2 Tesalonicenses 2:11 - Northern Tepehuan Bible

¹¹ Dai Diuxi nïidamu ix mai buaboituda ïrhidi ïgai ixtumaxi ïr buaboi ix kaxkïdï iduñimu ïgai sai gubuakami dukai aiyagi go buirumadaragai ibhïgadïrï saidi kïïgioma buaboitudaiña ïgai ix makïdï ïr go yaatagi.

Tepehuan Northern: Diuusi ñiooquidʌ utuducami oodamicʌdʌ

¹¹ Cascʌdʌ Diuusi dagitua agai isʌcʌcʌʌli soimaasi ivuaadami vupuiirumadadagi, dai Diuusi dagitua agai sai vaavoitudana ismaacʌdʌ maitʌrvaavoi.

2 Tesalonicenses 2:11 ပူးပေါင်းရင်းမြစ်များ

Genesis 39:19

Ka podukai gin buididi gï pioñi tudu— itïtïdai. Daidi go amudï go Jose kabami bhamu kaïkatai aatagidï go oki.

Mataibo 24:11

Dai oidaka agai mui yaatabogami aidï ix makïdï ñokituldiadamigadï Diuxi gïn aagadamu dai podukai bupuirumada agai ïgai mui óídakami— itïtïdai.

Romanos 1:28

Odami maiti ipïrhi xi xadutuadagi Diuxi tudu. Kaxkïdï Diuxi dagito xi adaimuagi ïgai tïgibudagai ix makïdï maiti ïr sïïrhi. Dagito ïgai xi odami ibuadagi naana maaxi ix makïdï maiti agai xi ibuadagi.

1Tesalonicenses 2:3

Dai go ix makïdï gïn aiturhi aatïmï gïr aatagi gobai kïïga ïr buaboi. Maiti gïn buirumagi aatïmï tudu dai bhaiyoma kïï sïïrhi gïn aagidi dai gïn tanïiña mïsai buaboitudaiña gïr aatagi. Dai tomarhi mai gaagaitadai aatïmï ixtumaxi ïïgi gïr bïïtarï gïn aagiditai gobai.

1 Tomoteo 4:1

Diuxi Suxi Kristokïdï gïr tïïgi ix tumaxi ïr buaboi tudu. Dïï gia Diuxi Ibhïadï kïïga gïr aagidi ïpï sai xibi tuigako karhioga ugitïkai oidigi sai mui óídakami dagito agai go buaboikïdï buaboidaragai dai bhaiyoma ïïgiadamu tïgibudagai ix makïdï ïr yaatagi. Ïïgiadamu ïgai maakadami aatagi yaatabogami tudu ix makïdï buimu tïgibudadï diabora tïtïañikarudï dai ïgaikïdï gamaakadamu aatagi.

2 Timoteo 4:4

Gajiadïrï biamu ïgai ix makïdï kïïga ïr buaboi aidï dai bhaiyoma kaïka ïrhiadamu odami aatagidï maaxi ixtumaxi maiti ïr buaboi.