2 Korintios 8:21 - Northern Tepehuan Bible

²¹ Ipïrhidi aatïmï sai nïijadagi Diuxi sai kïï sïïrhi ibuayi aatïmï gïr aaduindaga tudu dai sai go odami nïijadagi ïpï.

Tepehuan Northern: Diuusi ñiooquidʌ utuducami oodamicʌdʌ

²¹ Aatʌmʌ cʌʌga iduuñia ʌrʌlidi goaa duiñdagai Diuusi vuitapi dai oodami vuitapi ʌʌpʌ.

2 Korintios 8:21 ပူးပေါင်းရင်းမြစ်များ

Mataibo 23:5

—Gïn aagidamu aanï ix tutuiga go tïtïïgiadami sïïrhikami ïmadï go fariseos tudu— itïtïdai. —Daiñi, ïgai ojai Diuxi ñokidï aarhi papeperhiïrï dai bhodïrï aarhi kaja ïrana darasai dai kobadïrï dai ïïkadïrï bupurai go aarhi kaja. Podukai gïn biturhi ïgai kaxkïdï. Dïï gia ojoidi ïgai xi bamioma gïrhidagi go aarhi kaja ix makïdï gïn bupurai ïgai saidi odami gïn tïgito nïidiña dai sai pokaitiña odami sai ïgai gia kïïga xadutudai Diuxi. Ojoidi ïgai ïpï sai gïn aadadagi yukuxi ix makïdï ugidïrï kïïga tïïtïbïdu naanakadï ix dukai gïn aadai odami ïmo xadutudaragai dukai Diuxi bïïtarï tudu. Dïï gia go tïtïïgiadami sïïrhikami ïmadï go fariseos pobuayi ipïrhiditai sai gïn tïgito nïidiña odami dai kïï ñokaiña ïgai bïïtarï bhaiyoma.

Mataibo 5:16

Ïmo kudakarui dukai aapimï tudu buitapi óídakami. Dai kaxkïdï aanï aagai sai gï agai sai kïïga maaxiko dukai óídakagi aapimï ibuadatai ixtumaxi ïr kïïga óídakami buitapi. Podukai go óídakami gïn tïgito nïijadamu ix dukatai óídaga aapimï. Dai maatï nïijadamu ïgai sai Diuxi gïr Oga ix makïdï tïbagiana daja ïgai dai gïn soikïi sai podukai óídakagi aapimï dai kïïga ñokadamu óídakami Diuxi bïïtarï nïiditai gobai— itïtïdai.

Mataibo 6:1

—Gin aaduñi, kïïga bhai maaxi xi ibuada aapimï ixtumaxi ïr kïïga. Dïï gia gïn nukadabïrai dai kïïga abïr gïn tïgito nïida ix tuma bïïtarï ibuadagi aapimï. Maiti gï agai tudu xi kïï tutiakami dukai ibuadagi aapimï sai jaa odami kïï tutiakami gïn aagaiña. Xi po maaxi bïïtarï buadagi aapimï ixtumaxi ïr kïïga aidï gia ka mai bhïimu aapimï gïn maitïki ix makïdï bia Diuxi gïn Oga gïn bïïtarï.

Mataibo 6:4

Ïxtotai dukai abïr maakada tudu soiñi soititigami sai podukai mosïkaxi Diuxi gïr Oga nïijadamu. Aidï gia Diuxi ïgai dai gïn maakimu gïn maitïkiga. Ïgai kïïga nïidi tudu— itïtïdai.

Romanos 12:17

Maiti abïr aa noraida soimaaxkamikïdï ix makïdï soi gïn buidadagi. Gaagabïrai ix dukatai ibuadagi ixtumaxi ïr sïïrhi xi jaa óídakami maatïkagi sai kïïga ibuayi aapimï.

Romanos 14:18

Xorai podukai oidakagi Suxi Kristo bïïtarï maakimu bhai ïrhiaraga Diuxi dai odami kïï tuigakami dukai nïijadamu ïpï.

2 Korintios 2:17

Diuxi ïgai dai gïr maa ïmo sïïrhikami tudu. Dai kaxkïdï Diuxi gubukarhigadïkïdï aatabuayi aatïmï dai kïïga sïïrhi ñokai aatïmï ojotosadïkatai aatïmï Suxi Kristo. Dai mai xu xi tuminxikïdï gaatabuayi aatïmï gatïtïïgiditai Diuxi ñokidï aipakoga. Jaa gia go ïï tuminxikïdï gatïtïïgidiña ñoki dïï aatïmï gia cho. Kïïga maatï aatïmï sai Diuxi bïïxi nïidi ixtuma ibuadagi aatïmï kaxkïdï.

2 Korintios 8:20

Ipïrhidi aanï ïpï sai maatïkagi aapimï ix tuixidï gïr oijada agai go kïïrhi ïgai ïmadï go Tito. Gïr oijada agai ïgai sai mai ñokadagi odami no xibhïakoga. Saidi mai pokaitada odami sai mai kïï idui aatïmï go tuminxikïdï ix makïdï ïmpagi go buaboitudadami kïï tutiakatai ïgai jaa bïïtarï tudu.

2 Korintios 8:22

Gïr aaduñi, gï agai sai maatïkagi aapimï ïpï saidi otosa ragai ïpï ïmai kïïrhi go Tito ïmadï ïpï. Idi kïïrhi ix makïdï aagai aanï xibi ka naana dukai gï mamaaxidi sai kïï sïïrhi aatabuayi ïpï. Kïïga buaboitudai ïgai saidi kïïga ïmpaidamu aapimï go soiñi gïr aaduñi soititigami bïïtarï ix dukatai gï agai. Kaxkïdï bhai ïrhiarakïdï ipïrhidi ïgai sai gamo imi agai dai gïn soiñagi. Oijada agai ïgai go Tito ïmadï go gïmai kïïrhi tudu dai baikatai iimïda agai ïgai.

Filipenses 4:8

Ïpï ïmo ixtumaxi gïn aagida in ïrhidi aanï aapimï gïn aaduñi Diuxi amadïrï. Daiñi, gïn aagidamu aanï ixtumaxi gï agai xi tïgito ajiopadagi aapimï. Tïgitodabïrai ixtumaxi ïr buaboi tudu dai ixtumaxi ïr kïï sïïrhi dai ixtumaxi ïr buañixi dai ixtumaxi xigiamaaxi. Gïn tïtïgitodabïrai ixtumaxi ïr kïï bhai maaxkami tudu.

1Tesalonicenses 5:22

dïï gia ix soi maaxkagi aidï gia abïr mai ïïgiada gobai.

1 Tomoteo 3:7

Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

1 Tomoteo 5:14

Mui bipiudu ka podukai dagito Suxi Kristo tudu ka mai ïïgida ïrhiditai dai ïïgiditai bhaiyoma go diabora. Kaxkïdï aanï aagai sai maiti gï agai xi gïn ojagi utu iimïdami bipiudu ami paperhiïrï dai gï agai bhaiyoma xi gaïmadï biyagi ïgai ïpamu. Gï agai xi mamartadagi ïgai dai xi kïïga nukadakagi ïïgi bakidï daidi kïïga óídakagi. Gï agai tudu xi kïï buadagi ïgai sai mai tipukagi ixdukatai galkai nïijadagi jaa go buaboitudadami.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.