2 Pedro 3:4 - Northern Tepehuan Bible

⁴ Daidi ikaitidamu ïgai, —¿Tïdui dai mai kia dibia Suxi Kristo?— ikaitida agai. —Pokaitiña go Suxi sai buaboikïdï dibiagai ïpamu dïï mai kia dibia. Mo maaxkana oidigi aidï abhiadïrï xi idui Diuxi dai mai tipu maaxidaragai ix dibiagi Suxi Kristo ïpamu— ikaitidamu. —Go ïïki óídakami ka kïkïrhiokoi dai ka bïïxi koi dai modukai mai dibia go Suxi tudu— ikaitida agai ïgai gïn parunaitai.

Tepehuan Northern: Diuusi ñiooquidʌ utuducami oodamicʌdʌ

⁴ Dai ʌgai gatʌcacada agai dai pocaitidada agai: “¿Tadui ʌCristo dai camaidivia? ʌgai aagidi gʌraaduñicaru sai divia agaitadai. Dai gʌraaduñicaru cacʌcʌʌliocoi dai cacoi taidʌ ʌCristo camaidivia baiyoma momaasi oidigi aidʌsi abiaadʌrʌ cʌquiva”, ascaitiada agai.

2 Pedro 3:4 ပူးပေါင်းရင်းမြစ်များ

Genesis 19:14

Dai go Lot kaïkatai gobai sai mïï aagidi ïgai go kïkïïrhi ix makïdï ka aagai sai ïmadï bii agai go maamaradï Lot. Daidi potïtïdai ïgai, —Otoma abïr boopoi. Ka xia duada agai Gïr Nukadakami idi bhaabhaki— itïtïdai. —Arhiï buiruga aapi dai kaiti— itïtïdai go kïkïïrhi dai mai buaboitu.

Mataibo 16:27

—Gï agai sai maatïkagi aapimï tudu sai imimu aanï tami oidigi daamaiñdïrï dïï gia ayimu ixtuigako dibiamu aanï ïpamu. Aanï ix makïdï ïr otosadï Diuxi dai ïmo kïïrhi busai tudu. Dibiamu aanï gubukarhigadïkïdï gin Oga dai gin oijadamu tïtïañikarudï Diuxi. Dai dibiakai maakimu aanï bïïxi óídakami ixtumaxi ajïakagi ïgai nïiditai aanï ixtumaxi idui ïgai tami oidigi daama. Ïïmoko maakimu aanï bhai ïrhiaragai dai jaa maakimu aanï gïgïbidaragai.

Mataibo 16:28

Dai aanï aagai sai ïïmadutai aapimï ix makïdï tami daraka xibi mai kia koimu xi gin nïijadamu aapimï xudu dibiagi aanï. Gin nïijadamu ix dibiamu aanï gatïanïda iñagaitai aanï ix makïdï ïr otosadï Diuxi dai ïmo kïïrhi busai tudu— itïtïdai.

Mataibo 24:28

—Xibi gïn aagidamu aanï ïmo maaxidaragai sai maatïkana aapimï xïï kïïga maaxkamu xïïxkadï dibiagi aanï. Gobai ïr ïpïan dukamika agai xïïxkadï mui nïnïdagi nunui no xibhïkai oidigana. Kïïga maatiga maaxkana bïïxi óídakami bïïtarï sai ami kaatï ixtumaxi mukiadï ¿aba? Dai podukai ïpï xïïxkadï dibiagi aanï kïïga maatiga maaxkamu bïïxi óídakami bïïtarï ïpï. Mai ïxtotai dukai dibiamu aanï tudu— itïtïdai.

Mataibo 24:48

—Dïï gia go pioñi ix makïdï nukadakami bii ami kiiyïrï kïï bhaiga xi galtuigakagi ïpï. Xi pomaaxkagi ïgai aidï gia gïgïbi antaada ïgai go gaa pipioñi ïmadï kuxñiñirui po gï ïrhiditai ïgai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai mos gakuadagi dai gayïdagi ïmadï jaa nabaakoidadï,

Markos 10:6

—Dïï gia aidïxi tukamïrï kïi Diuxi oidigi dai idui odami, ïmo kïïrhi ïmadï ïmo oki idui ïgai.

Markos 13:19

Mai pokaki soi taadakana odami aidïxi abhiadïrï ix kïi Diuxi oidigi di. Dai tomarhi ïmo imidagai mai pokaki soi taadakamu ïpamu.

Lukas 12:45

—Dïï gia go pioñi ix makïdï go gatïanïdami bii ami kïï bhaiga ix mai kïï buadagi ïpï. Gïgïbi antaada ïgai go gaa pipioñi ïmadï kuxñiñirui tudu po gï ïrhiditai sai mai otoma dibiagai amudï. Ix mai buamï gï ïrhiadagi ïgai ix dibiagi amudï dai bhaiyoma mos gakuadagi dai gayïdagi dai nabaamukagi,

Hechos 7:60

Dai bhodïrï totonakïdï kïkiba dai gïgïrï iiña daidi ikaiti, —Gin Nukadakami, maiti gïpiïrï bupada go odami idi soimaaxkamikïdï— ikaiti. Dai mos potïi ïgai dai muu.

1Tesalonicenses 2:19

Xïïxkadï buitapi gukakagi aatïmï Suxi Kristo dibiakai ïgai ïpamu bhai gïr ïrhiadamu gïr ïmadï darakatai aapimï ïmadï jaa ïpï ix makïdï buaboitu gïr aatagi. Aidï aapimï ami gukakamu Suxi Kristo buitapi ïpï dai gobai ïr ïmo gïdukami maitïki dukaikamu gïr bïïtarï. Kaxkïdï bhai gïr ïrhidi aatïmï aapimïkïdï dai gïn nïida rïrhidi xibi.

2 Pedro 3:12

Gï agai sai bhai ïrhiarakïdï nïnïrakagi aatïmï ix aiyagi ix tuigako ugitituda agai Diuxi bïïxi aïkatai ixtumaxi. Aidï ïmo gïï táíkïdï ugiti agai go tïbagi dai bïïxi ixtumaxi ami oidaga mïi agai.

Apokalipsis 3:14

Daidi go makïdï gin ñokidi dai odami maaxi gin tïtïdai, —Ojidañi ïmo ojai go nukadakamigadï buaboitudadami Laodisiïrï ïpï. Dai adukai ojida aapi, Aanï ïgai dai bïïxkïrï ibuayi ixtumaxi aagagi aanï sai ibuada iñagai. Aanï bïïxkïrï aagai ixtumaxi ïr buaboi dai aanïkïdï ïpï oidatu bïïxi aïkatai ixtumaxi idui Diuxi.