2 Korintios 8:3 - Northern Tepehuan Bible

³ Aanï ïr nïijadami tudu sai asta bhaibitukami gamamaakaiña ïgai ixtumaxi bia soikïitai jaa. Ga mamaakaiña ïgai tomaxi ïgai mai bipiadagi ïïgi oidakaradï bïïtarï. Bïïxi bhai ïrhiaradïkïdï gamamaakaiña ïgai tudu.

2 Korintios 8:3 ပူးပေါင်းရင်းမြစ်များ

Markos 14:8

—Dïï idi oki gia in duindi xïïxi ixtui ïgai. Kaxi in toi ïgai perfume ïkiaxdïrï bhaiduñaragai gin tukuga yaasaragai bïïtarï. Ka miadaimi xïxkadï mukia iñagai kaxkïdï.

Hechos 11:29

Daidi go buaboitudadami Antiokiïrï bhai dui ñoki dai otosda agai soiñi go buaboitudadami Judeïrï. Dai bïïxkatai ïmpagi xïïjïki ixtui.

Romanos 10:2

Aanï kïï maatï sai go judidiu kïïga xadutuada ïrhidi Diuxi dïï mos kuga iji ïgai.

1 Korintios 16:2

Bïïxi tumiñoko abïr ïmpaidadagi ïpï lïïchi bamioma tudu. Gï agai bïïxkatai ix dasadagi lïïlïchi dai ix makïdï bamioma gamaitïkïdagi gï agai sai bamioma daasadagi. Ïkiaxdïrï abïr ïmpaida go soiñi tudu sai podukai maiti gï agadagi ix ïmpaidagi xïïxkadï aiyagi aanï.

1 Korintios 9:17

Kaxkïdï tudu tomaxi maiti ipïrhiadagi aanï ix aagagi go bhai ïrhiaragai aatagi tomax dukai bia aanï sïïrhikami ix aagagi dai mai tipu maitïki gin bïïtarï. Dïï gia ix ïïgi gin bhai ïrhiaragakïdï aagagi aanï aidï gia kïïga buyiña aanï maitïki.

Galatas 4:15

Aidï kïïga bhai gïn ïrhidiña aapimï kaïkatai go bhai ïrhiaragai aatagi. Aanï po in ïrhidi sai gin maaki antaadatadai aapimï asta gïn bupuji gin soiña ïrhiditai aidï. ¿Dai xibi xïdui go bhai ïrhiaragai ix makïdï biakatadai aapimï aidïxi tukamïrï kaï aapimï go bhai ïrhiaragai aatagi?

Filipenses 2:13

dai kïïga bhaigakamu aapimï xi pobuadagi. Kaxkïdï tudu Diuxi ïgai dai gïn maakai tïgibudagai saidi ipïldana aapimï xi ibuadagi ixtumaxi ïgai ipïrhidi dai gïn maakai ïgai gubukarhigai saidi ibuada aapimï ïpï.

Kolosenses 4:13

Kïïga nïidiña aanï xïï kabami buamï gï ïrhidi go Epafro aapimï gïn bïïtarï tudu dai bïïtarï go buaboitudadami Laodisiïrï dai Heriopoliïrï ïpï.

1Tesalonicenses 2:8

Kïïga gïn oigïdai aatïmï tudu ix kaxkïdï gïn aagidi aatïmï go bhai ïrhiaragai aatagi. Dai kaxkïdï ïpï bhai ïrhiarakïdï dadasaiña aatïmï bïïxi gïr gubukarhiga gïn soiña ïrhiditai.

Filemon 1:14

Dïï gia maiti ipïrhidi aanï ix tami biyagi go Onesimo ix aapi mai bhai aagagi. Gobai ïr ïmo gïdukami soiñikamudai in bïïtarï aapikïdï dai kïïga bhai maaxkami. Dïï gia maiti ipïrhidi aanï xi gubukamikïdï ibuadagi aapi ixtumaxi bhai maaxi. Ipïrhidi aanï bhaiyoma sai ïïgi gï bhai ïrhiarakïdï ibuadagi aapi.

1 Pedro 4:11

Dukami, ix makïdï gatïtïïgiadagi ñoki gï agai sai kïïga ñokadagi ñokiturhikatai ïgai Diuxi. Dai ix makïdï soikïdagi jaa gï agai sai kabami gï aajagïdagi soikïitai bïïxi go gubukarhigaikïdï ix makïdï gamamaakai Diuxi. Bïïxi ixtumaxi ibuadagi aapimï abïr Diuxi gubukarhigadïkïdï ibuada saidi jaa xadutuadana Diuxi nïiditai ixtumaxi ibuayi aapimï gïn soikïitai Suxi Kristo. Suxi Kristo ïgai dai bïïxi adaama gï xadutuada agai bïïxkïrï bïïtarï tudu dai bïïxi adaama gatïanïda agai ïgai ïpï. Gobai gia ïr buaboi.

1 Pedro 5:2

Aapimï bhaitï gukakami, paxtuturu dukai abïr nukada go buaboitudadami ix makïdï gïn nukaturhi Diuxi. Bïïxi gïn bhai ïrhiarakïdï abïr nukada ïgai tudu dai maiti gï agai ix po gïn ïrhiada sai gubudakïdï bia aapimï ix nukadakagi. Dai maiti abïr mosïkaxi tuminxikïdï ibuada gïn aaduindaga ïpï dai bhaiyoma abïr bhai ïrhiarakïdï nukada go buaboitudadami maatïkatai sai Diuxi bïïtarï aatabuayi aapimï.