aatïmï ¿Mai ix tudu gïn aagidiña aatïmï sai xorai mai aatabuada ïrhiadagi sai maiti gï agai xi maakiagi soiñi ix tuma kudagi ïgai?

2 Pedro 1:15

Kaxkïdï kabami gin aajagïi aanï gïn soiña ïrhiditai saidi gïn tïgitokagi aapimï ixtumaxi gïn aagidiña aanï. Dai kaxkïdï gïn ojidi aanï xibi saidi ka ojixikami biakagi aapimï gobai xïïxkadï ka mai tipukagi aanï tami oidigi daama.